ନିର୍ବାଚନ ଫଳାଫଳ ଆସିବାର ୪ ଦିନ ମଧ୍ୟରେ ଦଳ ଛାଡିଲେ ଆପ୍ ବିଧାୟକ, ବିଜେପିରେ ହୋଇପାରନ୍ତି ସାମିଲ
କନକ ବ୍ୟୁରୋ : ଗୁଜରାଟ ବିଧାନସଭା ନିର୍ବାଚନ ଫଳାଫଳ ଆସିବାର କିଛିଦିନ ମଧ୍ୟରେ ଆମ୍ ଆଦମୀ ପାର୍ଟିକୁ ବଡ ଝଟକା ଲାଗିଛି । ଦଳର ଜଣେ ବିଧାୟକ ଆଜି ଦଳରୁ ଇସ୍ତଫା ଦେଇଛନ୍ତି । ଗୁଜରାଟ ଜୁନାଗଡ ଜିଲ୍ଲା ବିସାବାଦାର ବିଧାନସଭା କ୍ଷେତ୍ରରେ ଆମ୍ ଆଦମୀ ପାର୍ଟି ଟିକେଟରୁ ନିର୍ବାଚନ ଲଢି ବିଜୟୀ ହୋଇଥିବା ବିଧାୟକ ଭୂପତ ଭାୟାଣୀ ଇସ୍ତଫା ଦେବା ପରେ ବିଜେପିରେ ଯୋଗଦେଇ ପାରନ୍ତି ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ୧୮୨ ବିଧାନସଭା ଆସନ ବିଶିଷ୍ଟ ଗୁଜୁରାଟ ବିଧାନସଭା ନିର୍ବାଚନରେ ବିଜେପି ସଂଖ୍ୟା ଗରିଷ୍ଠତା ହାସଲ କରିଛି । ପ୍ରଥମଥର ପାଇଁ ଗୁଜରାଟରେ ନିର୍ବାଚନ ଲଢି ଆମ୍ ଆଦମୀ ପାର୍ଟି ୫ ଟି ବିଧାୟକ ଜିତାଇବାରେ ସକ୍ଷମ ହୋଇଥିଲା । ହେଲେ ସବୁଠାରୁ ବଡ କଥା କି ଆମ୍ ଆଦମୀ ପାର୍ଟିକୁ ଗୁଜରାଟରେ ୧୩ ପ୍ରତିଶତ ଭୋଟ ମିଳିଥିବାରୁ ଏହାକୁ ନେଇ ଦଳ ଖୁସି ମନାଇଛି । ସେପଟେ ୫ ଜଣ ବିଧାୟକଙ୍କ ମଧ୍ୟରୁ ଜଣେ ଆଜି ଦଳରୁ ଇସ୍ତଫା ଦେଇଥିବାରୁ ଗୁଜରାଟରେ ଆପ୍,ପାଖରେ ମାତ୍ର ୪ ଜଣ ବିଧାୟକ ରହିଲେ ।