ଗୁପ୍ତଚର ମାମଲାରେ ଅଡୁଆରେ ଦିଲ୍ଲୀ ସରକାର, ସିିବିଆଇ ଯାଂଚ ପାଇଁ ଅନୁମତି ଦେଲେ ଉପ ରାଜ୍ୟପାଳ
କନକ ବ୍ୟୁରୋ : ଦିଲ୍ଲୀରେ ଆମ୍ ଆଦମୀ ପାର୍ଟି ସରକାର ବିଜେପି ଉପରେ ଗୁପ୍ତଚରଭାବେ ଖବର ନେଉଥିବାର ଅଭିଯୋଗ ହୋଇଛି । ଏହି ମାମଲାରେ ଉପ ରାଜ୍ୟପାଳ ବିନୟ ସକସେନା ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବିରୋଧରେ ଦୁର୍ନୀତି ନିବାରଣ ଅଧିନିୟମ ଆଧାରରେ ମାମଲା ରୁଜୁ କରିବାକୁ ସିବିଆଇକୁ ଅନୁମତି ଦେଇଛନ୍ତି । ସିସୋଦିଆଙ୍କ ସମେତ ମୋଟ ୬ ଜଣ ଲୋକଙ୍କ ବିରୋଧରେ ଏହି ମାମଲା ରୁଜୁ ହେବ । ସେମାନଙ୍କ ମଧ୍ୟରେ ଜଣେ ଆଇଏଏସ ଅଧିକାରୀ ମଧ୍ୟ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ ଆମ୍ ଆଦମୀ ପାର୍ଟି ସରକାର ୨୦୧୫ ମସିହାରେ ସରକାରକୁ ଆସିବା ପରେ ଭିଜିଲାନ୍ସ ବିଭାଗ ମାଧ୍ୟମରେ ଏକ ଫିଡବ୍ୟାକ୍ ୟୁନିଟ୍ ପ୍ରସ୍ତୁତ କରିଥିଲା । ଏହାର ବ୍ୟବହାର ରାଜନୈତିକ ବିରୋଧୀମାନଙ୍କ ସଂପର୍କରେ ଖବର ସଂଗ୍ରହ କରିବାକୁ କରାଯାଇଥିଲା । ଉପ ରାଜ୍ୟପାଳଙ୍କ ଅଫିସ ମୁତାବକ ଏହି ଫିଡବ୍ୟାକ୍ ୟୁନିଟ ନେତମାନଙ୍କ ଉପରେ ଗୁପ୍ତଚରୀ କରିବାକୁ କରାଯାଇଥିଲା ।
ଏହି ମାମଲାକୁ ନେଇ ଆପ୍ ବିରୋଧରେ ଦିଲ୍ଲୀରେ ଆଜି ବିଜେପି ପ୍ରଦର୍ଶନ କରୁଛି । ବିଜେପି ଅଭିଯୋଗ କରିଛି କି ଏହି ଫିଡବ୍ୟାକ ୟୁନିଟକୁ ଆପ୍ ସରକାର ୧କୋଟି ଟଙ୍କା ଦେଇଛି । ଏହି ଫଣ୍ଡର ନାମ ସିକ୍ରେଟ ସର୍ଭିସ ଫଣ୍ଡ ରଖାଯାଇଥିଲା । ଫିଡବ୍ୟାକ ୟୁନିଟର ମୁଖ୍ୟଭାବେ ଅର୍ଦ୍ଧ ସାମରିକ ବାହୀନିର ଜଣେ ଅବସରପ୍ରାପ୍ତ ଅଧିକାରୀଙ୍କୁ ରଖାଯାଇଥିଲା । ବିଜେପି ଦାବି କରିଛି କି ଏହି ଫିଡବ୍ୟାକ୍ ୟୁନିଟ ପାଇଁ ଯାହା ଖର୍ଚ୍ଚ କରାଯାଇଛି ତାହା ମନୀଷ ସିସୋଦିଆଙ୍କ ଠାରୁ ଆଦାୟ କରାଯାଉ ।
ଉପ ରାଜ୍ୟପାଳଙ୍କ କହିବା ମୁତାବକ ଏସବୁ ବାବଦରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅବଗତ ଥିଲେ । ଏହି ୟୁନିଟ୍ ୨୦୧୬ ରୁ କାମ କରିବା ଆରମ୍ଭ କରିଥିଲା । ଏହି ୟୁନିଟ ୭ମାସ କାମ କରିବା ପରେ ଭିଜିଲାନ୍ସ ବିଭାଗର ଅଭିଯୋଗକ୍ରମେ ଏହି ୟୁନିଟକୁ ଭଙ୍ଗ କରାଯାଇଥିଲା ।