କନକ ବ୍ୟୁରୋ: ପାଣି ପାଇଁ ପଦଯାତ୍ରା । ବିଦ୍ୟୁତ ବିଭାଗର ମନମାନୀ ପାଇଁ ଅସୁବିଧା ଭୋଗୁଛନ୍ତି ଗାଁର ଲୋକ । ପାଣି ଟୋପାଏ ପାଇଁ ମାଇଲ ମାଇଲ ବାଟ ଯାଉଛନ୍ତି ଲୋକେ । ବସ୍ତା ସାହାଡାରୁ ଏହି ଚିତ୍ର ଦେଖିବାକୁ ମିିଳିଛି । ଏହି ଅଞ୍ଚଳରେ ଦୁଇ ଦୁଇଟି ଓଭରହେଡ ପାଣି ଟାଙ୍କି ରହିଛି । ଯାହା ଉପରେ ୩ହଜାରରୁ ଅଧିକ ଲୋକ ନିର୍ଭରକରି ଚଳୁଛନ୍ତି । ହେଲେ ୩ମାସ ହେଲା ଏହି ଅଞ୍ଚଳରେ ବିଦ୍ୟୁତ ଯୋଗାଣ ବନ୍ଦ କରିଦିଆଯାଇଛି । ଯାହାଫଳରେ ପାଣି ପାଇଁ ଲୋକେ ଡହଳବିକଳ ହେବା ସହିତ ମାଇଲ ମାଇଲ ବାଟ ଯାଉଛନ୍ତି ପାଣି ସଂଗ୍ରହ ପାଇଁ । ଚାଷ ଜମି ପାଇଁ ଯୋଗାଯାଉଥିବା ପାଣି ଏହି ଗାଁର ଲୋକ ବ୍ୟବହାର କରୁଛନ୍ତି । ହେଲେ ଏବେ ପ୍ରଶ୍ନ ଉଠୁଛି ଚାଷ ଅମଳ ହୋଇଗଲା ପରେ ପାଣି ବନ୍ଦ ହୋଇଗଲେ ଲୋକେ କେଉଁଠାରୁ ଆଣିବେ ପାଣି । ଯାହାକୁ ନେଇ ଏବେ ଚିନ୍ତା ବଢିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ଼ କଥା ହେଲା ୪ଟି ଗାଁରେ ଥିବା ୨୦ରୁ ଅଧିକ ନଳକୂଅ ରହିଥିଲେ ବି ତାର ମରାମତି କରାଯାଉନି । ଯାହାଫଳରେ ଏବେ ବି ତାହା ଅଚଳ ହୋଇପଡ଼ିରହିଛି । ତେବେ ଗାଁର ସରପଞ୍ଚ ଓ ବିଦ୍ୟୁତ ବିଭାଗ ମଧ୍ୟ କଥାରେ ତାଳମେଳ ରହୁନାହିଁ ଯାହା ମଝିରେ ବଳି ପଡୁଛନ୍ତି ଗାଁର ଲୋକେ । ସେପଟେ ୭ ଦିନରେ ସମସ୍ୟାର ସମାଧାନ ନହେଲେ ଆନ୍ଦୋଳନ କରିବାର ଚେତାବନୀ ଦିଆଯାଇଛି ।