ବୟସର ଅପରାହ୍ନରେ ଅସହାୟ ବୃଦ୍ଧ ଦମ୍ପତ୍ତି, ପରିଣତ ବୟସରେ କଷ୍ଟରେ ଜୀବନ ବିତାଉଛନ୍ତି ଆଳିପିଙ୍ଗଳ କରସାହିର ପତିପତ୍ନୀ।
କନକ ବ୍ୟୁରୋ: ବୟସର ଅପରାହ୍ନରେ ଅସହାୟ ବୃଦ୍ଧ ଦମ୍ପତ୍ତି । ପରିଣତ ବୟସରେ ସାହାରା ଦେବାକୁ କେହିନାହିଁ । ଭଙ୍ଗା ରୁଜା ଘରେ ରହୁଥିବା ବେଳେ ଅନଟନ ସାଧୁଛି ଦାଉ । ପୁରୀ ଜିଲ୍ଲା ନିମାପଡ଼ା ବ୍ଲକ ଆଳିପିଙ୍ଗଳ କରସାହି ଗ୍ରାମରେ ରୁହନ୍ତି ଏହି ଦମ୍ପତ୍ତି । ସଂସାର କରିବାର ମାତ୍ର ଅଢେଇ ବର୍ଷ ପରେ ଅସଜଡା ହୋଇପଡ଼ିଥିଲା ତାଙ୍କ ଜୀବନ । ଘର ଚଳାଉଥିବା ସତ୍ୟନାରାୟଣ ପକ୍ଷାଘାତର ଶିକାର ହୋଇଗଲେ । ଆଉ ତାପରେ ଅସହାୟ ହୋଇପଡ଼ିଲା ପରିବାର । ପତ୍ନୀ ମଧ୍ୟ ଦୀର୍ଘ ୩୩ବର୍ଷ ହେଲା ଶଯ୍ୟାଶାୟୀ ସ୍ୱାମୀର ସେବାରେ ଲାଗିପଡ଼ିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ବର୍ଷ ହେଲା ସେବା କରୁଥିଲେ ବି ଏବେ ଯେମିତି ପରିଣତ ବୟସରେ ତାଙ୍କର ଆଉ ସାମର୍ଥ୍ୟ ନାହିଁ । ପରଘରେ କାମ କରି ପରିବାର ଚଳାଉଥିବା ବେଳେ ଏବେ ବଳ ନାହିଁ । ଆଗକୁ କେମିତି ଚାଲିବ ସଂସାର । କିଭଳି ସ୍ୱାମୀଙ୍କ ଚିକିତ୍ସା କରିବେ । ସେ ନେଇ କିଛି ସାହାଯ୍ୟ ସହଯୋଗ ଅପେକ୍ଷାରେ ରହିଛନ୍ତି ସତ୍ୟଙ୍କ ପରିବାର ।