କନକ ବ୍ୟୁରୋ : ଭାରତ-ୱେଷ୍ଟଇଣ୍ଡିଜ୍ ତୃତୀୟ ଦିନିକିଆରେ ବାଜିମାତ୍ କରିଛି ଟିମ୍ ଇଣ୍ଡିଆ । ବିରାଟ କୋହଲିଙ୍କ ଶତକ ଓ ଶ୍ରେୟଶ ଆୟାରଙ୍କ ୬୫ ରନ୍ ସହାୟତାରେ ୬ ୱିକେଟରେ ବିଜୟୀ ହୋଇଛି ବିରାଟ ବାହିନୀ । ୩୫ଓଭରରେ ୨୫୫ ରନର ପିଛା କରୁଥିବା ଭାରତୀୟ ଦଳ ୩୨ ଓଭର ୩ଟି ବଲରେ ମାତ୍ର ୪ୱିକେଟ ହରାଇ ୨୫୬ ରନ୍ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ମ୍ୟାଚ୍ ମଝିରେ ପୁରା ଭାରତ ଚିନ୍ତିତ ହୋଇପଡିଥିଲା, ଯେତେବେଳେ ଅଧିନାୟକ ବିରାଟ୍ କୋହଲିଙ୍କ ଡାହାଣ ହାତ ଆଙ୍ଗୁଳିରେ ବଲ୍ ବାଜିଥିଲା । ଭାରତ ବ୍ୟାଟିଂର ୨୭ତମ ଓଭରରେ କେମାର ରୋଚଙ୍କ ଏକ ବାଉନସର ବଲ୍ ବିରାଟଙ୍କ ଆଙ୍ଗୁଳିରେ ବାଜିଥିଲା । ଯାହାଫଳରେ କୋହଲି ଆହାତ ହେବା ସହ ଫିଜିଓଙ୍କ ଆଡକୁ ଇସାରା କରିଥିଲେ । ଆଉ ଏହା ପରେ ଜଣାପଡିଥିଲା ଯେ, ବିରାଟଙ୍କ ଆଙ୍ଗୁଳିର ନଖ ଉପୁଡିଯାଇଥିଲା । ଏହା ପରେ ମଧ୍ୟ ବ୍ୟାଟିଂ ଜାରି ରଖିବା ସହ ଦଳକୁ ବିଜୟୀ କରାଇଥିଲେ କୋହଲି ।
ଟସ୍ ଜିତି ବ୍ୟାଟିଂ ନିଷ୍ପତି ନେଇଥିବା ୱେଷ୍ଟଇଣ୍ଡିଜ୍ ଦଳ ପ୍ରଥମେ ଭଲ ଆରମ୍ଭ କରିଥିଲେ ମଧ୍ୟ କ୍ରିସ ଗେଲଙ୍କ ଆଉଟ୍ ପରେ ରନ୍ ହାର ଧିମା ହୋଇଯାଇଥିଲା । ପ୍ରଥମେ ବ୍ୟାଟିଂ କରି ୱେଷ୍ଟିଇଣ୍ଡିଜ୍ ଦଳ ନିର୍ଦ୍ଧାରିତ ୩୫ ଓଭରରେ ୨୪୦ ରନ୍ କରିଥିଲା । ତାପରେ ବର୍ଷା ଯୋଗୁଁ ମ୍ୟାଚ ବାଧାପ୍ରାପ୍ତ ହେବାରୁୁ ଡକୱାର୍ଥ ଲୁଇସ ନିୟମ ଅନୁସାରେ ଟିମ୍ ଇଣ୍ଡିଆକୁ ୩୫ ଓଭରରେ ୨୫୫ ରନର ଟାର୍ଗେଟ୍ ଦିଆଯାଇଥିଲା । ୨୫୬ରନ୍ ପିଛା କରୁଥିବା ଭାରତୀୟ ଦଳ ୪ୱିକେଟ ହରାଇ ୩୨ଓଭର ତିନିଟି ବଲରେ ଏହି ଲକ୍ଷ୍ୟ ପୂରଣ କରିନେଇଥିଲା । ଏହି ବିଜୟ ସହ ଟିମ ଇଣ୍ଡିଆ ସିିରିଜ୍ କବଜା କରିନେଇଛି । ଏହି ମ୍ୟାଚରେ ବିରାଟ କୋହଲି ତାଙ୍କର ଦିନିକିଆ ୪୩ତମ ଶତକ କରି ରେକର୍ଡ କରିଛନ୍ତି ।