ମେଘାଳୟରେ କିଏ ଗଠନ କରିବ ସରକାର ? ଏବେ ବି ବହୁମତ ଠାରୁ ଦୂରରେ ସଂଗମାଙ୍କ ପାର୍ଟି
କନକ ବ୍ୟୁରୋ : ଦେଶର ୩ ଉତ୍ତର ପୂର୍ବ ରାଜ୍ୟରେ ହୋଇଥିବା ବିଧାନସଭା ନିର୍ବାଚନର ଫଳାଫଳ ଆସି ସାରିଛି । ଏଥି ମଧ୍ୟରୁ ତ୍ରିପୁରା ଓ ନାଗାଲାଣ୍ଡରେ ଏନଡିଏ ସରକାର ଗଠନ କରିବା ନେଇ ବହୁମତ ହାସଲ କରିସାରିଛି । ହେଲେ ମେଘାଳୟରେ କୌଣସି ଏକକ ରାଜନୈତିକ ଦଳକୁ ବହୁମତ ମିଳିନଥିବାରୁ ଏଠାରେ କିଏ ସରକାର ଗଠନ କରିବ ତାହାକୁ ନେଇ ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ମେଘାଳୟରେ ସବୁଠାରୁ ଅଧିକ ଆସନ ପାଇଥିôବା କନରଡ ସଂଗମାଙ୍କ ଏନପିପି ସରକାର ଗଠନ କରିବ ବୋଲି ସଂଗମା ରାଜ୍ୟପାଳଙ୍କୁ ବହୁମତ ପ୍ରମାଣର ପତ୍ର ଦେଇସାରିଥିଲେ । ମେଘାଳୟରେ ସରକାର ଗଠନ କରିବାକୁ ୩୧ ଜଣ ବିଧାୟକଙ୍କର ସମର୍ଥନ ଆବଶ୍ୟକ ଥିବା ବେଳେ ଏନପିପି ୨୬, ବିଜେପି ୨, ଏଚଏସପିଡିପି ୨ ଓ ୨ଜଣ ସ୍ୱାଧୀନ ବିଧାୟକଙ୍କ ସମର୍ଥନରେ ସଂଗମା ସରକାର ଗଠନ କରିବେ ବୋଲି ରାଜ୍ୟପାଳଙ୍କୁ ପତ୍ର ଲେଖିଥିଲେ । ହେଲେ ହଠାତ ଏଚଏସପିଡିପିର ୨ଜଣ ବିଧାୟକ ତାଙ୍କ ସମର୍ଥନ ପ୍ରତ୍ୟାହାର କରିବା ପରେ ଏବେ ସଂଗମା କିଭଳି ସରକାର ଗଠନ କରିବେ ତାହାକୁ ନେଇ ପ୍ରଶ୍ନ ଉଠିଛି ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ ସଂଗମା ରାଜ୍ୟପାଳଙ୍କୁ ସମର୍ଥନ ପତ୍ର ଦେବାର କିଛି ସମୟ ପରେ ଏଚଏସପିଡିପି ଏକ ଚିଠି ସବୁ ଗଡବଡ କରିଦେଇଛି । ଏହି ଚିଠିରେ ଏଚଏସପିଡିପି କହିଛି କି ତାଙ୍କ ଦଳର ଦୁଇଜଣ ବିଧାୟକ ସଂଗମାଙ୍କ ସରକାରକୁ ସମର୍ଥନ ଦେବା ପାଇଁ ଦଳ ତରଫରୁ ଅନୁମତି ଦିଆଯାଇନାହିଁ ।
ସ୍ଥାନୀୟ ଗଣମାଧ୍ୟମର ରିପୋର୍ଟ ମୁତାବକ ଏଚଏସପିଡିପି ଅଧ୍ୟକ୍ଷ କେପି ପାଙ୍ଗନିୟାଙ୍ଗ ଓ ସଚିବ ପନବୋରଲଙ୍ଗ ରିନଥିୟାଙଙ୍ଗ କହିଛନ୍ତି ଦଳ ତରଫରୁ ସଂଗମା ସରକାରକୁ ସମର୍ଥନ ଦେବା ପାଇଁ ଦଳର ଦୁଇ ବିଧାୟକ ମେଥୋଡିୟସ ଡଖାର ଓ ଶାକ୍ଲିୟର ବାରଜରୀଙ୍କୁ ଅନୁମତି ଦିଆଯାଇନାହିଁ । ଏନେଇ ଦଳ ତରଫରୁ ରାଜ୍ୟପାଳଙ୍କୁ ମଧ୍ୟ ଚିଠି ଲେଖାଯାଇଛି ।