କନକ ବ୍ୟୁରୋ : କର୍ଣ୍ଣାଟକ ହାଇକୋର୍ଟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଏକ ଟିପ୍ପଣୀ ମାମଲାରେ ସ୍କୁଲ ମ୍ୟାନେଜମେଣ୍ଟ ବିରୋଧରେ ଅଣାଯାଇଥିବା ଦେଶଦ୍ରୋହ ମାମଲାକୁ ରଦ୍ଦ କରିଛନ୍ତି । ହାଇକୋର୍ଟଙ୍କ ତରଫରୁ କୁହାଯାଇଛି କି, ପ୍ରଧାନମନ୍ତ୍ରୀ ବିରୋଧରେ କୁହାଯାଇଥିବା ଶବ୍ଦ ଅପମାନଜନକ ଓ ଦାୟିତ୍ୱହୀନ ଥିଲା କିନ୍ତୁ ଏହା ଦେଶଦ୍ରୋହ ନୁହେଁ । ହାଇକୋର୍ଟ ବିଚାରପ୍ତି ହେମନ୍ତ ଚନ୍ଦନଗୋଦର ବିଦରର ଶାହୀନ ସ୍କୁଲ ମ୍ୟାନେଜମେଣ୍ଟର ଅଲାଉଦ୍ଦିନ ଅବ୍ଦୁଲ ଖାଲିକ, ମହମ୍ମଦ ଇନାମଦାର ଓ ମହମ୍ମଦ ମହତାବଙ୍କ ବିରୋଧରେ ନ୍ୟୁ ଟାଉନ ପୋଲିସ ଷ୍ଟେସନରେ ହୋଇଥିବା ମାମଲାକୁ ରଦ୍ଦ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାମଲାର ଶୁଣାଣି କରି ହେମନ୍ତ ଚନ୍ଦନଗୋଦର କହିଛନ୍ତି କି, ନାଟକ କ୍ରମରେ ଦିଆଯାଇଥିବା ବୟାନ (ପ୍ରଧାନମନ୍ତ୍ରୀଙ୍କୁ ଜୋତାରେ ମାଡ ହେବା ଦରକାର) କେବଳ ଅପମାନଜନକ ନଥିଲା ବରଂ ଏହା ଦାୟିତ୍ୱହୀନତା ମଧ୍ୟ ଥିଲା ବୋଲି କହିଛନ୍ତି । ଏଭଳି ସ୍ଥିତିରେ ଭାରତୀୟ ଦଣ୍ଡବିଧୀ ଆଇନ ୧୨୪ (କ) (ଦେଶଦ୍ରୋହ ସମ୍ବନ୍ଧିତ) ଲାଗୁ କରାଯାଇପାରେ । ଯଦି କୌଣସି ବ୍ୟକ୍ତିଙ୍କ ଶବ୍ଦ କିମ୍ବା ଅଭିବ୍ୟକ୍ତିରେ ଜନବିଶୃଙ୍ଖଳା, ଆଇନ ଶୃଙ୍ଖଳା ବିଶୃଙ୍ଖଳା ସୃଷ୍ଟି କରିବାର ଏକ ପ୍ରତିକୂଳ ପ୍ରବୃତ୍ତି କିମ୍ବା ଉର୍ଦ୍ଦେଶ୍ୟ ଥାଏ ।
କର୍ଣ୍ଣାଟକ ହାଇକୋର୍ଟ କହିଛନ୍ତି କି, ପ୍ରତିଟି ନାଗରିକଙ୍କର ସରକାର କିମ୍ବା ସରକାରୀ ପଦାଧିକାରୀଙ୍କ ତରଫରୁ ନିଆଯାଉଥିବା ପଦକ୍ଷେପ ଉପରେ ଟିପ୍ପଣୀ କରିବାର ଅଧିକାର ରହିଛି । ହେଲେ ଏହାକୁ ନେଇ କୌଣସି ନାଗରିକ ଲୋକଙ୍କୁ ହିଂସା ପାଇଁ ପ୍ରବର୍ତ୍ତାଇବା ଅପରାଧ ଅଟେ ।
ପ୍ରକୃତରେ କର୍ଣ୍ଣାଟକର ବିଦର ଜିଲ୍ଲା ଶାହୀନ ସ୍କୁଲରେ ୨୦୨୦ ମସିହାରେ ସିଏଏ ଓ ଏନଆରସିକୁ ନେଇ ପିଲାମାନେ ଏକ ନାଟକ କରୁଥିଲେ । ଏନେଇ ଅଭିଯୋଗ ହୋଇଥିବା କି ସ୍କୁଲର ଶିକ୍ଷକମାନେ ଦେଶ ବିରୋଧରେ କାମ କରିବାକୁ ପିଲାମାନଙ୍କୁ ପ୍ରବର୍ତ୍ତାଉଛନ୍ତି । ଏଭଳି ଅଭିଯୋଗକୁ ଖଣ୍ଡନ କରି ସ୍କୁଲ ତରଫରୁ କୁହାଯାଇଥିଲା କି, ପୋଲିସ ପ୍ରତିଦିନ ସ୍କୁଲକୁ ଆସି ପିଲାଙ୍କ ସହ ଦେଶଦ୍ରୋହୀ ଭଳି ବ୍ୟବହାର କରୁଛି ।