ବଲିଉଡ଼ରେ ଓଡ଼ିଆ ପୁଅଙ୍କ କମାଲ। ବିଗ୍-ବି-ଅଭିତାଭ ବଚ୍ଚନଙ୍କ ସହ ଫିଲ୍ମ ଉଞ୍ଚାଇ ଗୀତରେ ଡ୍ୟାନ୍ସିଂ ମୁଡ଼ରେ ନଜର ଆସିଲେ ବ୍ରହ୍ମପୁରର ସୁନିତ୍।
କନକ ବ୍ୟୁରୋ: ବଲିଉଡରେ ଓଡ଼ିଆ ପୁଅଙ୍କ କମାଲ । ବିଗ୍ ବି ଅମିତାଭ ବଚ୍ଚନଙ୍କ ସହ ଉଞ୍ଚାଇ ଚଳଚିତ୍ରରେ ସହ କୋରିଓଗ୍ରାଫର ଭାବେ କାମ କରିବା ସହ ସ୍କ୍ରିନରେ ଡାନ୍ସିଂ ମୁଡରେ ନଜର ଆସିଛନ୍ତି । ଉଞ୍ଚାଇ ଚଳଚିତ୍ରର କେଟି କୋ ଗୀତରେ ବିଗ ବିଙ୍କ ସହ ପାଦରେ ପାଦ ମିଶାଇ ନାଚୁଛନ୍ତି ସୁନିତ୍ । ଏହା ସହ ଅନୁପମ୍ ଖେର ଓ ବୋମନ୍ ଇରାନୀ ମଧ୍ୟ ଏହି ଗୀତରେ ନଜର ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁନିତ୍ ବଲିଉଡ଼ର ନାମିଦାମି କୋରିଓଗ୍ରାଫର ରେମୋ ଡିସୁଜା, ଏହମଦ୍ ଖାନ୍ ଇମରାନ ସୟଦ୍ଦ, ଫାରାହା ଖାନ ପରି ଅନେକ କୋରିଓଗ୍ରାଫରଙ୍କ ସହ ସହ-କାରିଓଗ୍ରାଫର ଭାବେ କାମ କରିଛନ୍ତି । ବ୍ରହ୍ମପୁର ଶକ୍ତିନଗର ଅଞ୍ଚଳର ସୁନିତ୍ ଦାଶଙ୍କ ବାପା ଜଗବନ୍ଧୁ ଦାଶ ଟେଲରିଂ କାମ କରନ୍ତି । ମାଆ ଜଣେ ଗୃହିଣୀ । ପିଲାଟି ଦିନରୁ ଟିଭିରୁ ଡ୍ୟାନ୍ସ ଦେଖି ଡ୍ୟାନ୍ସ ପ୍ରତି ତାଙ୍କର ଆଗ୍ରହ ବଢିଥିଲା । ନବମ ଶ୍ରେଣୀରେ ପାଠପଢୁଥିବା ବେଳେ ୟୁଟ୍ରୁବ୍ ଦେଖି ଡ୍ୟାନ୍ସ ଶିଖିବା ଆରମ୍ଭ କରିଥିଲେ ସୁନିତ୍ । ଏକ ମଧ୍ୟବିତ ପରିବାରରେ ଜନ୍ମ ହୋଇଥିଲେ ମଧ୍ୟ ଦୃଢ ଇଛାଶକ୍ତି ତାଙ୍କୁ ଏତେ ବାଟରେ ପହଞ୍ଚାଇ ପାରିଛି । ବାପା ଟେଲରିଂ କାମ କରୁଥିବା ବେଳେ ସୁନିତ୍ କଠିନ ପରିଶ୍ରମ କରି ଏତେବାଟ ପହଞ୍ଚିପାରିଛନ୍ତି । ଆଗକୁ ଆହୁରି ଅଧିକ ଫିଲ୍ମରେ କାମ କରିବା ପାଇଁ ତାଙ୍କର ଇଛା ରହିଛି ।