ରାଜ୍ୟର ସବୁ ନଦୀରେ ଜଳସ୍ତର କମିବ : ସକାଳେ ଜଳସ୍ତର କମିଥିବାବେଳେ ପୂର୍ବାହ୍ନ ୧୦ଟା ସମୟରେ ପୁଣି ବଢିବ
କନକ ବ୍ୟୁରୋ : ଆଜିଠୁ ରାଜ୍ୟର ସବୁ ନଦୀରେ ଜଳସ୍ତର କମିବ । ରାତିରେ କେନ୍ଦ୍ରାପଡା, ଜଗତସିଂହପୁର, କଟକ ଓ ପୁରୀ ଜିଲ୍ଲାର ତଳିଆ ଅଞ୍ଚଳରେ ବନ୍ୟାର ପିକ୍ ଫ୍ଲୋ ପ୍ରବାହିତ ହୋଇଥିଲା । ତେଣୁ ସକାଳ ବେଳକୁ ଜଳସ୍ତର କମିଛି ବୋଲି ସୂଚନା ରହିଛି । ହେଲେ ଏସଆରସିଙ୍କ ସୂଚନା ଅନୁସାରେ ହୀରାକୁଦର ୪୦ଟି ଗେଟ ଦେଇ ଯେଉଁ ବନ୍ୟା ଜଳ ଛଡାଯାଉଛି ତାହା ଆଜି ମୁଣ୍ଡୁଳିଠାରେ ସକାଳ ୧୦ଟା ୧୧ଟାରେ ପହଞ୍ଚିବ । ତେଣୁ ପୁଣି ଜଳସ୍ତର ବଢିବ । ଏହାଦ୍ୱାରା ପୁରୀ, ଖୋର୍ଦ୍ଧା, କେନ୍ଦ୍ରାପଡା, ଜଗତସିଂହପୁରରେ ବନ୍ୟା ପାଣି ବଢିବ ବୋଲି ସୂଚନା ରହିଛି । ବନ୍ୟା ପାଣି ବଢିବ ତେଣୁ ପୁରୀ ଜିଲ୍ଲାରେ ଆଜି ସ୍କୁଲ ଛୁଟି ଘୋଷଣା କରିଛି ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ବନ୍ୟା ଯୋଗୁଁ ୧ହଜାର ୭୫୭ଟି ଗାଁ କ୍ଷତିଗ୍ରସ୍ତ ହୋଇଥିଲା ବେଳେ ୪ଲକ୍ଷ ୬୭ ହଜାର ଲୋକ ପ୍ରଭାବିତ ହୋଇଛନ୍ତି । ସେହିପରି ଅଢେଇ ଲକ୍ଷ ଲୋକ ପାଣି ଘେରରେ ଫସି ରହିଛନ୍ତି । ବନ୍ୟା ପାଣି ଯୋଗୁଁ ତଳିଆ ଅଞ୍ଚଳର ୪୨୫ ଗାଁ ପାଣି ଘେରରେ ରହିଛି । ୨ ଲକ୍ଷ ୨୬ ହଜାରରୁ ଅଧିକ ଲୋକ ଜଳବନ୍ଦୀ ହୋଇଛନ୍ତି । ୧୪୪୪ ଘର ଭାଙ୍ଗିଥିବା ନେଇ ସରକାର ସୂଚନା ଦେଇଛନ୍ତି । ୫୩ ହଜାର ୮୬୬ ଲୋକଙ୍କୁ ନିରାପଦ ସ୍ଥାନକୁ ନିଆଯାଇଛି । ୩୪ ହଜାର ୭୦୧ ହେକ୍ଟର ଚାଷ ଜମିରେ ଫସଲ ନଷ୍ଟ ହୋଇଥିବା ପ୍ରାଥମିକ ଆକଳନରୁ ଜଣାପଡିଛି । ବନ୍ୟାଞ୍ଚଳରେ ଉଦ୍ଧାର ଓ ରିଲିଫ୍ କାର୍ଯ୍ୟକୁ ତ୍ୱରାନ୍ୱିତ କରାଯାଇଛି ।