ଅନୁଚ୍ଛେଦ ୩୭୦ ହଟିବା ପରେ କେତେ ବାହାର ଲୋକ ଜାମ୍ମୁ-କାଶ୍ମୀରରେ କିଣିଛନ୍ତି ଜମି, ସଂସଦରେ ସୂଚନା ଦେଲେ ବିଭାଗୀୟ ମନ୍ତ୍ରୀ
କନକ ବ୍ୟୁରୋ : ୩୭୦ ହଟିବା ପରେ ଜମ୍ମୁ-କାଶ୍ମୀରରେ ବହୁତ ବିକାଶ ହୋଇଥିବା ସରକାର ଡିଣ୍ଡିମ ପିଟୁଛନ୍ତି । ଏହାକୁ ନେଇ ବିରୋଧୀଦଳ ନେତାମାନେ ବାରମ୍ବାର ପ୍ରଶ୍ନ କରୁଛନ୍ତି କି ୩୭୦ ହଟିବା ପରେ କେତେ ବାହାର ଲୋକ ଜାମ୍ମୁ-କାଶ୍ମୀରରେ ଜମି କିଣିଛନ୍ତି ଓ କେତେ ବାହାର କମ୍ପାନୀ ସେଠାରେ ନିବେଶ କରିଛନ୍ତି । ବୁଧବାର ଦିନ ବିରୋଧୀଦଳ ନେତାଙ୍କ ଏଭଳି ପ୍ରଶ୍ନର ଉତର ରଖିଛନ୍ତି କେନ୍ଦ୍ର ଗୃହରାଜ୍ୟ ମନ୍ତ୍ରୀ ନିତ୍ୟାନନ୍ଦ ରାୟ ।
Kanak News is now on WhatsApp
Join and get latest news updates delivered to you via WhatsApp
ନିତ୍ୟାନନ୍ଦ ରାୟ ଗୃହରେ ଦେଇଥିବା ସୂଚନା ମୁତାବକ ୨୦୨୦,୨୦୨.୨୦୨୨ ରେ ମୋଟ ୧୮୫ ଜଣ ବାହାର ଲୋକ ଜମ୍ମୁ-କାଶ୍ମୀରରେ ଜମି କିଣିଛନ୍ତି । ଏହାସହ କେନ୍ଦ୍ରମନ୍ତ୍ରୀ ଲଦାଖ କଥା ମଧ୍ୟ କହିଛନ୍ତି । ନିତ୍ୟାନନ୍ଦ ରାୟ କହିଛନ୍ତି କେନ୍ଦ୍ରଶାସିତ ଅଞ୍ଚଳ ଲଦାଖ ଦ୍ୱାରା ଦିଆଯାଇଥିବା ସୂଚନା ମୁତାବକ ଗତ ୩ବର୍ଷ ମଧ୍ୟରେ ଲଦାଖରେ କୌଣସି ବାହାର ଲୋକ ଜମି କିଣି ନାହାଁନ୍ତି ।
କେବଳ ସେତିକି ନୁହେଁ ଜମ୍ମୁ-କାଶ୍ମୀରରେ ଗତ ୩ବର୍ଷ ମଧ୍ୟରେ ୧୫୫୯ଟି ଭାରତୀୟ ଓ ବହୁ ରାଷ୍ଟ୍ରୀୟ କମ୍ପାନୀ ନିବେଶ କରିଛନ୍ତି । ଏହାସହ କ୍ରାଇମ୍ ରେକର୍ଡ ବ୍ୟୁରୋ ତରଫରୁ କ୍ରାଇମ ଇଣ୍ଡିଆ ନାମକ ନିଜର ରିପୋର୍ଟରେ ଦର୍ଶାଇଛି କି, ଗତ ୩ବର୍ଷ ମଧ୍ୟରେ ଆଇପିସି ଓ ଲୋକଲ ଲ ମୁତାବକ ଜମ୍ମୁ-କାଶ୍ମୀରରେ ନାବାଳକଙ୍କ ନାମରେ ଆସୁଥିବା ଅଭିଯୋଗ କମ୍ ହୋଇଛି । କେନ୍ଦ୍ର ଗୃହରାଜ୍ୟମନ୍ତ୍ରୀ କହିଛନ୍ତି କି, ୨୦୧୯ ମସିହାରେ ନାବାଳକଙ୍କ ବିରୋଧରେ ୩୨,୨୬୯ ଟି ମାମଲା, ୨୦୨୧ ରେ ୨୯,୭୬୮ଟି ମାମଲା ଓ ୨୦୨୧ ରେ ୩୧,୧୭୦ଟି ମାମଲା ରୁଜୁ ହୋଇଛି ।
ସୂଚନା ଥାଉକି କେନ୍ଦ୍ର ସରକାର ୨୦୧୯ ମସିହାରେ ଜମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ କରିଥିଲେ । ଏହାପରେ ଜମ୍ମୁ-କାଶ୍ମୀରରେ ବିଦେଶୀ ନିବେଶକ ନିବେଶ କରିବାର ସୁଯୋଗ ପାଇଥିଲେ । ଗତମାସରେ ଜମ୍ମୁ-କାଶ୍ମୀରର ଉପ ରାଜ୍ୟପାଳ ମନୋଜ ସିହ୍ନା ୨୫୦ କୋଟି ଟଙ୍କାର ଏକ ସପିଂ ମଲର ଉଦଘାଟନ କରିଥିଲେ । ଏହି ସପିଂ ମଲଟିର ନିର୍ମାଣ ସଂଯୁକ୍ତ ଆରବ ଏମିରେ ସ୍ଥିତ ଏମ୍ମାର ଗ୍ରୁପ ଦ୍ୱାରା ରାଜଧାନୀ ଶ୍ରୀନଗର ଠାରେ ନିର୍ମାଣ କରାଯାଉଛି ।