କନକ ବ୍ୟୁରୋ: ମହେନ୍ଦ୍ର ସିଂହ ଧୋନୀଙ୍କୁ ଏବେ ୪୨ ବର୍ଷ, ହେଲେ ଏହାସତ୍ତ୍ୱେ ବି ଏବେ ସେ ଆଇପିଏଲ୍ ଖେଳିବା ଜାରି ରଖିଛନ୍ତି । ଗତଥର ଚେନ୍ନାଇ ସୁପର କିଙ୍ଗସକୁ ୫ମ ଥର ଟ୍ରଫି ଜିତାଇବା ପରେ, ଧୋନୀ ଆଇପିଏଲରୁ ଅବସର ନେଇପାରନ୍ତି ବୋଲି ଚର୍ଚ୍ଚା ହେଉଥିଲା । ହେଲେ ସବୁ ଚର୍ଚ୍ଚାର ଅନ୍ତ ଘଟାଇ ଧୋନୀ ଅବସର ନେଇ ମୁହଁ ଖୋଲିଥିଲେ । ଚଳିତ ବର୍ଷ ହେବାକୁ ଥିବା ଆଇପିଏଲ୍ ନିଲାମ ପୂର୍ବରୁ ସେ ଆଇପିଏଲରୁ ଅବସର ନେଇ ନିଷ୍ପତ୍ତି ନେବେ ବୋଲି ସୂଚନା ଦେଇଥିଲେ । ହେଲେ ଧୋନୀଙ୍କ ଅବସର ପରେ କିଏ ହେବ ଚେନ୍ନାଇ ସୁପର କିଙ୍ଗସର କ୍ୟାପଟେନ୍? ତାହା ଏବେ ବି ବଡ ପ୍ରଶ୍ନ ଚିହ୍ନ । ଆଉ ଏହାରି ଭିତରେ ଚେନ୍ନାଇ ଟିମର ପୂର୍ବତନ ବ୍ୟାଟ୍ସମ୍ୟାନ୍ ଦଳର ଆଗାମୀ କ୍ୟାପଟେନ୍ ନେଇ ମୁହଁ ଖୋଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସିଏସକେ ଟିମର ପୂର୍ବ ସଦସ୍ୟ ଅମ୍ବାତି ରାଇଡୁଙ୍କ କହିବା ମୁତାବକ, ଏମ୍ ଏସ୍ ଧୋନୀ ଅବସର ନେବା ପରେ ଦଳର ଓପନର ଋତୁରାଜ ଗାଏକ୍ୱାଡଙ୍କୁ ଦଳର ଅଧିନାୟକ ଭାର ଦିଆଯାଇପାରେ । ଗାଏକ୍ୱାଡ ଗତ ୩ ବର୍ଷ ହେଲା ଦଳ ପାଇଁ ଚମକ୍ରାର ପ୍ରଦର୍ଶନ କରୁଛନ୍ତି । ତେଣୁ ତାଙ୍କୁ ଦଳ ଆଗାମୀ କ୍ୟାପଟେନ୍ କରାଯାଇପାରେ ବୋଲି ରାଇଡୁ ମତ ଦେଇଛନ୍ତି । ଧୋନୀ ମଧ୍ୟ ଗାଏକ୍ୱାଡଙ୍କୁ ଅଧିନାୟକ ଭାବେ ପ୍ରସ୍ତୁତ କରୁଛନ୍ତି । ଯିଏକି ଆଗାମୀ ୧୦ ବର୍ଷ ପାଇଁ ଦଳର ନେତୃତ୍ୱ ନେଇପାରିବେ ।
ଅମ୍ବାତି ରାଇଡୁ କହିଛନ୍ତି ଯେ, ଭବିଷ୍ୟତର କଥା ଚିନ୍ତା କଲେ ଋତୁରାଜଙ୍କ ପାଖରେ କ୍ୟାପଟେନ୍ ହେବାର ଭଲ ମୌକା ରହିଛି । ତାଙ୍କ ପାଖରେ ନେତୃତ୍ୱ ନେବାର ଗୁଣ ମଧ୍ୟ ରହିଛି । ଯଦି ଧୋନୀ ତାଙ୍କୁ ପ୍ରସ୍ତୁତ କରିବେ, ତେବେ ଆଗାମୀ ୧୦ ବର୍ଷ ପର୍ଯ୍ୟନ୍ତ ସେ ଦଳର କ୍ୟାପଟେନ୍ ରହିପାରିବେ । ସୂଚନାଯୋଗ୍ୟ ଯେ, ଏସିଆନ୍ ଗେମ୍ସ ପାଇଁ ଋତୁରାଜଙ୍କୁ ଟିମ୍ ଇଣ୍ଡିଆର ଅଧିନାୟକ ନିଯୁକ୍ତ କରାଯାଇଛି ।