ଆଇପିଏଲ ଟିମ୍ ଲକ୍ଷ୍ନୌ ସହ ଯୋଡିହେଲେ ଗୌତମ ଗମ୍ଭୀର । ଟିମ୍ ମେଣ୍ଟର ଭାବେ ଗୌତମଙ୍କୁ ଦାୟିତ୍ୱ ଦେଲା ଲକ୍ଷ୍ନୌ ଫ୍ରାଞ୍ଚାଇଜ୍ ।
କନକ ବ୍ୟୁରୋ: ପୁଣି ଆଇପିଏଲରେ ଯୋଡିହେଲେ ପୂର୍ବତନ ଟିମ୍ ଇଣ୍ଡିଆ ଓପନର ଗୌତମ ଗମ୍ଭୀର । ହେଲେ ଏଥର ଖେଳାଳି ଭାବେ ନୁହେଁ ବରଂ ଟିମ୍ ମେଣ୍ଟର ଭାବେ ତାଙ୍କୁ ନିଯୁକ୍ତ କରାଯାଇଛି । ଆଇପିଏଲର ନୂଆ ଦଳ ଲକ୍ଷ୍ନୌ ତାଙ୍କୁ ଦଳର ମେଣ୍ଟର ଭାବେ ନିଯୁକ୍ତ କରିଛି । ତେଣୁ ଆଗାମୀ ଆଇପିଏଲରେ ଗୌତମଙ୍କ ଗେମ୍ ପ୍ଲାନ୍ ଲକ୍ଷ୍ନୌ ଦଳକୁ ମିଳିବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଆଇପିଏଲର ଏହି ନୂଆ ଫ୍ରାଞ୍ଚାଇଜ୍ ଜିମ୍ବାୱେ ଦଳର ପୂର୍ବ ଅଧିନାୟକ ଆଣ୍ଡି ଫ୍ଲାୱାରଙ୍କୁ ନିଜର କୋଚ୍ ଭାବେ ନିଯୁକ୍ତ କରିଥିଲା । ଏହାପରେ ଗୌତମଙ୍କୁ ନିଜର ମେଣ୍ଟର ଭାବେ ନିଯୁକ୍ତ କରିବା ପରେ ଏହି ଦୁଇ ବଡ ନାଁ ଏବେ ଲକ୍ଷ୍ନୌ ଟିମ୍ ସହ ଯୋଡି ହେବାକୁ ଯାଉଛନ୍ତି । ତେବେ ଜାଣିରଖିବା ଉଚିତ୍ ଯେ, ଆଇପିଏଲର ଏହି ନୂଆ ଫ୍ରାଞ୍ଚାଇଜ ହେଉଛି ଆଇପିଏଲର ସବୁଠୁ ମହଙ୍ଗା ଟିମ୍ । ଏହି ଟିମକୁ ଗୋଏଙ୍କା ଗ୍ରୁପ୍ ପ୍ରାୟ ୭ ହଜାର କୋଟିରେ କିଣିଛି ।
It’s a privilege to be in the contest again. Thanks Dr.Goenka for incl me in #LucknowIPLTeam as its mentor.The fire to win still burns bright inside me, the desire to leave a winner’s legacy still kicks me. I won’t be contesting for a dressing room but for the spirit & soul of UP
— Gautam Gambhir (@GautamGambhir) December 18, 2021
ଗୌତମ ଗମ୍ଭୀର ଏହା ପୂର୍ବରୁ ଆଇପିଏଲରେ କୋଲକାତା ନାଇଟ୍ ରାଇଡର୍ସ ଦଳର ଅଧିନାୟକ ମଧ୍ୟ ରହିଥିଲେ । ତାଙ୍କ ନେତୃତ୍ୱରେ ଦଳ ଦୁଇ ଦୁଇ ଥର ଆଇପିଏଲ ଚାମ୍ପିୟନ୍ ମଧ୍ୟ ହୋଇଥିଲା । ଏହାପରେ ଏବେ ଲକ୍ଷ୍ନୌ ଟିମ୍ ସହ ଯୋଡି ହେବା ପରେ ଗମ୍ଭୀର ମଧ୍ୟ ଆରପିଏସଜି ଗ୍ରୁପକୁ ଧନ୍ୟବାଦ ଦେଇଛନ୍ତି । ଗୌତମ କହିଛନ୍ତି, ଏବେ ବି ଜିତିବା ପାଇଁ ମୈଦାନକୁ ଓହ୍ଲାଇବାକୁ ଚାହୁଁଛି । ଏହା କେବଳ ଗୋଟିଏ ଟିମ ପାଇଁ ନୁହେଁ ବରଂ ଉତ୍ତରପ୍ରଦେଶର ଯୁବ କ୍ରିକେଟରଙ୍କୁ ସାଙ୍ଗରେ ନେଇ ଚାଲିବି ।
ସୂଚନାଯୋଗ୍ୟ ଯେ, ଆଇପିଏଲ ୨୦୨୨ରେ ମୋଟ ୧୦ ଟିମ୍ ଖେଳିବାକୁ ଯାଉଛନ୍ତି । ଏଥର ଲକ୍ଷ୍ନୌ ଓ ଅହମ୍ମଦାବାଦ ଟିମ୍ ନୂଆ କରି ଆଇପିଏଲରେ ସାମିଲ ହୋଇଛନ୍ତି । ଆଣ୍ଡି ଫ୍ଲାୱାର ଓ ଗୌତମଙ୍କୁ ନିଜ ଟିମରେ ସାମିଲ କରିବା ପରେ ଏହି ଟିମ୍ ଆଗାମୀ ନିଲାମରେ କେଏଲ ରାହୁଲଙ୍କୁ ନିଜ ଟିମରେ ସାମିଲ କରିବାକୁ ଲକ୍ଷ୍ୟ ରଖିଥିବା ଚର୍ଚ୍ଚା ହେଉଛି । ଖାଲି ସେତିକି ନୁହେଁ କେ ଏଲ ରାହୁଲ ଏହି ଟିମର ଅଧିନାୟକ ମଧ୍ୟ ନିଯୁକ୍ତ ହୋଇପାରନ୍ତି ବୋଲି ଚର୍ଚ୍ଚା ହେଉଛି ।