ଖଣି ଅଞ୍ଚଳର ରୋଚକ ରାଜନୀତି: କାହାର ରହିବ ପଲ୍ଲା ଭାରି, ସନା ମହାକୁଡ କ୍ୟାମ୍ପ ଓ ବିଧାୟକଙ୍କ କ୍ୟାମ୍ପ ମଧ୍ୟରେ ଟଣାଓଟରା
କନକ ବ୍ୟୁରୋ: ଖଣି ଅଂଚଳରେ ପତିଆରା ପାଇଁ ହାତ ମିଳାଇଲେ ଦୁଇ ବିରୋଧୀ । କେନ୍ଦୁଝର ରାଜନୀତିର ଦୁଇ ପାରମ୍ପାରିକ ଶତ୍ରୁ ସନାତନ ମହାକୁଡ ଓ କୁଶ ଆପଟ ଏବେ ମିଳିତ ଭାବରେ ନିୟନ୍ତ୍ରଣ କରୁଛନ୍ତି ଜିଲ୍ଲାର ପଂଚାୟତ ନିର୍ବାଚନ ମୈଦାନ । ଆଉ ଚମ୍ପୁଆ ବିଧାୟିକା ମୀନାକ୍ଷୀ ମହନ୍ତଙ୍କୁ ଚେକ୍ ଦେବାକୁ ଏମିତି ରଣନୀତି ତିଆରି କରାଯାଉଛି ବୋଲି ଚର୍ଚ୍ଚା ହେଉଛି । ଏକଦା ସନାଙ୍କ ଆଶୀର୍ବାଦରୁ ବିଜେଡି ଟିକେଟ ପାଇ ବିଧାୟିକା ହୋଇଥିବା ମୀନାକ୍ଷୀ ପରେ ନିଜେ ସଂଗଠନ କରି ସମଗ୍ର ଅଂଚଳରେ ନିଜର ପ୍ରଭାବ ବିସ୍ତାର କରିବା ଆରମ୍ଭ କରିଥିଲେ । ଯାହାକୁ ହଜମ କରିପାରିନାହାନ୍ତି ଖଣି ବାଦଶାହା କୁହାଯାଉଥିବା ଏହି ଦୁଇ ନେତା । ସେପଟେ ମୀନାକ୍ଷୀ ମଧ୍ୟ ଚମ୍ପୁଆ କୁରୁକ୍ଷେତ୍ରକୁ ନିଜ କବ୍ଚାରେ ରଖିବାକୁ ଜୋରଦାର ଉଦ୍ୟମ ଜାରି ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ କେନ୍ଦୁଝର ଜିଲ୍ଲା ଦାୟିତ୍ୱରେ ଥିବା କାରଣରୁ ଜିଲ୍ଲା ପରିଷଦ ଆସନ ପାଇଁ ଦଳୀୟ ପ୍ରାର୍ଥୀ ଚୟନରେ ଏହି ବିବାଦ ସାମ୍ନାକୁ ଆସିନାହିଁ । କିନ୍ତୁ ତୃଣମୂଳ ସ୍ତରରେ ଏକାଧିକ ପ୍ରାର୍ଥୀ ବିଜେଡି ସମର୍ଥିତ ବୋଲି ଦାବି କରିବା ଏବେ ଭୋଟରଙ୍କୁ ଦ୍ୱନ୍ଦରେ ପକାଇଛି । ଏହି ର୍ପାର୍ଥି ମାନେ ନବୀନ ଓ ବିଜେଡିର ଗୁଣଗାନ କରୁଛନ୍ତି କିନ୍ତୁ ପ୍ରଚାର ବେଳେ ସନା-କୁଶ ଓ ମୀନାକ୍ଷୀ ଗୋଷ୍ଠୀ ଭିତରେ ଲଢେଇର ସ୍ପଷ୍ଟ ସୂଚନା ମିଳୁଛି ।
କେନ୍ଦୁଝର ଜିଲ୍ଲା ତଥା ଚମ୍ପୁଆ ଅଂଚଳରେ ଯାହାର ପତିଆରା ଯେତେ ଅଧିକ ହେବ, ଖଣି ଓ ଏହା ସହ ଜଡିତ ବ୍ୟବସାୟ ଉପରେ ତାର ନିୟନ୍ତ୍ରଣ ମଧ୍ୟ ସେତେ ବେଶୀ ହେବ । ତେଣୁ ଧନୀ ଜିଲ୍ଲାର ଗରିବ ଭୋଟର କାହା ମୁଣ୍ଡ ଉପରେ ସୁନା କଳସୀ ଢାଳୁଛନ୍ତି ଏବଂ ଏହି ଦୁଇ ଗୋଷ୍ଠୀ ଭିତରେ ଲଢେଇ ବିରୋଧୀଙ୍କୁ କେତେ ସୁହାଉଛି, ତା ଉପରେ ନଜର…