ପୃଥିବୀ ପୃଷ୍ଠରୁ ୧ ଲକ୍ଷ ଫୁଟ୍ ଅଧିକ ଉଚ୍ଚରେ ଉଡିଲା ତ୍ରିରଙ୍ଗା । ସ୍ପେସ୍ ଷ୍ଟେସନରୁ ମଧ୍ୟ ଦିଶିଲା ଭାରତର ରାଷ୍ଟ୍ରୀୟ ଧ୍ୱଜା ।
କନକ ବ୍ୟୁରୋ: ସ୍ୱାଧୀନତା ଦିବସର ୭୫ ବର୍ଷ ପୂର୍ତ୍ତି ଅବସରରେ ଆଜି ସାରା ଦେଶରେ ଫର୍ ଫର୍ ହେଇ ଉଡୁଛି ତ୍ରିରଙ୍ଗା । ମାଟିଠୁ ଆକାଶ, ପାଣିଠୁ ସମୁଦ୍ର ସବୁଠି ତ୍ରିରଙ୍ଗାକୁ ଦେଖିବାକୁ ମିଳୁଛି । ଆଉ ଏହାରି ଭିତରେ ପୃଥିବୀ ପୃଷ୍ଠରୁ ପ୍ରାୟ ଏକ ଲକ୍ଷ ଫୁଟ୍ ଅଧିକ ଉଚ୍ଚରେ ଉଡିଛି ତ୍ରିରଙ୍ଗା ପତାକା । ଅସଲ କଥା ହେଉଛି, କୁନି କୁନି ପିଲାମାନଙ୍କୁ ଅନ୍ତରୀକ୍ଷ ବିଜ୍ଞାନ ପ୍ରତି ପ୍ରୋତ୍ସାହିତ କରୁଥିବା ସଂସ୍ଥା ସ୍ପେସ୍ କିଡଜ୍ ଅଫ୍ ଇଣ୍ଡିଆ ପୃଥିବୀ ପୃଷ୍ଠରୁ ୧, ୦୬,୦୦୦ ଫୁଟ୍ ଉଚ୍ଚରେ ତ୍ରିରଙ୍ଗା ପତାକା ଉଡାଇଛି । ଆଜାଦୀ କି ଅମୃତ ମହୋତ୍ସବ ଅବସରରେ ଏପରି କରାଯାଇଥିବା ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ପେସ୍ କିଡଜ୍ ଅଫ୍ ଇଣ୍ଡିଆ ନିଜର ବୟାନରେ କହିଛି ଯେ, ପୃଥିବୀର ଉପରେ ତ୍ରିରଙ୍ଗା ଉଡାଇ ସମସ୍ତ ସ୍ୱାଧୀନତା ସଂଗ୍ରାମୀଙ୍କୁ ସମ୍ମାନ ଜଣାଯାଇଛି । ଏପରି କରି ସେମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଖାଲି ସେତିକି ନୁହେଁ, ଅନ୍ତରାଷ୍ଟ୍ରୀୟ ସ୍ପେସ୍ ଷ୍ଟେସନରେ କାମ କରୁଥିବା ଅନ୍ତରୀକ୍ଷଯାତ୍ରୀ କ୍ରିଷ୍ଟୋଫୋରେଟୀ ଭାରତୀୟଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି ।
ଅନ୍ୟପଟେ ଭାରତୀୟ ମୂଳ ଅନ୍ତରୀକ୍ଷଯାତ୍ରୀ ରାଜା ଚେରୀ ମଧ୍ୟ ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି । ନାସାର ଏହି ଅନ୍ତରୀକ୍ଷଯାତ୍ରୀ ୬ ମାସର ମିଶନ ପରେ କିଛି ଦିନ ହେଲା ଅନ୍ତରାଷ୍ଟ୍ରୀୟ ସ୍ପେସ୍ ଷ୍ଟେସନରୁ ଫେରିଛନ୍ତି । ସେ କହିଛନ୍ତି, ନାସା ଓ ଇସ୍ରୋ ଭିତରେ ସହଯୋଗର ଏକ ଲମ୍ବା ଇତିହାସ ରହିଛି । ସ୍ପେସ୍ ଯୁଗର ପ୍ରାରମ୍ଭ ଦିନମାନଙ୍କରେ ଇସ୍ରୋ-ନାସାର ସହଯୋଗର ସମ୍ପର୍କ ଏବେ ବି ଜାରି ରହିଛି । ତେବେ ରାଜା ଚେରୀ ତାଙ୍କ ଆକାଉଣ୍ଟରେ କିଛି ଫଟୋ ମଧ୍ୟ ସେୟାର କରିଛନ୍ତି ।
ରାଜା ଚେରୀ ମହାକାଶରେ ତ୍ରିରଙ୍ଗା ଫଟୋ ସେୟାର କରି ଲେଖିଛନ୍ତି, ସ୍ୱତନ୍ତ୍ରତା ଦିବସ ପୂର୍ବ ସନ୍ଧ୍ୟାରେ ମୋର ଭାରତୀୟମାନେ ମନେ ପଡୁଛନ୍ତି, ଯାହାଙ୍କୁ ମୁଁ ଅନ୍ତରାଷ୍ଟ୍ରୀୟ ସ୍ପେସ୍ ଷ୍ଟେସନରେ ଦେଖିଥିଲି । ଏଠାରେ ମୁଁ ମୋ ପିତାଙ୍କ ସହର ହାଇଦ୍ରାବାଦକୁ ଦେଖିଥିଲି । ତେବେ ନାସା ଏକ ଏମିତି ଜାଗା, ଯେଉଁଠି ପ୍ରତିଟି ଭାରତୀୟ ପ୍ରତିଦିନ କିଛି ଅଲଗା କରିବାକୁ ଚେଷ୍ଟା କରିଥାଏ ବୋଲି ସେ ଲେଖିଛନ୍ତି ।