ପ୍ରଥମ ଟେଷ୍ଟ ମ୍ୟାଚର ପ୍ରଥମ ଦିନରେ ରୋହିତ ବାହିନୀର ଦବଦବା : ପ୍ରଥମ ଇନିଙ୍ଗସରେ ୧୫୦ ରନରେ ୱେଷ୍ଟଇଣ୍ଡିଜ୍ ଅଲଆଉଟ୍; ଅଶ୍ୱିନୀଙ୍କୁ ୫ଟି ୱିକେଟ
କନକ ବ୍ୟୁରୋ : ୱେଷ୍ଟଇଣ୍ଡିଜ୍ ଓ ଭାରତ ମଧ୍ୟରେ ଆରମ୍ଭ ହୋଇଥିବା ପ୍ରଥମ ଟେଷ୍ଟର ପ୍ରଥମ ଦିନରେ ଟିମ୍ ଇଣ୍ଡିଆର ଦବଦବା ରହିଛି । ଘରୋଇ ୱେଷ୍ଟଇଣ୍ଡିଜ୍ ପ୍ରଥମ ଇନିଙ୍ଗସରେ ମାତ୍ର ୧୫୦ ରନରେ ଅଲଆଉଟ୍ ହୋଇଯାଇଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ହେଲେ ଏହି ନିଷ୍ପତ୍ତି କାମ ଦେଇ ନଥିଲା । ବରଂ ଭାରତୀୟ ବୋଲରଙ୍କ ଆଗରେ ତିଷ୍ଠି ପାରିନଥିଲେ ୱେଷ୍ଟଇଣ୍ଡିଜ୍ ବ୍ୟାଟର । ଗୋଟିଏ ପରେ ଗୋଟିଏ ୱିକେଟ ପଡ଼ି ଚାଲିଥିଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ବ୍ୟାଟିଂ କରିଥିବା ୱେଷ୍ଟଇଣ୍ଡିଜ୍ ପାଇଁ କ୍ରେଗ୍ ବ୍ରାଥ୍ୱେଟ୍ ଏବଂ ଟାଗେନାରାୟଣ ଚନ୍ଦରପଲ୍ ପାଳି ଆରମ୍ଭ କରିଥିଲେ। ଉଭୟ ଭଲ ଆରମ୍ଭ କରିଥିଲେ ମଧ୍ୟ ରୋହିତ ଶର୍ମା ପିଚ୍କୁ ଠିକ୍ ଭାବେ ପଢ଼ି ନେବାରୁ ନବମ ଓଭରରୁ ଅଶ୍ବିନଙ୍କୁ ଡାକିଥିଲେ । ପ୍ରଥମ ବଲ୍ରେ ସେ ୱିକେଟ୍ରୁ ବଞ୍ଚିତ ହୋଇଥିଲେ ମଧ୍ୟ ତୃତୀୟ ଓଭରରେ ଭାରତ ପାଇଁ ପ୍ରଥମ ୱିକେଟ୍ ଦେଇଥିଲେ । ଟାଗେନାରାୟଣଙ୍କୁ ସେ ବୋଲ୍ଡ କରି ଦେଇଥିଲେ। ନିଜର ଦୁଇ ଓଭର ପରେ ସେ ଅନ୍ୟତମ ଓପନର୍ ତଥା ଅଧିନାୟକ ବ୍ରାଥ୍ୱେଟଙ୍କୁ ରୋହିତ ଶର୍ମାଙ୍କ ହାତରେ କ୍ୟାଚ୍ କରାଇଥିଲେ ।
ଭାରତୀୟ ଦଳ ପକ୍ଷରୁ ରବିଚନ୍ଦ୍ରନ ଅଶ୍ୱିନୀ ପୁଣି ନିଜ ସ୍ପିନ୍ ଯାଦୁ ଦେଖାଇଛନ୍ତି । ଅଶ୍ୱିନୀ ୫ଟି ୱିକେଟ ହାସଲ କରିଛନ୍ତି । ସେହିପରି ରବୀନ୍ଦ୍ର ଜାଡ଼େଜାଙ୍କୁ ୩ଟି ୱିକେଟ ମିଳିଛି । ୱେଷ୍ଟଇଣ୍ଡିଜ୍ ପକ୍ଷରୁ ଯୁବ ବ୍ୟାଟର ଆଲିକ ଅଥାନେଜ୍ କିଛି ଦର୍ଶନୀୟ ସଟ ମାରି ୪୭ ରନ୍ କରିଥିଲେ । ଜବାବରେ ପ୍ରଥମ ଇନିଙ୍ଗସରେ ଭାରତ କୌଣସି ୱିକେଟ ନହରାଇ ୮୦ ରନ୍ ସଂଗ୍ରହ କରିନେଇଛି । ଅଧିନାୟକ ରୋହିତ ଶର୍ମା ୩୦ ଓ ପ୍ରଥମ କରି ଟେଷ୍ଟ ମ୍ୟାଚରେ ଓପନିଂ କରୁଥିବା ଯଶସ୍ୱୀ ଜେସୱାଲ ୪୦ ରନ୍ କରି ବ୍ୟାଟିଂ କରୁଛନ୍ତି ।