କନକ ବ୍ୟୁରୋ : ଶୁକ୍ରବାର ଦିନ ହିମାଚଳରେ କ୍ଷମତା କନ୍ଦଳ ଦେଖିବାକୁ ମିଳିଛି । ରାଜ୍ୟସଭା ନିର୍ବାଚନରେ ବିଜେପି ପ୍ରାର୍ଥୀଙ୍କୁ ଭୋଟ ଦେଇଥିବା ୩ ଜଣ ସ୍ୱାଧୀନ ବିଧାୟକ ଆଜି ବିଧାୟକ ପଦରୁ ଇସ୍ତଫା ଦେଇଛନ୍ତି । ପାଖାପାଖି ୨୫ ଦିନ ପରେ ହିମାଚଳ ଫେରିଥିବା ଏହି ୩ ସ୍ୱାଧୀନ ବିଧାୟକ ସିମଲା ଠାରେ ବିଧାନସଭା ସଚିବଙ୍କୁ ନିଜ ଇସ୍ତଫାପତ୍ର ପ୍ରଦାନ କରିଛନ୍ତ ିା
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ହମୀରପୁର ସଦରରୁ ନିର୍ଦ୍ଦଳୀୟ ବିଧାୟକ ଆଶିଷ ଶର୍ମା, ନାଲାଗଡ ବିଧାୟକ କେଏଲ ଠାକୁର ଓ ଦେହରା ବିଧାୟକ ହୋସିଆର ସିଂ ବିଧାୟକ ପଦରୁ ଇସ୍ତଫା ଦେଇଛନ୍ତି । ସେମାନେ ଇସ୍ତଫା ଦେବାକୁ ଯିବା ବେଳେ ସେମାନଙ୍କ ସହ ହିମାଚଳର ପୂର୍ବତନ ମୁଖ୍ୟମନ୍ତ୍ରୀ ଜୟରାମ ଠାକୁର ଉପସ୍ଥିତ ଥିଲେ । ଏହି ବିଧାୟକମାନେ ଚାଟାର୍ଡ ପ୍ଲେନ ସହାୟତାରେ ଦିଲ୍ଲୀରୁ ହିମାଚଳ ଫେରିଛନ୍ତି ।
ସେପଟେ ସମାନ କାରଣରୁ କଂଗ୍ରେସ ତରଫରୁ ୬ ଜଣ ଦଳୀୟ ବିଧାୟକଙ୍କୁ ସସପେଣ୍ଡ କରାଯାଇଥିଲା । ସସପେଣ୍ଡ ହୋଇଥିବା ବିଧାୟକମାନଙ୍କ ଆସନରେ ଜୁନ ପହିଲାରେ ଲୋକସଭା ନିର୍ବାଚନ ସହ ବିଧାନସଭା ନିର୍ବାଚନ ହେବାକୁ ଯାଉଛି । କୁହାଯାଉଛି କି, ଏବେ ଇସ୍ତଫା ଦେଇଥିବା ୩ ବିଧାୟକଙ୍କ ଆସନରେ ମଧ୍ୟ ସମାନ ତାରିଖରେ ଉପ ନିର୍ବାଚନ ହୋଇପାରେ ।