କନକ ବ୍ୟୁରୋ: ଇଡକଲର ଡେପୁଟି ମ୍ୟାନେଜର ଗୟା ସାନ୍ତରାଙ୍କ ଅମାପ ସମ୍ପତି ଦେଖି ତାଜୁବ ହୋଇଛି ଭିଜିଲାନ୍ସ । କୋଟିପତି କୁବେର ଅଫିସରଙ୍କ ଘରୁ ବାହାରିଥିବା ନଗଦ ଟଙ୍କା ଗଣିବାକୁ ଟଙ୍କାଗଣା ମେସିନ ଲାଗିଛି । ଭିଜିଲାନ୍ସ ଯେତିକି ଖୋଳୁଛି ସେତିକି ମିଳିବାରେ ଲାଗିଛି । ଟଙ୍କା ଗଣି ଗଣି ଅଫିସର ହାଲିଆ ହୋଇପଡିଲେଣି । ସୁନା ଓ ରୂପା ଦେଖିଲେ ଆଖି ଖୋସି ହୋଇଯିବ । ତା ସାଙ୍ଗକୁ ଭୁବନେଶ୍ୱରରେ ଥିବା ୩ ଓ ୪ ମହଲାର ବିରାଟ କୋଠା ଓ ଜମିଜମା । ଖାଲି ସେତିକି ନୁହେଁ ବ୍ୟାଙ୍କ ଜମା ଓ ଗାଡି ଘୋଡା ଦେଖିଲେ ସମସ୍ତେ ଗୟାକୁ କହୁଛନ୍ତି କୋଟିପତି କୁବେର ଅଫିସର ।
Kanak News is now on WhatsApp
Join and get latest news updates delivered to you via WhatsApp
ଭିଜିଲାନ୍ସ ଜବତ କରିଥିବା କୁବେରଙ୍କ ସମ୍ପତ୍ତି ତାଲିକା
- ଗୟାଙ୍କ ୨୯୦% ଆୟବର୍ହିଭୂତ ସମ୍ପତ୍ତି ଠୁଳ
- ୧୬ଟି ଆକାଉଣ୍ଟରୁ ୪ଟିରେ ରହିଛି ୪.୪ କୋଟି ଟଙ୍କା
- ଘରୁ ମିଳିଛି ନଗଦ କୋଟିଏରୁ ଅଧିକ ଟଙ୍କା
- ବାବୁଙ୍କର ୧୩ ଟି ପ୍ଲଟର ସନ୍ଧାନ ମିଳିଛି
- ଭୁବନେଶ୍ୱରର ମଧ୍ୟସ୍ଥଳରେ ୭ଟି, ଯାଜପୁରରେ ୫ଟି ଓ ନୟାଗଡରେ ଗୋଟିଏ ପ୍ଲଟ
- କେଜିଏ ସୁନା ଓ ୬ କେଜିରୁ ଅଧିକ ରୂପା ବି ମିଳିଛି
ଗୟା ସାନ୍ତରାଙ୍କ ଘରୁ ଏତେ ଟଙ୍କାର ନଗଦ ସମ୍ପତି ମିଳିବା ଓଡିଶା ଭିଜିଲାନ୍ସ ଇତିହାସରେ ଚତୁର୍ଥ ଘଟଣା ବୋଲି କୁହାଯାଉଛି । ତିନିଦିନର ପଚରାଉଚରା ପରେ ଗୟାଙ୍କୁ ଗିରଫ କରିଛି ଭିଜିଲାନ୍ସ । ତେବେ ମାତ୍ର ୧୩ ଶହ ଟଙ୍କାରେ ସେ ଚାକିରି ଆରମ୍ଭ କରିଥିଲେ । ଏବେ କୋଟି କୋଟି ଟଙ୍କାର ମାଲିକ ହୋଇଛନ୍ତି ଗୟା ସାନ୍ତରା । ଗୟା ସାନ୍ତରା କୋରାପୁଟର ସିମୋଗୋଡାରେ ଥିବା ଆମ୍ପାଭାଲି ଲାଇମ ଷ୍ଟୋନ ମାଇନସରେ କାମ କରୁଥିଲେ । ଗୟା କିଭଳି ଏତେ ପରିମାଣର ଆୟବର୍ହିଭୂତ ସମ୍ପତିର ମାଲିକ ହେଲେ ? ଯଦି ତାଙ୍କୁ ଘରୁ ୪ କୋଟି ମିଳିଛି ତେବେ କେତେ ଟଙ୍କାର କାରବାର ହୋଇଛି? ଓ ସରକାରୀ ତହବିଲକୁ କେତେ ଟଙ୍କାର ସେ କ୍ଷତି ପହଞ୍ଚାଇଛନ୍ତି ? ସେ ନେଇ ବି ପ୍ରଶ୍ନ ଉଠିଛି ।
ଏବେ ଗୟା ସାନ୍ତରା ଗିରଫ ହେବା ପରେ ପ୍ରଶ୍ନ ଉଠୁଛି
- ଗୟା କେଉଁଠୁ ଆଣିଲେ କୋଟି କୋଟି ଟଙ୍କା?
- ଟଙ୍କା ଆଦାୟର ସ୍ରୋତ କଣ ଥିଲା?
- ଠିକାଦାର ନା ଅନ୍ୟ କିଏ ଟଙ୍କା ଦେଇଛି ?
- ଖଣି ମାଫିଆକୁ ଅନୁକମ୍ପା ଦେଖାଉଥିଲେ କି ଗୟା ସାନ୍ତରା?