ଜ୍ଞାନବାପୀ ମାମଲାରେ ବାରଣାସୀ କୋର୍ଟଙ୍କ ବଡ ନିଷ୍ପତ୍ତି, କଥିତ ଶିବଲିଙ୍ଗର ହେବ ନାହିଁ କାର୍ବନ ଡେଟିଂ
କନକ ବ୍ୟୁରୋ : ଜ୍ଞାନବାପୀ ମାମଲାରେ ହିନ୍ଦୁ ପକ୍ଷଙ୍କ ଆବେଦନକୁ ବାରଣାସୀ କୋର୍ଟ ଖାରଜ କରିଦେଇଛନ୍ତି । ଜ୍ଞାନବାପୀ ମସଜିଦ ପରିସରରୁ ମିଳିଥିବା କଥିତ ଶିବଲିଙ୍ଗର କାର୍ବନ ଡେଟିଂ ନେଇ ହିନ୍ଦୁ ପକ୍ଷ ବାରଣାସୀ କୋର୍ଟରେ ଆବେଦନ କରିଥିଲେ । ହେଲେ ଏହି ଆବେଦନକୁ କୋର୍ଟ ଆଜି ଖାରଜ କରିଦେଇଛନ୍ତି । ୫ ଜଣ ଆବେଦନକାରୀଙ୍କ ମଧ୍ୟରୁ ୪ ଜଣ ଆବେଦନକାରୀ କଥିତ ଶିବଲିଙ୍ଗର ଏଏସଆଇ ଦ୍ୱାରା ବୈଜ୍ଞାନିକ ଯାଂଚ କରିବାକୁ ଆବେଦନ କରିଥିଲେ । ଏହି ମାମଲାର ଶୁଣାଣି ଚଳିତମାସ ୧୧ ତାରିଖରେ ଶେଷ ହୋଇଥିଲେ ବି କୋର୍ଟ ରାୟକୁ ସଂରକ୍ଷିତ ରଖିଥିଲେ । ସେପଟେ ମସଜିଦ ପକ୍ଷ ତରଫରୁ ଯୁକ୍ତି ରଖାଯାଇଥିଲା କି ମସଜିଦ ପରସରରୁ ମିଳିଥିବା ପଥର ଖଣ୍ଡ ଶିବଲିଙ୍ଗ ନୁହେଁ ବରଂ ଏହା ଏକ ଫବରା ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ହିନ୍ଦୁ ପକ୍ଷଙ୍କ ଓକିଲ ସୁଧୀର ତ୍ରିପାଠୀ କହିଥିଲେ କି ଆମର ଦାବି ରହିଛି କାର୍ବନ ଡେଟିଂ କିମ୍ବା ଅନ୍ୟ କୌଣସି ବୈଜ୍ଞାନିକ ପଦ୍ଧତିରେ ଶିବଲିଙ୍ଗର ଯାଂଚ । ସେପଟେ ପୂର୍ବ ଶୁଣାଣି ବେଳେ ଏହି କାର୍ବନ ଡେଟିଂକୁ ବିରୋଧ କରିଥିଲେ ମସଜିଦ୍ ପକ୍ଷ ।
ସୂଚନା ଥାଉକି ବନାରସର ୫ ଜଣ ମହିଳା ମିଳିତ ଭାବେ ବାରଣାସୀ କୋର୍ଟରେ ଏକ ଆବେଦନ କରି ବର୍ଷସାରା ଏଠାରେ ଶୃଙ୍ଗାର ଗୌରୀଙ୍କ ପୂଜାକରିବାକୁ ଅନୁମତି ମାଗିଥିଲେ । ଏହି ମାମଲାର ପ୍ରଥମ ଶୁଣାଣି ୨୦୨୨ ଏପ୍ରିଲ ୨୬ ତାରିଖରେ ହୋଇଥିଲା । ଏଥିରେ କୋର୍ଟ ଏକ କମିଶନ ଗଠନ କରି ଜ୍ଞାନବାପୀ ମସଜିଦ ପ୍ରାଙ୍ଗଣରେ ଶୃଙ୍ଗାର ଗୌରୀ ମନ୍ଦିର ସର୍ଭେ କରିବାକୁ ଆଦେଶ ଦେଇଥିଲେ । ଏହାପରେ ୨୦୨୨ ମେ ୬ ତାରିଖରେ କମିଶନ ତାର ସର୍ଭେ ଆରମ୍ଭ କରିଥିଲା ।
Gyanvapi mosque case | Judge has rejected our demand of seeking carbon dating. We are waiting for the order copy. The option of going to the High Court is available to us and we will place our point before the High Court also: Advocate Madan Mohan Yadav,in Varanasi#Uttarpradesh pic.twitter.com/9NmVqHNBEz
— ANI UP/Uttarakhand (@ANINewsUP) October 14, 2022
ସେହିଭଳି ୨୦୨୨ ମେ ୭ ତାରିଖରେ ମସଜିଦ ପକ୍ଷରୁ କୋର୍ଟରେ ଏକ ଆବେଦନ କରି କମିଶନର ଅଜୟ ମିଶ୍ରାଙ୍କ ସର୍ଭେର ନିରପକ୍ଷେତା ଉପରେ ପ୍ରଶ୍ନ ଉଠାଇଥିଲେ । ୨୦୨୨ ମେ ୧୨ ତାରିଖରେ କୋର୍ଟ ଅଜୟ ମିଶ୍ରାଙ୍କୁ ହଟାଇବାକୁ ମନା କରିବା ସହ ଆଉ ୨ ଜଣଙ୍କୁ ଏହି କମିଶନରେ ନିଯୁକ୍ତି ଦେଇଥିଲେ ।