ଡେରା ପ୍ରମୁଖ ରାମ ରହିମଙ୍କ ଆବେଦନକୁ କୋର୍ଟଙ୍କ ମଞ୍ଜୁରୀ, ପାରୋଲରେ ଯିବେ ୪୦ ଦିନ
କନକ ବ୍ୟୁରୋ : ହରିଆଣାର ସୁନାରିଆ ଜେଲରେ କାରାଦଣ୍ଡ କାଟୁଥିବା ଡେରା ସୌଦା ପ୍ରମୁଖ ରାମ ରହିମ ସିଂଙ୍କ ୪୦ ଦିନିଆ ପରୋଲ ଆବେଦନକୁ କୋର୍ଟ ସ୍ୱିକାର କରିଛନ୍ତି । ଏକ ସୂତ୍ର ସୂଚନା ମୁତାବକ ଏନେଇ ସୂଚନା ମିଳିଛି । କୁହାଯାଉଛି କି, ଆଦମପୁର ବିଧାନସଭା ଉପ ନିର୍ବାଚନର ଠିକ୍ ପୂର୍ବରୁ ତାଙ୍କୁ ଜାମିନ ମିଳିବା ରାଜନୈତିକ ଅଭିସନ୍ଧୀ । ଆଦମପୁରରେ ନଭେମ୍ବର ୩ ତାରିଖରେ ଉପ ନିର୍ବାଚନ ହେବାକୁ ଅଛି । ସେପଟେ ଡେରା ପ୍ରମୁଖଙ୍କୁ ଜୁନ ମାସରେ ପାରୋଲରେ ପଠାଇ ଦିଆଯାଇଥିଲଶ ଓ ଏହାପରେ ତାଙ୍କ ପରୋଲକୁ ୩ ମାସ ପର୍ଯ୍ୟନ୍ତ ବୃଦ୍ଧି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗୁରମିତ ରାମ ରହିମଙ୍କୁ ସିର୍ସା ସ୍ଥିତ ତାଙ୍କ ଆଶ୍ରମରେ ଜଣେ ମହିଳା କର୍ମୀଙ୍କୁ ବଳାକ୍ରାର ମାମଲାରେ ଦୋଷୀ ସାବ୍ୟସ୍ତ କରି କୋର୍ଟ ୨୦ ବର୍ଷ କାରାଦଣ୍ଡରେ ଦଣ୍ଡିତ କରିଥିଲେ । ୨୦୧୭ ଅଗଷ୍ଟ ମାସରେ ପଞ୍ଚକୁଲାରେ ଥିବା ସିବିଆଇର ଏକ ସ୍ୱତନ୍ତ୍ର କୋର୍ଟ ଦୋଷୀ ସାବ୍ୟସ୍ତ କରିଥିଲେ ।
କେବଳ ସେତିକି ନୁହେଁ ଡେରାର ପ୍ରବନ୍ଧକ ରଞ୍ଜିତ ସିଂଙ୍କୁ ହତ୍ୟା ଷଡଯନ୍ତ୍ର କରିଥିବା ଅଭିଯୋଗରେ ୨୦୦୨ ମସିହାରେ ଅନ୍ୟ ୩ ଜଣଙ୍କ ସହ ରାମ ରହିମଙ୍କୁ ମଧ୍ୟ କୋର୍ଟ ଦୋଷୀ ସାବ୍ୟସ୍ତ କରିଥିଲା । ଏହି ଦୋଷରେ ତାଙ୍କୁ କୋର୍ଟ ପୁଣି ୧୬ ବର୍ଷ ଜେଲ ଦଣ୍ଡରେ ଦଣ୍ଡିତ କରିଥିଲା ।