ମହାରାଷ୍ଟ୍ର ରାଜନୀତିରେ ୪ ଆକ୍ସନ୍ ସେଂଟର । ମୁମ୍ବାଇରେ ଉଦ୍ଧବ, ଗୌହାଟିରେ ଏକନାଥ ଶିନ୍ଦେ । ଦିଲ୍ଲୀରେ ବିଜେପିର ଗୋଟିଚାଳନା
କନକ ବ୍ୟୁରୋ: ମହାସଙ୍କଟରେ ମହାରାଷ୍ଟ୍ରରେ ଉଦ୍ଧବ ଠାକରେଙ୍କ ନେତୃତ୍ୱାଧୀନ ଏମ୍ଭିଏ ସରକାର । ଶିବସେନାର ବିଦ୍ରୋହୀ ଗୁଜରାଟରୁ ବାହାରି ଗୌହାଟୀରେ ପହଂଚିଛନ୍ତି । ଗୌହାଟୀରେ ପହଂଚିବା ପରେ ବିଦ୍ରୋହୀ ନେତା ଏକନାଥ ସିନ୍ଦେ କହିଛନ୍ତି, ତାଙ୍କ ପାଖରେ ୪୦ ବିଧାୟକଙ୍କ ସମର୍ଥନ ରହିଛି । ଗୌହ୍ୱାଟୀରେ ଥିବା ବିଧାୟକ ସହ ୫ ଜଣ ମନ୍ତ୍ରୀ ଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଏକନାଥ ସିନ୍ଦେ ୪୦ ବିଧାୟକଙ୍କ ସମର୍ଥନ ନିଜ ସପକ୍ଷରେ ନିଅନ୍ତି ତେବେ, ଉଦ୍ଧବ ଠାକରେଙ୍କ ସରକାର ପାଇଁ ବଡ଼ ଝଟ୍କା ହେବ । ଦଳୀୟ ବିଧାୟକଙ୍କ ବିଦ୍ରୋହ ଯୋଗୁ ଉଦ୍ଧବ ସରକାରର ଯେକୌଣସି ମୁହୂର୍ତରେ ପତନ ଘଟିପାରେ ବୋଲି ଆଶଙ୍କା ସୃଷ୍ଟି ହୋଇଛି । ଅସନ୍ତୁଷ୍ଟ ବିଧାୟକଙ୍କ ସହ ଡେରା ପକାଇଥିବା ଏକାନାଥଙ୍କୁ ମନାଇବା ପାଇଁ ଶିବସେନା ପକ୍ଷରୁ ପ୍ରୟାସ ଜାରି ରହିଛି । ଶିବସେନାର ଦୁଇ ବରିଷ୍ଠ ନେତା ମଧ୍ୟ ଏକନାଥ ସିନ୍ଦେଙ୍କୁ ଭେଟିଛନ୍ତି । ବିଜେପି ସହ ମିଶି ସରକାର ଗଢିବା ପାଇଁ ସିନ୍ଦେଙ୍କ ଦାବି ଠାକରେଙ୍କୁ ଅଡୁଆରେ ପକାଇଛି । ବିଜେପି ସହ ମିଶି ସରକାର ଗଢିବାକୁ ଏକନାଥ ସିନ୍ଦେଙ୍କ ଦାବିକୁ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପ୍ରତ୍ୟାଖାନ କରିଛନ୍ତି । ଶିବସେନା ନେତା ସଞ୍ଜୟ ରାଉତ କହିଛନ୍ତି, ଅତିବେଶୀରେ ସରକାର ଭାଙ୍ଗି ଯାଇପାରେ, କିନ୍ତୁ ଲଢେଇ ଜାରି ରହିବ ।
ଅନ୍ୟପଟେ ବିଜେପି ଦଳୀୟ ବିଧାୟକଙ୍କ ପାଇଁ ଫତୁଆ ଜାରି କରିଛି । ବିଧାୟକମାନେ ମୋବାଇଲ ଅନ ରଖିବା ସହ ୨୪ ଘଂଟା ନେଟୱର୍କ ଏରିଆ ଭିତରେ ରହିବାକୁ କଡା ନିର୍ଦ୍ଦେଶ ରହିଛି । ଏହାରି ଭିତରେ ଆଜି ମୁଖ୍ୟମନ୍ତ୍ରୀ ଉଦ୍ଧବ ଠାକରେ କ୍ୟାବିନେଟ୍ ବୈଠକ ଡାକିଛନ୍ତି । ଯାହା ଉପରେ ସମସ୍ତଙ୍କ ନଜର ।