ଆତଙ୍କବାଦୀଙ୍କ ପାଇଁ ମୂଖ୍ୟ ଅସ୍ତ୍ର ସାଜିଥିଲା ଏହି ୧୪ଟି ଆପ୍ । ଷଡଯନ୍ତ୍ର ଓ ଅପପ୍ରଚାର ପାଇଁ ବ୍ୟବହାର ହେଉଥିଲା ଏହି ଆପ୍ଲିକେଶନ୍
କନକ ବ୍ୟୁରୋ : ଜମ୍ମୁ-କାଶ୍ମୀରରେ ଦିନକୁ ଦିନ ଆତଙ୍କବାଦୀ ଗତିବିଧି ବଢିବାରେ ଲାଗିଛି । ଗତ କିଛି ଦିନ ପୂର୍ବରୁ ପୁଂଛରେ ହୋଇଥିବା ଆତଙ୍କବାଦୀ ଆକ୍ରମଣରେ ୫ଜଣ ଯବାନ ସହିଦ୍ ହୋଇଯାଇଥିଲେ । ଯାହାକୁ ନେଇ ହାଇ ଆଲର୍ଟରେ ରହିଛି ଭାରତୀୟ ସେନା । ଗୁପ୍ତ ସୂଚନା ଆଧାରରେ ଆତଙ୍କବାଦୀମାନେ ତଥ୍ୟ ପହଞ୍ଚାଇବା ପାଇଁ ୧୪ଟି ମେସେଞ୍ଜର ଆପର ବ୍ୟବହାର କରୁଥିଲେ । ସୂଚନା ମିଳିବା ପରେ ବଡ ପଦକ୍ଷେପ ନେଇଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀମାନେ କ୍ରିପୱାଇଜର, ଏନିଗମା, ବିକର୍ମ, ମିଡିଆଫାୟାର, ବ୍ରିଆର, ବେଚାଟ୍, ନନ୍ଦବକ୍ସ, କନିଅନ, ଆଇଏମଓ, ଏଲିମେଣ୍ଟ୍, ସେକେଣ୍ଡ୍ ଲାଇନ୍, ଜାଙ୍ଗି, ଥ୍ରିମା ଆଦି ଭଳି ମେସେଞ୍ଜର ଆପକୁ ବ୍ୟବହାର କରି ତଥ୍ୟ ଏପଟ ସେପଟ କରୁଥିଲେ ଏବଂ ଆକ୍ରମଣର ଷଡଯନ୍ତ୍ର ରଚୁଥିଲେ । ଗୁପ୍ତ ସୂଚନାରୁ ଏହା ଜଣାପଡିବା ପରେ ଏହି ୧୪ଟି ଆପକୁ କେନ୍ଦ୍ର ସରକାର ବ୍ଲକ୍ କରିଦେଇଛନ୍ତି ।
ସବୁଠୁ ବଡ କଥା ହେଉଛି, ଯୁବପୀଢିଙ୍କୁ ହିଂସା କରିବା ଦିଗରେ ଉତ୍ସାହିତ କରିବା ଏବଂ ଅପ ପ୍ରଚାର କରିବା ପାଇଁ ଏହି ସବୁ ମେସେଞ୍ଜିଂ ଆପ୍ ଗୁଡିକୁ ବ୍ୟବହାର କରୁଥିଲେ ଆତଙ୍କବାଦୀ । ତେଣୁ ଏହି ଆପ୍ ଗୁଡିକୁ ଧାରା ୬୯ ଅନୁଯାଇ ବ୍ଲକ୍ କରାଯାଇଥିବା ଏକ ବରିଷ୍ଠ ଖୁଫିଆ ଅଧିକାରୀ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ।