ଏଲନ ମସ୍କ ବିକୁଛନ୍ତି ପରଫ୍ୟୁମ । ଗୋଟିଏ ଥରରେ ବିକ୍ରି ହେଲା ୧୦ ହଜାର ବୋତଲ, ଜାଣନ୍ତୁ କେତେ ରହିଛି ଦାମ
କନକ ବ୍ୟୁରୋ : ବିଶ୍ୱର ସବୁଠାରୁ ଧନୀ ବ୍ୟକ୍ତି କୁହାଯାଉଥିବା ଏଲନ ମସ୍କ ଏବେ ଫରଫ୍ୟୁମ୍ ବିକ୍ରେତା ସାଜିଛନ୍ତି । ଏନେଇ ସେ ନିଜ ଟ୍ୱିଟର ଆକାଉଣ୍ଟରେ ସୂଚନା ଦେଇଛନ୍ତି । ସେ ବ୍ରଣ୍ଟ ହେୟାର ନାମକୁ ଏକ ପରଫ୍ୟୁମ୍ ବ୍ରାଣ୍ଡ ଲଂଚ କରିଛନ୍ତି । ଏନେଇ ସେ ଦାବି କରିଛନ୍ତି କି ଏହି ପରଫ୍ୟୁମ ବିଶ୍ୱର ସବୁଠାରୁ ସୁଗନ୍ଧିତ ବ୍ରାଣ୍ଡ ଅଟେ ।
Kanak News is now on WhatsApp
Join and get latest news updates delivered to you via WhatsApp
ଏଲନ ମସ୍କ ବ୍ରଣ୍ଟ ହେୟାର ନାମକ ଏକ ପରଫ୍ୟୁମ୍ ବ୍ରାଣ୍ଡ ଲଂଚ କରିଥିବା ନେଇ ଟ୍ୱିଟରରେ ସୂଚନା ଦେଇଛନ୍ତି । ଦ ବୋରିଙ୍ଗ କମ୍ପାନୀରେ ଏହାର ଏକ ଅଲଗା ଭାବେ ବାଏ ନାଉଁ ପେଜ ଦେଖିବାକୁ ମିଳିଛି । ଏଲନମସ୍କ କହିଛନ୍ତି କି ଏହି ପରଫ୍ୟୁମ୍ ଉଭୟ ପୁରୁଷ ମହିଳା ଓ ଛୋଟ ପିଲାମାନେ ବ୍ୟବହାର କରିପାରିବେ । ଏହାର ଗୋଟିଏ ବୋତଲର ଦାମ କମ୍ପାନୀ ତରଫରୁ ୧୦୦ ଡଲାର ଅର୍ଥାତ ଭାରତୀୟ ମୁଦ୍ରାରେ ୮,୪୦୦ ଟଙ୍କା ରହିଛି । ଏହାପରେ ଆପଣଙ୍କୁ ସିପିଂ ଚାର୍ଜ ଅଲଗା ଭାବେ ଦେବାକୁ ହେବ । ଏହାସହ ଆପଣ ଏହି ପରଫ୍ୟୁମର ଦାମ କ୍ରିପ୍ଟୋ କରେନ୍ସି ମାଧ୍ୟମରେ ମଧ୍ୟ ଦେଇପାରିବେ । ଏଥିପାଇଁ ସିପିଂ ଚାର୍ଜ ୩ ହଜାର ଟଙ୍କା ଲାଗିବ ।
ଟେସଲା ଓ ସ୍ପେସେକ୍ସ ଭଳି କମ୍ପାନୀର ମୁଖ୍ୟ ଏଲନ ମସ୍କ ସେପ୍ଟେମ୍ବର ମାସରେ ଫରଫ୍ୟୁମ୍ ମାର୍କେଟକୁ ଓହ୍ଲାଇବା ନେଇ ସୂଚନା ଦେଇଥିଲେ । ସେତେବେଳେ ଲୋକମାନେ ଏହାକୁ ଏକ ମଜାକ୍ ବା କୌତୁହଳ ବୋଲି ଭାବିଧିଲେ । ଏହି ପରଫ୍ୟୁମର ସ୍ୱତନ୍ତ୍ରତା ବାବଦରେ ମସ୍କ କହିଛନ୍ତି କି ଏହା ବିପରିତ ଇଚ୍ଛାର ବାସ୍ନା ଦେବ, ଆପଣଙ୍କୁ ଭିଡ ଭିତରେ ବି ସ୍ୱତନ୍ତ୍ର ପରିଚୟ ଦେବ ।