ଇଡି ହେପାଜତରେ ରହିବେ କେଜ୍ରିୱାଲ । ତଳ କୋର୍ଟ ପରେ ହାଇକୋର୍ଟରୁ ବି ମିଳିଲା ନାହିଁ ଆଶ୍ୱସ୍ତି
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଗିରଫ ହୋଇ ଇଡି ହେପାଜତରେ ଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ହାଇକୋର୍ଟରୁ ମଧ୍ୟ ଆଶ୍ୱସ୍ତି ମିଳିନାହିଁ । କେଜ୍ରିୱାଲଙ୍କ ଗିରଫକୁ ବିରୋଧ କରି ଦିଲ୍ଲୀ ହାଇକୋର୍ଟରେ କରାଯାଇଥିବା ଆବେଦନ ଉପରେ ଶୁଣାଣି କରି କୋର୍ଟ ଆବେଦନକୁ ଖାରଜ କରିଦେଇଛନ୍ତି । କୋର୍ଟ କହିଛନ୍ତି କି ଇଡି ହେପାଜତ କ୍ରମରେ ଇଡି ତରଫରୁ କିଛି ତଥ୍ୟ ଯୋଗାଡ କରାଯାଇଥିବ, ଯାହାକୁ ମାମଲାର ଶୁଣାଣି ବେଳେ ଇଡି କୋର୍ଟରେ ଦାଖଲ କରିବ । ତେଣୁ ଶୁଣାଣି ପୂର୍ବରୁ ଏହି ମାମଲା ଉପରେ ନିଷ୍ପତ୍ତି ନିଆଯାଇପାରିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଇଡି ତରଫରୁ କୋର୍ଟରେ ମାମଲା ଲଢୁଥିବା ଏଏସଜେ ରାଜୁ କେଜ୍ରିୱାଲଙ୍କ ଜାମିନକୁ ବିରୋଧ କରିଥିଲେ । ଏହାସହ କେଜ୍ରିୱାଲଙ୍କ ତରଫରୁ ଅଧିକ ଓକିଲ ନିଯୁକ୍ତ କରାଯାଇଥିବାରୁ ଏହାକୁ ମଧ୍ୟ ଇଡିର ଓକିଲ ବିରୋଧ କରିଥିଲେ । ଇଡି ତରଫରୁ କୁହାଯାଇଛି କି, ଗୋଆ ନିର୍ବାଚନ ପାଇଁ ଟଙ୍କା ଯୋଗାଇବାରେ କେଜ୍ରିୱାଲ ଅବକାରୀ ନୀତିର ଅପବ୍ୟବହାର କରି ସାଉଥ୍ ଗ୍ରୁପ ମାଧ୍ୟମରେ ଟଙ୍କା ଯୋଗାଡ କରିଥିଲା । କେଜ୍ରିୱାଲଙ୍କ ତରଫରୁ ମାମଲା ଲଢୁଥିବା ବରିଷ୍ଠ ଓକିଲ ଅଭିଶେକ ମନୁ ସଂଘଭୀ କୋର୍ଟକୁ କହିଥିଲେ କି, ଇଡି ପାଖରେ ଗିରଫ କରିବାର କ୍ଷମତା ଥିବାରୁ ସେ କୌଣସି ସମୟରେ କାହାକୁ ଗିରଫ କରିପାରିବ ନାହିଁ ।
Delhi High Court issues notice to Enforcement Directorate on plea moved by CM Arvind Kejriwal raising issues of legality and validity regarding the arrest and remand.
Delhi HC seeks ED’s response on the main petition as well as the application for interim release of the… pic.twitter.com/5eRoyAVwk4
— ANI (@ANI) March 27, 2024
ଏହି ମାମଲାର ଶୁଣାଣି ଏପ୍ରିଲ ୩ ତାରିଖରେ ହେବ । ଏହା ପୂର୍ବରୁ କୋର୍ଟଙ୍କ ତରଫରୁ ଏପ୍ରିଲ ୨ ତାରିଖ ସୁଦ୍ଧା ତଥ୍ୟ ଦାଖଲ କରିବାକୁ ଇଡିକୁ ନିର୍ଦ୍ଦେଶ ଦିଆଯାଇଛି ।