ବିଜେପି ଉପରେ ବର୍ଷିଲେ କଂଗ୍ରେସର ଜାତୀୟ ମୁଖପାତ୍ର ଶମା ଅହମ୍ମଦ । କହିଲେ ବିଜେପିରେ ରହିଛନ୍ତି ଗଣଦୁଷ୍କର୍ମକାରୀ
କନକ ବ୍ୟୁରୋ : ନିର୍ବାଚନ ପାଇଁ ଏବେ ସବୁଦଳ ଚଳଚଞ୍ଚଳ । ନିର୍ବାଚନୀ ସଭା ହେଉ କି ସାମ୍ବାଦିକ ସମ୍ମିଳନୀ ସବୁଦଳ ପରସ୍ପର ପ୍ରତି ଆରୋପ ପ୍ରତ୍ୟାରୋପ ଲଗାଇବାରେ ଲାଗିଛନ୍ତି । ଏହି କ୍ରମରେ ଆଜି ଓଡିଶା ଆସିଥିବା କଂଗ୍ରେସର ଜାତୀୟ ମୁଖପାତ୍ର ଶମା ଅହମ୍ମଦ ଏକ ସାମ୍ବାଦିକ ସମ୍ମିଳନୀ କରି ବିଜେପି ଉପରେ ବର୍ଷିଛନ୍ତି । ଶମା କହିଛନ୍ତି କି, ଦେଶରେ ୧୦ ବର୍ଷ ହେବ ମହିଳାଙ୍କ ଉପରେ ଅପରାଧ ଆଶାତୀତ ଭାବେ ବଢିଛି । ହେଲେ କେନ୍ଦ୍ରର ମୋଦୀ ସରକାର ମଉନ ହୋଇ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ହାଥରସ, କାଠୁଆ ଘଟଣାର ଉଦାହରଣ ଦେଇ ଶମା କହିଛନ୍ତି ସବୁକଥାରେ ମୋଦୀ ଆଗକୁ ଆସି ବିଜେପିକୁ ସୁରକ୍ଷା ଦେଉଛନ୍ତି । ଏହି ସୁରକ୍ଷା ଦେବା ଭିତରେ ମଧ୍ୟ ରାମ ରହିମ ଭଳି ଗଣଦୁଷ୍କମକାରୀ ରହିଛନ୍ତି । ଦେଶରେ ମହିଳା କୁସ୍ତିଯୋଦ୍ଧା ପ୍ରତିବାଦ କଲେ, ଥାନାରେ ମାମଲା ରୁଜୁ କଲେ , ହେଲେ ଅଭିଯୁକ୍ତ ବ୍ରିଜଭୂଷଣଙ୍କ ଉପରେ ବିଜେପି କାର୍ଯ୍ୟାନୁଷ୍ଠାନ ନେବା ପରିବତ୍ତେ ଏବେ ତାଙ୍କ ପୁଅଙ୍କୁ ଟିକେଟ ଦେଇଛି ବିଜେପି ।
ସେପଟେ କଂଗ୍ରେସ ସର୍ବଦା ମହିଳାଙ୍କୁ ପ୍ରାଥମିକତା ଦେଇଆସିଛି । ହେଲେ ମୋଦୀ ସରକାର ଆସିବା ପରେ କେବଳ ୨୦୨୨ ରେ ୪ ଲକ୍ଷରୁ ଅଧିକ ମାମଲା ରୁଜୁ ହୋଇଥିବା କଥା ସେ କହିଛନ୍ତି । ବିଜେପି ନାରା ଦେଇଥିଲା ବେଟୀ ବଚାଓ ବେଟୀ ପଢାଓ , ହେଲେ ବିଜେପି ବଳକ୍ରାରୀଙ୍କୁ ବଞ୍ଚାଓ ଦିଗରେ କାମ କରୁଥିବା ଶାମା ଅଭିଯୋଗ କରିଛନ୍ତି । ମଣିପୁର ଘଟଣାକୁ ନେଇ ଶାମା କହିଛନ୍ତି କି, ମଣିପୁରରେ ମହିଳାଙ୍କୁ ଉଲଗ୍ନ କରି ରାସ୍ତାରେ ଚଲାଗଲା ପରେ ବି ପ୍ରଧାନମନ୍ତ୍ରୀ ମଉନ ହୋଇ ରହିଥିଲେ । ହେଲେ ସାହାସ ଦେଖାଇ ରାହୁଲ ଗାନ୍ଧୀ ମଣିପୁରରେ ନ୍ୟାୟ ଯାତ୍ରା କରିଥିଲେ ।
କଂଗ୍ରେସ ସରକାରକୁ ଆସିଲେ ୨୦୨୫ ସୁଦ୍ଧା ଦେଶର ୩୩ ପ୍ରତିଶତ ମହିଳାଙ୍କୁ ବିଧାନସଭାରେ ସଂରକ୍ଷଣ ଦିଆଯିବ ବୋଲି ଶମା ପ୍ରତିଶ୍ରୁତି ଦେଇଛନ୍ତି । ସେପଟେ ଦରଦାମ ନିୟନ୍ତ୍ରଣରେ ନାହିଁ, ଗରିବ ଲୋକମାନେ ଜିଏସଟି ଗଣିଗଣି ବେଦମ ହେଲେଣି । ଆମେ ସରକାରକୁ ଆସିଲେ ଘରର ପ୍ରତି ମୂରବୀ ମହିଳାଙ୍କୁ ଏକ ଲକ୍ଷ ଟଙ୍କା ଦିଆଯିବ। ଏକଥା ରାହୁଲ ଗାନ୍ଧୀ ଇସ୍ତାହାରରେ ଉଲ୍ଲେଖ କରିଛନ୍ତି।
କେବଳ ବିଜେପି ନୁହେଁ ରାଜ୍ୟ ଶାସନ କ୍ଷମତାରେ ଥିବା ବିଜେଡି ଉପରେ ମଧ୍ୟ ବର୍ଷିଛନ୍ତି ଶମା । ସେ କହିଛନ୍ତି କି, ମମିତା ମେହର ହତ୍ୟା ଘଯଣାରେ ବିଧାୟକ ଦିବ୍ୟଶଂକର ମିଶ୍ରଙ୍କର ସଂପୃକ୍ତି ରହିଛି । ପରୀ ହତ୍ୟା ଘଟଣାରେ ଅରୁଣ ସାହୁ ଓ ମହିଳା ଶୋଷଣ ମାମଲାରେ ଶ୍ରୀକାନ୍ତ ସାହୁଙ୍କ ସଂପୃକ୍ତି ଥିଲେ ବି କ୍ଷମତାର ଅପବ୍ୟବହାର କରି ବିଜେଡି ସରକାର ସେମାନଙ୍କୁ ସୁରକ୍ଷା ଦେଇଛି । ଏହା ଭିତରେ ଏହିସବୁ ଅପରାଧୀଙ୍କୁ ବିଜେଡି ଟିକେଟ ଦେଇଥିବାରୁ ନବୀନ ସରକାରରେ ମହିଳା ମାରଣ ନୀତି ପଦାରେ ପଡିଛି ବୋଲି ଶମା ଅହମ୍ମଦ କହିଛନ୍ତି ।