୧୦ ଦିନ ପରେ କେନ୍ଦୁଝରରେ ଅସୁସ୍ଥ ମାଈ ହାତୀ ମୃତ୍ୟୁ । ଶିମିଳିପାଳ ଓ ନନ୍ଦନକାନନରୁ ଯାଇଥିବା ବିଶେଷଜ୍ଞ ଜାଣିପାରିଲେନି ରୋଗ
କନକ ବ୍ୟୁରୋ: ୧୦ ଦିନ ପରେ ଜୀବନ ଯୁଦ୍ଧରେ ହାରିଗଲା ମାଈ ହାତୀ । କେନ୍ଦୁଝର ଜିଲ୍ଲା ଉପରିସୁମଠ ଗ୍ରାମ ନିକଟରେ ଅସୁସ୍ଥ ଥିବା ମାଈ ହାତୀର ମୃତ୍ୟୁ ହୋଇଛି । ହାତୀ ଅସୁସ୍ଥ ହୋଇ ପଡି ରହିଥିବା ବେଳେ ଏହାର ଚିକିତ୍ସା ପାଇଁ ଶିମିଳିପାଳ ଓ ନନ୍ଦନକାନନରୁ ୨ଟି ଡାକ୍ତରୀ ଦଳ ଚିକିତ୍ସା କରିଥିଲେ । ହେଲେ ହାତୀକୁ ସୁସ୍ଥ କରିପାରିଲେନି । ତେବେ ହାତୀଟି କେଉଁ ସଂକ୍ରମଣର ଶିକାର ହୋଇଥିଲା ତାହା ଜଣାପଡିନାହିଁ । ଶବ ବ୍ୟବଚ୍ଛେଦ ପରେ ହାତୀ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି କହିଛି ବନବିଭାଗ ।
Kanak News is now on WhatsApp
Join and get latest news updates delivered to you via WhatsApp
ନନ୍ଦନକାନନରେ ୪ଟି ହାତୀର ଜୀବନ ଯିବା ପରେ କେନ୍ଦୁଝର ଜିଲ୍ଲା ଉପରସୁମଠ ଜଙ୍ଗଲରେ ଏକ ମାଈ ହାତୀ ଅସୁସ୍ଥ ହୋଇ ପଡ଼ି ଛଟପଟ ହେଉଥିଲା । କିଛି ଦିନ ତଳେ ଏକ ୫ଟିକିଆ ହାତୀପଲ ସ୍ଥାନୀୟ ଅଂଚଳକୁ ପଶିଆସି ଧାନ ଖାଉଥିବାର ଦେଖିବାକୁ ମିଳିଥିଲା । ତେବେ ସେହି ହାତୀ ମଧ୍ୟରୁ ଏକ ହାତୀ ଧାନ ଖାଇବା ପରେ ଅସୁସ୍ଥ ହୋଇପଡ଼ିଥିବା ଗ୍ରାମବାସୀ ଦେଖିବାକୁ ପାଇଥିଲେ ।ବନବିଭାଗର ଏକ ଫ୍ଲାଇଂ ସ୍କ୍ୱାର୍ଡ଼ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିବା ସହ ହାତୀର ଚିକିତ୍ସା ନିମନ୍ତେ ଶିମିଳିପାଳ ଓ ନନ୍ଦନକାନନରୁ ୨ଟି ଡାକ୍ତରୀ ଦଳ ଆସିଥିଲେ ମାତ୍ର ସେମାନେ ହାତୀଟି କେଉଁ ସଂକ୍ରମଣର ଶିକାର ହୋଇଥିଲା ତାହା ଚିହ୍ନଟ କରିପାରିନଥିରେ ତେବେ ହାତୀର ଦେହରେ କୌଣସି କ୍ଷତ ଚିହ୍ନ ନଥିବାରୁ ଏହା ହରପିସ ଭୁତାଣୁ ଜନିତ ବୋଲି ଅନୁମାନ କରାଯାଉଛି ।