ଝାରପଡା ଜେଲରେ ବେଧଡକ ଚାଲିଛି ନିଶା କାରବାର: ଖୁଲମଖୁଲ୍ଲା ମିଳୁଛି ଗଂଜେଇ ଓ ସିଗାରେଟ୍
କନକ ବ୍ୟୁରୋ: ଝାରପଡ଼ା ଜେଲରେ ଦେଖିବାକୁ ମିଳିଛି ନିଶାର ପାହାଡ଼ । କମିଶନରେଟ ପୁଲିସର ସ୍ୱତନ୍ତ୍ର ଟିମର ଚଢ଼ାଉ ବେଳେ ଜେଲ ଭିତରେ ନିଶା କାରବାର ଚାଲିଥିବା ସାମ୍ନାକୁ ଆସିଛି । ଜେଲର ବିଭିନ୍ନ ସ୍ଥାନରେ ଲୁଚାଇ ରଖାଯାଇଥିବା ପୁଳାପୁଳା ଗଞ୍ଜେଇ ସାଙ୍ଗକୁ ଚିଲମ, ସିଗାରେଟ ଓ ଅନ୍ୟାନ୍ୟ ନିଶାଦ୍ରବ୍ୟ ମିଳିଛି । ଜେଲରେ ଗତକାଲି ରାତିର ଗ୍ୟାଙ୍ଗୱାର ପରେ ଆଜି ଚଢ଼ାଉ ବେଳେ ଏସବୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସକାଳୁ ସକାଳୁ କମିଶନରେଟ ପୋଲିସର ସ୍ୱତନ୍ତ୍ର ଟିମ ଝାରପଡା ଜେଲରେ ଅଚାନକ ଚଢାଉ କରିବା ପରେ ଜେଲ ଭିତରୁ ଦେଖିବାକୁ ମିଳିଛି କିଛି ଏଭଳି ଦୃଶ୍ୟ । ପୁଳାପୁଳା ଗଞ୍ଜେଇ ସାଙ୍ଗକୁ ଚିଲମ,ପ୍ୟାକେଟ ପ୍ୟାକେଟ ସିଗାରେଟ ଓ ବିଡି ସହ ମାଳମାଳ ଖଇନି ଓ ଅନ୍ୟାନ୍ୟ ନିଶାଦ୍ରବ୍ୟ । ଡିସିପିଙ୍କ ସମେତ ପାଂଚ ଜଣ ଅତିରିକ୍ତ ଡିସିପି,୧୩ ଜଣ ଥାନା ଅଧିକାରି ଓ ପାଖାପାଖି ୪ ପ୍ଲାଟୁନ ଫୋର୍ସ ଝାରପଡା ଜେଲ ମଧ୍ୟରେ ଥିବା ୩୫ ଟି ମେଲ ୱାର୍ଡ,ଫିମେଲ ୱାର୍ଡ,୫ଟି ବ୍ଲକ,୨୧ଟି ସେଲ,କିଚେନ ଓ ଅନ୍ୟାନ୍ୟ ସ୍ଥାନରେ ଚଢାଉ କରି ବିପୁଳ ପରିମାଣର ଅବକାରି ଜିନିଷ ଜବତ କରିଛନ୍ତି । ଜେଲର ବିଭିନ୍ନ ସ୍ଥାନରେ ଏଗୁଡିକୁ ଲୁଚାଇ ରଖାଯାଇଥିବା ବେଳେ ରେଡ ସମୟରେ ଖୋଜି ବାହାର କରାଯାଇଛି ।
ନିଶା ପାଇଁ ଜେଲରେ ବଢୁଛି ଅପରାଧ
ଅପରାଧୀଙ୍କୁ ଦେଉଛି କିଏ ପ୍ରଶୟ?
ମଙ୍ଗଳବାର ଝାରପଡା ଜେଲ ଭିତରେ ଗ୍ୟାଙ୍ଗ ୱାର ହୋଇ ପାଖାପାଖି ଚାରି ଜଣ କଏଦୀ ଆହତ ହୋଇଥିଲେ । ଆଉ ଜେଲ ଭିତରେ କଣ ଚାଲିଛି ଜାଣିବା ପାଇଁ ଆଜି ସକାଳୁ ଅତର୍କିତ ଚଢାଉ କରିଥିଲା କମିଶନରେଟ ପୋଲିସ । ଜେଲରେ ୨୪ ଘଂଟିଆ ସିସିଟିଭି ସର୍ଭେଲାନ୍ସ,କଡା ଚେକିଂ,ଜାମର,ମେଟାଲ ଡିଟେକ୍ଟର ଭଳି ଅତ୍ୟାଧୁନିକ ସୁରକ୍ଷା ବ୍ୟବସ୍ଥା ରହିଛି । ତାସତ୍ୱେ ବିପୁଳ ପରିମାଣର ନିଶା ଓ ମାଦକଦ୍ରବ୍ୟ ଜବତ ଜେଲ କର୍ତୁପକ୍ଷଙ୍କ ପାରିବାପଣିଆ ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
ଝାରପଡା ଜେଲରେ ରାଜ୍ୟର ଅନେକ କୁଖ୍ୟାତ ଅପରାଧୀ ଅଛନ୍ତି । ପ୍ରଶ୍ନ ଉଠୁଛି
-ଜେଲ ଭିତରକୁ କିଭଳି ଯାଉଛି ନିଶାଦ୍ରବ୍ୟ ?
-କଏଦୀଙ୍କୁ ସଠିକ ଯାଂଚ କରି ଭିତରକୁ ଛଡାଯାଉନାହିଁ କାହିଁକି ?
-ନିଶାଦ୍ରବ୍ୟ ଜେଲ ଭିତରକୁ ନେବାକୁ କିଏ ଦେଉଛି ଅନୁମତି ?
– ସୁରକ୍ଷା ଦାୟିତ୍ୱରେ ଥିବା ଅଧିକାରୀ ଟଙ୍କା ପାଇଁ ନିଶାକାରବାରକୁ ପ୍ରୋସାହନ ଦେଉଛନ୍ତି କି ?
-ଜେଲ କର୍ତ୍ତୃପକ୍ଷ-ଅପରାଧୀଙ୍କ ମଧ୍ୟରେ ମଧୁଚନ୍ଦ୍ରିକା ରହୁଛି କି?