ରାଜଧାନୀରେ ଧଳାଜହର ବେପାରର ନୂଆ ତରିକା: ନକଲି ପୁଲିସ ଓ ଡାକ୍ତର ବେଶରେ ବୁଲୁଛନ୍ତି ନିଶା ବେପାରୀ
କନକ ବ୍ୟୁରୋ: ନିଶା ବେପାର କରନ୍ତି, ହେଲେ ବୁଲନ୍ତି ପୋଲିସ୍ ଠାଣିରେ । କେତେବେଳେ ଏମ୍ସର ଡାକ୍ତର ବୋଲି ପରିଚୟ ଦିଅନ୍ତି । ପୁଣି ଖାକି ପିନ୍ଧି ନିଜକୁ ଆଇଆଇସି ପରିଚୟ ଦେଇ ବୁଲେଟ ଚଢ଼ି ନିଶା ବେପାରରେ ମାତନ୍ତି । ରାଜଧାନୀରେ ଦୀର୍ଘଦିନ ଧରି ନିଶା କାରବାରର ସର୍ଦ୍ଦାର ସାଜିଥିବା ଏହି ଦୁଇ ମାଷ୍ଟରମାଇଣ୍ଡଙ୍କ ଚେହେରାକୁ ଟିକିଏ ଭଲ କରି ମନେ ରଖନ୍ତୁ । ଜଣେ ହେଉଛି ପଶ୍ଚିମବଂଗର କପିଲଦେବ ମଜୁମଦାର ଏବଂ ଅନ୍ୟ ଜଣେ ଖୋର୍ଦ୍ଧା ଜଙ୍କିଆ ଅଂଚଳର ରଶ୍ମିରଂଜନ ଭୋଳ ।
Kanak News is now on WhatsApp
Join and get latest news updates delivered to you via WhatsApp
ଆପଣ ଜାଣି ତାଜୁବ ହେବେ ଏମାନଙ୍କ ନିକଟରୁ କୋଟିଏ ୨୮ ଲକ୍ଷ ଟଙ୍କାର ବ୍ରାଉନସୁଗାର ଜବତ କରିଛି ସ୍ପେଶାଲ ଟାସ୍କ ଫୋର୍ସ । ତେବେ ଅଭିଯୁକ୍ତମାନେ ବାଂଲାଦେଶରୁ ପଶ୍ଚିମବଂଗ ଦେଇ ଭୁବନେଶ୍ୱରକୁ ବ୍ରାଉନସୁଗାର ଆଣିଥିବା ତଦନ୍ତ ବେଳେ ଜଣାପଡ଼ିଛି । ଭୁବନେଶ୍ୱର ଭଳି ରାଜ୍ୟର ଅନ୍ୟ କେଉଁ ସହରରେ ଏହି ନିଶାର ଜାଲ ବିଛାଇଛନ୍ତି, ତାର ସତ ଜାଣିବାକୁ ଅଭିଯୁକ୍ତଙ୍କୁ ରିମାଣ୍ଡରେ ଆଣିବାକୁ ଯୋଜନା କରୁଛି ଏସଟିଏଫ ।
୨୦୨୦ରୁ ବର୍ତମାନ ସୁଦ୍ଧା ୫୨ କୋଟିରୁ ଉଦ୍ଧ୍ୱର୍ ଟଙ୍କାର ବ୍ରାଉନସୁଗାର, ହିରୋଇନ, କୋକେନ, ଗଞ୍ଜେଇ, ଅଫିମ ଆଦି ଜବତ ହୋଇଥିବା ବେଳେ ପାଖାପାଖି ଦେଢ଼ଶହ ନିଶା ବେପାରୀ ଓ ଦଲାଲଙ୍କୁ ବାନ୍ଧିଛି ଏସଟିଏଫ ।