ହାର୍ଦ୍ଦିକଙ୍କୁ ନେଇ ପୂର୍ବ ପାକିସ୍ତାନ କ୍ରିକେଟରଙ୍କ ସମାଲୋଚନା: କହିଲେ, କିଏ ସେ ଚାହୁଁଛି ପାଣ୍ଡ୍ୟା ହୁଅନ୍ତୁ କ୍ୟାପଟେନ?
କନକ ବ୍ୟୁରୋ: ଅଷ୍ଟ୍ରେଲିଆରେ ଟି-୨୦ ବିଶ୍ୱକପ ସେମିଫାଇନାଲରୁ ଭାରତ ବିଦା ହୋଇ ଫେରିବା ପରେ ବିବାଦ ଲାଗି ରହିଛି । ସେମିରେ ଇଂଲଣ୍ଡଠାରୁ ବଡ ଧରଣର ପରାଜୟର ଖିଅ ଖୋଜୁଛି ବିସିସିଆଇ । ସେହିପରି ୨୦୨୪ ଦିନିକିଆ ବିଶ୍ୱକପକୁ ଲକ୍ଷ୍ୟ କରି ସିନିୟର ଖେଳାଳିଙ୍କୁ ଏବେଠାରୁ ବିଶ୍ରାମ ଦିଆଯାଇଛି । ଆଉ ନ୍ୟୁଜିଲାଣ୍ଡ ବିପକ୍ଷ ସିରିଜ ପାଇଁ ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ ଭାବେ ଦାୟିତ୍ୱ ଦିଆଯାଇଛି । ଆଉ ରୋହିତଙ୍କ ସ୍ଥାନରେ ହାର୍ଦ୍ଦିକ ପାଣ୍ଡ୍ୟା ଅଧିନାୟକ ହୁଅନ୍ତୁ ବୋଲି ଫ୍ୟାନମାନେ ଦାବି କରିଛନ୍ତି । ତେବେ ଏହାରି ଭିତରେ ପାକିସ୍ତାନର ପୂର୍ବତନ କ୍ରିକେଟର ସଲମାନ ବଟ୍ଟ ପାଣ୍ଡ୍ୟାଙ୍କୁ ନେଇ ଏକ ବିବାଦୀୟ ବୟାନ ଦେଇଛନ୍ତି । ଆଉ ତାଙ୍କ ଅଧିନାୟକତ୍ୱ ଉପରେ ପ୍ରଶ୍ନ ଉଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଲମାନ ବଟ୍ଟଙ୍କୁ ଯେତେବେଳେ ପଚରା ଯାଇଥିଲା, ଏବେ ଭାରତରେ ହାର୍ଦ୍ଦିକ ପାଣ୍ଡ୍ୟାଙ୍କୁ ନୂଆ ଅଧିନାୟକ କରିବାର ଚର୍ଚ୍ଚା ଲାଗି ରହିଛି । ତ ଏହାଉପରେ ସଲମାନ ଉତ୍ତର ଦେଇ କହିଥିଲେ, କିଏ ଚାହୁଁଛି ପାଣ୍ଡ୍ୟା କ୍ୟାପଟେନ ହୁଅନ୍ତୁ, କିଏ ଏଭଳି ସ୍ୱପ୍ନ ଦେଖୁଛନ୍ତି । ମାନୁଛି ସେ ଟ୍ୟାଲେଣ୍ଟଡ । ଆଇପିଏଲରେ ଭଲ ପ୍ରଦର୍ଶନ କରୁଛନ୍ତି, ସଫଳ ମଧ୍ୟ ହୋଇଛନ୍ତି । ହେଲେ ରୋହିତ ଶର୍ମା ବି ୫ ଥର ମୁମ୍ବାଇକୁ ଆଇପିଏଲ ଚାମ୍ପିୟନ କରାଇଛନ୍ତି । ଏସିଆରେ ଲୋକ ଶୀଘ୍ର ପରିବର୍ତ୍ତନ ଚାହାଁନ୍ତି । ବିଶ୍ୱକପ କେବଳ ଜଣେ ଅଧିନାୟକ ଜିତିଛନ୍ତି । ଅନ୍ୟ ୧୧ ଅଧିନାୟକ ବିଫଳ ହୋଇଛନ୍ତି । ତାହେଲେ କଣ ସମସ୍ତଙ୍କୁ ପରିବର୍ତ୍ତନ କରିଦେବା ?
ସଲମାନ ଆହୁରି କହିଥିଲେ କି, ପ୍ରଥମେ ତାଙ୍କୁ ଏହା ଚିନ୍ତା କରିବାର ଅଛି କି ସେ କୋହଲିଙ୍କୁ କାହିଁକି ଅଧିନାୟକ ପଦରୁ ବାହାର କଲେ । କୋହଲିଙ୍କ ପରେ ଆପଣ ରୋହିତଙ୍କ ପାଖକୁ ଆସିଲେ । ସେ ଗୋଟିଏ ଟୁର୍ଣ୍ଣାମେଣ୍ଟ ଜିତାଇପାରିଲେନି ତ ଆପଣ ପୁଣି ଆଗକୁ ବଢିଲେଣି । ଏଠାରେ କେହି ବୁଢା ହୋଇନାହାନ୍ତି । ରୋହିତ ଜଣେ ବଡ ଷ୍ଟାର ଖେଳାଳି । ତାଙ୍କ ପ୍ରଦର୍ଶନ ଉପରେ କାହାରିକୁ ସନ୍ଦେହ ନାହିଁ । ସେ ଜଣେ ଭଲ ଅଧିନାୟକ ମଧ୍ୟ । ଆଇପିଏଲରେ ସେ ଅନେକ ଥର ଟ୍ରଫି ଜିତିଛନ୍ତି । ସେ ଯଦି ବିଶ୍ୱକପରେ ଭଲ ପପ୍ର୍ନ କରିଥାନ୍ତେ ତେବେ କେହି କ୍ୟାପଟେନ ବଦଳେଇବା କଥା କହିନଥାନ୍ତେ ।
ଟି-୨୦ ବିଶ୍ୱକପରେ ସେମି ଫାଇନାଲରେ ଭାରତର ପରାଜୟ ପରଠୁ ଟିମରେ କିଛି ବି ଠିକ ଚାଲିନି । ବିସିସିଆଇ ସମସ୍ତ ଫର୍ମାଟରେ ଅଧିନାୟକ ବଦଳାଇବାକୁ ଚିନ୍ତା କରୁଥିବା ଜଣାପଡିଛି । ତେବେ ଏହାରି ଭିତରେ ନ୍ୟୁଜିଲାଣ୍ଡ ଗସ୍ତରେ ହାର୍ଦ୍ଦିକଙ୍କୁ ଅଧିନାୟକ ବାଛିବା ଏହାର ଏକ ହିଣ୍ଟ ବୋଲି ଜଣାପଡୁଛି । ଟି-୨୦ ଫର୍ମାଟରେ ବିସିସିଆଇ ହାର୍ଦ୍ଦିକଙ୍କୁ ଦାୟିତ୍ୱ ଦେଇପାରେ ବୋଲି ଚର୍ଚ୍ଚା ହୋଇଛି । ସେପଟେ ବିସିସିଆଇ ଚୟନକର୍ତ୍ତା ଟିମ ଉପରେ ମଧ୍ୟ ଆକ୍ସନ ନେଇଛି । ଚୟନକର୍ତ୍ତା ଟିମର ମୁଖ୍ୟ ଚେତନ ଶର୍ମାଙ୍କ ସହ ସମସ୍ତଙ୍କୁ ବିସିସିଆଇ ବିଦା କରିଦେଇଛି । ଏଥିରୁ ଜଣାପଡୁଛି ଯେ ଟିମର ପୂରା ନବକଳେବର ଲକ୍ଷ୍ୟରେ ରହିଛି ବିସିସିଆଇ ।