ଅନାଥ ପିଲାଙ୍କୁ ପରିଚୟ ଦେଉଛି ସୁନ୍ଦରଗଡ଼ ଜିଲ୍ଲାର ପୋଷ୍ୟସନ୍ତାନ କେନ୍ଦ୍ର ଦିଶା ଓ କାର।। ୫ ବର୍ଷରେ ୨୧ ଶିଶୁଙ୍କୁ କୋଳେଇ ନେଲେଣି ଦମ୍ପତି।
କନକ ବ୍ୟୁରୋ: ଅନାଥ ପିଲାଙ୍କୁ ପରିଚୟ ଦେଉଛି ସୁନ୍ଦରଗଡ଼ ଜିଲ୍ଲାର ପୋଷ୍ୟସନ୍ତାନ କେନ୍ଦ୍ର ଦିଶା ଓ କାରା । ଗତ ୫ ବର୍ଷ ମଧ୍ୟରେ ଏହି ଦୁଇଟି ଅନୁଷ୍ଠାନରୁ ୨୧ ଜଣ ଶିଶୁଙ୍କୁ କୋଳେଇ ନେଇଛନ୍ତି ବିଦେଶୀ ଦମ୍ପତି । ମୋଟ ୧୩୨ ଜଣ ଶିଶୁ ବାପା, ମାଆ ଏବଂ ନୂଆ ପରିବାର ପାଇଛନ୍ତି । ଆଉ ବଦଳିଯାଉଛି ଅନାଥ ଶିଶୁ ଠିକଣା ଓ ପରିବାର । ଇଟାଲୀ, ଆମେରିକା, ସ୍ପେନ, ଫ୍ରାନ୍ସ, ସିଙ୍ଗାପୁର, ଲୁକଜେମବର୍ଗ, ମାଲଟା ଆଦି ଦେଶରୁ ଦମ୍ପତିମାନେ ଆସି ଏଠାରୁ ପିଲାଙ୍କୁ ପୋଷ୍ୟଭାବେ ଗ୍ରହଣ କରିନେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲା ଶିଶୁ ମଙ୍ଗଳ ସମିତି ଅଧ୍ୟକ୍ଷଙ୍କ ସୂଚନା ଅନୁଯାୟୀ ୨୦୧୬ରୁ ୨୦୨୨ ମଧ୍ୟରେ ୧୫୩ ଜଣ ଅନାଥ ଶିଶୁଙ୍କ ଉଦ୍ଧାର କରି ଦିଶା ଓ କାରା ପୋଷ୍ୟସନ୍ତାନ କେନ୍ଦ୍ରରେ ରଖାଯାଇଥିଲା । ଏହି ଦୁଇଟି ସଂସ୍ଥାରେ ଶିଶୁଙ୍କ ଯତ୍ନ ନେବା ପାଇଁ ସ୍ୱତନ୍ତ୍ର ଭାବେ ପ୍ରଶିକ୍ଷିତ ମହିଳା କେୟାରଟେକର ରହିଛନ୍ତି । ପିଲାମାନେ ଅସୁସ୍ଥ ହୋଇପଡିଲେ ସେମାନଙ୍କର ଚିକିତ୍ସା ଏବଂ ଔଷଧ ଦିଆଯାଉଛି । ଶିଶୁଙ୍କ ପାଇଁ ଖେଳନାଠୁ ଆରମ୍ଭ କରି ପୋଷାକପତ୍ର, ପୃଷ୍ଟିକର ଖାଦ୍ୟ ସବୁ ସୁବିଧା ଉପଲବ୍ଧ ଅଛି । ସବୁଠୁ ବଡ କଥା ହେଉଛି ଏହି ସଂସ୍ଥା ଯୋଗୁ ଅନାଥ ପିଲା ନୂଆ ପରିଚୟ ପାଇବା ସହ ନିଜର ଭବିଷ୍ୟତ ଗଢିପାରୁଛି ।