ଗାଡିରେ ଲଗାଇଛନ୍ତି ତ ନୂଆ ନମ୍ବର ପ୍ଲେଟ୍ ? ୨୩ ତାରିଖରୁ ଜୋରଦାର ହେବ ଯାଞ୍ଚ । ଜାଣନ୍ତୁ, ଫାଇନ୍ ଦେବାକୁ କେମିତି ମୁକ୍ତି ପାଇବେ?
କନକ ବ୍ୟୁରୋ: ଏଣିକି ହାଇସିକ୍ୟୁରିଟି ନମ୍ବର ନଥିଲେ ଗଣିବାକୁ ପଡ଼ିବ ଜୋରିମାନା । ଆସନ୍ତା ୨୩ ତାରିଖରୁ ଜୋରଦାର ହେବ ନୂଆ ନମ୍ବର ପ୍ଲେଟ୍ ଯାଞ୍ଚ । ଯାଞ୍ଚ ବେଳେ ଗାଡ଼ିରେ ନୂଆ ନମ୍ବର ପ୍ଲେଟ୍ ନଥିଲେ ଚାଳକଙ୍କଠାରୁ ଜରିମାନା ଆଦାୟ ହେବ । ଏଭଳି ସ୍ଥିତିରେ ଯଦି ଆପଣ ବିନା ନୂଆ ନମ୍ବର ପ୍ଲେଟ୍ ଗାଡ଼ି ଚଳାଉଛନ୍ତି ତେବେ ନମ୍ବର ବଦଳାଇ ନିଅନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ବହୁ ପୁରୁଣା ଗାଡ଼ି ଚଢ଼ୁଛନ୍ତି ଏବଂ ନୂଆ ନମ୍ବର ପ୍ଲେଟ୍ କରି ନାହାଁନ୍ତି ତେବେ ଆଞ୍ଚଳିକ ପରିବହନ କାର୍ଯ୍ୟାଳୟ ଗୁଡ଼ିକୁ ଯୋଗାଯୋଗ କରିପାରିବେ । ଯଦି ଆପଣ ନୂଆ ନମ୍ବର ପ୍ଲେଟ୍ ପାଇଁ ଆବେଦନ କରିଛନ୍ତି କିନ୍ତୁ ନୂଆ ନମ୍ବର ପ୍ଲେଟ୍ ଆସିନାହିଁ, ତେବେ ଆବେଦନ କାଗଜପତ୍ର ଦେଖାଇ ଦଣ୍ଡ ଗଳିବାରୁ ବଞ୍ଚିପାରିବେ ।
ବଡ଼ କଥା ହେଉଛି ରାଜ୍ୟରେ ଏବେ ବି ୪ ଲକ୍ଷ ଗାଡ଼ି ଚାଳକ ନୂଆ ନମ୍ବର ପ୍ଲେଟ୍ କରିନାହାଁନ୍ତି । ତେବେ ପରିବହନ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ଚଳିତବର୍ଷ ଜୁନ ୭ ତାରିଖ ସୁଦ୍ଧା ୪୦ ଲକ୍ଷ ୯୩ ହଜାର ୬୦୮ଟି ମାଲିକ ନୂଆ ନମ୍ବର ପ୍ଲେଟ ପାଇଁ ଆବେଦନ କରଛନ୍ତି, ସେଥିମଧ୍ୟରୁ ୩୫ ଲକ୍ଷ ୭୭ ହଜାର ୫୭୭ ଗାଡ଼ିରେ ହାଇସିକ୍ୟୁରିଟି ନମ୍ବର ପ୍ଲେଟ୍ ଲଗାଯାଇଛି ।
ବଡ଼ କଥା ହେଉଛି, ନିୟମର ଉଲଂଘନ କରୁଥିବା ଚାଳକଙ୍କୁ ଇ-ଚାଲାଣ କଟାଯାଇ, ୫ ହଜାରରୁ ୧୦ ହଜାର ଟଙ୍କା ଯାଏଁ ଜରିମାନା କରାଯିବ । ପ୍ରେସ ନୋଟ୍ ଜରିଆରେ ଏନେଇ ସୂଚନା ଦେଇଛନ୍ତି ସଡ଼କ ସୁରକ୍ଷା ପରିବହନ କମିଶନର । ଫେବ୍ରୁଆରୀ ୨୮ ତାରିଖ ସୁଦ୍ଧା ହାଇସିକ୍ୟୁରିଟି ନମ୍ବର ଲଗାଇବା ପାଇଁ ସମୟ ସୀମା ଧାଯ୍ୟ କରାଯାଇଥିଲା । ଏହା ସତ୍ୱେ ଏବେ ବି ଅନେକ ଗାଡ଼ି ବିନା ହାଇସିକ୍ୟୁରିଟି ନମ୍ବର ପ୍ଲେଟ୍ ଥିବା ଗାଡ଼ି ଚଳାଉଛନ୍ତି । ଏବେ ବି ଲକ୍ଷାଧିକ ଗାଡ଼ିରେ ହାଇସିକ୍ୟୁରିଟି ନମ୍ବର ପ୍ଲେଟ୍ ଲାଗିନଥିବା ଜଣାପଡ଼ିଛି ।