ପୁଣି ବଢିଲା କେଜ୍ରିୱାଲ ସରକାର ପାଇଁ ଅଡୁଆ । ଏହି ମାମଲାରେ ସିବିଆଇ ଯାଂଚ ପାଇଁ ଅନୁମତି ଦେଲେ ଉପ ରାଜ୍ୟପାଳ
କନକ ବ୍ୟୁରୋ : ଦିଲ୍ଲୀ ଉପ ରାଜ୍ୟପାଳ ବିନୟ କୁମାର ସକସେନା କେଜ୍ରିୱାଲ ସରକାରଙ୍କ ବିରୋଧରେ ପୁଣି ଏକ ମାମଲାରେ ସିବିଆଇ ଯାଂଚ ପାଇଁ ଅନୁମତି ଦେଇଛନ୍ତି । ସଦ୍ୟ ସୂଚନା ମୁତାବକ ଦିଲ୍ଲୀ ସରକାର ୧ ହଜାର ଲୋ ଫ୍ଲୋର ସିଏନଜି ବସ କିଣା ମାମଲାରେ ସବିଆଇ ଯାଂଚ ପାଇଁ ଉପ ରାଜ୍ୟପାଳ ଅନୁମତି ଦେିଛନ୍ତି । ଚଳିତ ବର୍ଷ ଜୁନ ମାସରେ ସକସେନାଙ୍କୁ ସମ୍ବୋଧିତ ଏକ ଅଭିଯୋଗରେ ଦାବି କରାଯାଇଥିଲା ଯେ ଦିଲ୍ଲୀ ପରିବହନ ନିଗମ (ଡିଟିସି) ପରିବହନ ମନ୍ତ୍ରୀଙ୍କ ପୂର୍ବ ଯୋଜନାବଦ୍ଧ ଢଙ୍ଗରେ ଟେଣ୍ଡର ଏବଂ ବସ୍ କ୍ରୟ ପାଇଁ ଗଠିତ କମିଟିର ଅଧ୍ୟକ୍ଷ ଭାବେ ନିଯୁକ୍ତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଉପ ରାଜ୍ୟପାଳଙ୍କୁ ଜୂୁନ ୦୯ ତାରିଖରେ ଏକ ଅଭିଯୋଗ ମିଳିଥିଲା । ଯେଉଁଥିରେ କୁହାଯାଇଥିଲା କି, ପରିବହନ ମନ୍ତ୍ରୀଙ୍କ ଯୋଜନାବଦ୍ଧ ଭାବେ ଏହି ବସ୍ ଟେଣ୍ଡରିଂ ଓ କ୍ରୟ କମିଟିର ଅଧ୍ୟକ୍ଷ କରାଯାଇଛି । ଏହି ବସ କିଣାରେ ଦୁର୍ନୀତି କରିବା ଉର୍ଦ୍ଦେଶ୍ୟରେ ଡିଆଇଏମଟିଏସକୁ ନିଲାମୀ ପରିଚାଳନା ପରାମର୍ଶଦାତା ଭାବେ ନିଯୁକ୍ତି କରାଯାଇଥିଲା ଏବଂ ଜୁଲାଇ ୨୦୧୯ ରେ ୧ ହଜାର ସିଏନଜି ବସ କ୍ରୟ ଏବଂ ମାର୍ଚ୍ଚ ୨୦୨୦ ରେ ବାର୍ଷିକ ରକ୍ଷଣା ବେକ୍ଷଣ ଚୁକ୍ତି ପାଇଁ ବିଡ ରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା ।
Delhi LG has approved the proposal of the Chief Secretary to forward to CBI, a complaint received by the LG Secretariat in the matter of gross irregularities/corruption in the procurement of 1000 low-floor buses by the DTC: LG Office
— ANI (@ANI) September 11, 2022
ସେପଟେ ଏଭଳି ଅଭିଯୋଗ ପରେ ସରକାର ବସ୍ କ୍ରୟ ପାଇଁ ହୋଇଥିବା ଟେଣ୍ଡରକୁ ବାତିଲ କରିଥିଲେ । କିନ୍ତୁ ଉପ ରାଜ୍ୟପାଳ ଜୁଲାଇ ୨୨ ରେ ମୁଖ୍ୟ ସଚିବଙ୍କ ନିକଟକୁ ଅଭିଯୋଗ ପଠାଇଥିଲେ । ଏହି ଅଭିଯୋଗର ତଦନ୍ତ କରି ଅଗଷ୍ଟ ୧୯ ତାରିଖରେ ମୁଖ୍ୟ ସଚିବ ରିପୋର୍ଟ ଦେଇଥିଲେ । ଏହି ରିପୋର୍ଟରେ ଟେଣ୍ଡର ପ୍ରକ୍ରିୟାରେ ଗୁରୁତର ଅସଙ୍ଗତି ଦେଖିବାକୁ ମିଳିଥିଲା ବୋଲି ମୁଖ୍ୟ ଶାସନ ସଚିବ ରିପୋର୍ଟ ଦେଇଥିଲେ । ଏସବୁ ପରେ ରାଜ୍ୟପାଳ ସଂପୃକ୍ତ ମାମଲାରେ ସିବିଆଇ ଯାଂଚକୁ ଅନୁମତି ଦେଇଛନ୍ତି ।