କନକ ବ୍ୟୁରୋ: ଜେଲ୍ ଭିତରେ ବେଧଡ଼କ ଚାଲିଥିଲା ଧଳାଜହର ନେଟୱର୍କ । ଗୋଟିଏ ଫୋନ୍ କଲ କରିଦେଲା ସବୁ ପର୍ଦ୍ଦାଫାସ । ପୂରା ଅପରେଟିଂର ମାଷ୍ଟର ମାଇଷ୍ଟ ହେଉଛି ସଂଜୟ ପ୍ରଧାନ ଓରଫ ସଂଜୁ । ସଂଜୁ ଓ ତା’ର ସହଯୋଗୀ ଜେଲ ଭିତରେ ସଜା କାଟିବା ସହ ଚଳାଇଥିଲେ ବ୍ରାଉନସୁଗର ନେଟୱର୍କ । ମାମଲାରେ ଆଉ ୭ ଜଣଙ୍କୁ ଗିରଫ କରିଛି ପୋଲିସ୍ । ଗିରଫଙ୍କ ମଧ୍ୟରେ ଜଣେ ମହିଳା ଅଛନ୍ତି । ଉଠିଲା ପ୍ରଶ୍ନ, ଜେଲରେ ଧଳାଜହରର ସାମ୍ରାଜ୍ୟ ଚାଲିଥିବା କେମିତି ଜାଣିପାରିଲାନି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଖୋର୍ଦ୍ଧା ଜେଲରେ ଥିବା ଏହି ନିଶା ମାଫିଆଙ୍କ ଖବର ବଲିଉଡ ଫିଲ୍ମର କାହାଣୀ ଠାରୁ କୌଣସି ଗୁଣରେ କମ ନୁହେଁ । ଖୋର୍ଦ୍ଧା ଜେଲରୁ ବାହାରୁଥିବା ଏ ବ୍ୟକ୍ତି ହେଉଛନ୍ତି ଦୁର୍ଦ୍ଦାନ୍ତ ନିଶା ମାଫିଆ ସଂଜୟ କୁମାର ପ୍ରଧାନ ଓରଫ ସଂଜୁ । ଆଉ ପଛରେ ସହଯୋଗୀ ମିକି ଓରଫ ମନୋରଞ୍ଜ ସାହୁ । ଏମାନେ ଜେଲ୍ରେ ଥାଇ ବେଧଡ଼କ ଚଳାଉଥିଲେ ଧଳାଜହରର ସାମ୍ରାଜ୍ୟ । କିନ୍ତୁ ଗୋଟିଏ ମୋବାଇଲ ଫୋନ୍ ସବୁ କଳାକାରନାମାର ପର୍ଦ୍ଦାଫାସ କରିଦେଲା । ଜେଲ ଭିତରେ ମୋବାଇଲ ଫୋନରେ ନିଜ ଲୋକଙ୍କୁ ନିର୍ଦ୍ଦେଶ ଦେଉଥିଲେ, ଆଉ ଧଳାଜହର ବେପାର ଚଳାଉଥିଲେ । ମାମଲାରେ ୭ଜଣଙ୍କୁ ଗିରଫ କରିଛି ପୁଲିସ ।
ଘଟଣାରେ ପ୍ରଥମେ ୪ ଜଣଙ୍କୁ ଗିରଫ କରିଥିଲା ପୁଲିସ । ସେମାନଙ୍କୁ ରିମାଣ୍ଡରେ ଆଣି ପଚରାଉଚରା ପରେ ଆଉ ୯ଟି ମୋବାଇଲ ଜବତ ହୋଇଥିଲା । ଜେଲ ଭିତରୁ ବ୍ରାଉନସୁଗାର ମାଫିଆ ସଂଜୁ ଓ ମିକି ମୋବାଇଲରେ ନିର୍ଦ୍ଦେଶ ଦେଇ ବ୍ରାଉନସୁଗାର ନେଟୱର୍କ ଚଳାଉଥିଲେ । ଏଯାଏଁ ସେମାନଙ୍କ ଠାରୁ ୨୦ଟି ମୋବାଇଲ ଜବତ ହୋଇସାରିଛି । ସେପଟେ ଏପରି ଘଟଣାକୁ ନିନ୍ଦା କରିଛନ୍ତି ସ୍ଥାନୀୟ ବୁଦ୍ଧିଜୀବୀ । ଖୋର୍ଦ୍ଧାର ଗୁରୁଜଙ୍ଗ, ଠେଙ୍ଗାହାଟ, ସାମନ୍ତରାପୁର, ଟାଙ୍ଗିସାହି, ପଲା, ଭଲିଆବାଡ଼ି ଆଦି ଅଂଚଳ ବ୍ରାଉନସୁଗାରର ପେଣ୍ଠସ୍ଥଳୀ ପାଲଟିଛି ।
ଏଠି ପ୍ରଶ୍ନ ଉଠୁଛି
– ଜେଲ୍ ଭିତରେ ବ୍ରାଉନ୍ସୁଗାର ନେଟ୍ୱର୍କ ଚାଲିଥିବା କେମିତି ଜାଣିପାରିଲାନି ପୁଲିସ?
– କଡ଼ା ସୁରକ୍ଷା ସତ୍ତେ୍ୱ ଜେଲ୍ ଭିତରକୁ କେମିତି ଗଲା ମୋବାଇଲ?
– ମୋବାଇଲ ଯୋଗାଇବାରେ ଅପରାଧିଙ୍କୁ ଜେଲ୍ର କେହି କର୍ମଚାରୀ ସହଯୋଗ କରୁଥିଲେ କି?