ପୋଲିସର ବର୍ବରତା ବିରୋଧରେ ଉପରାଷ୍ଟ୍ରପତିଙ୍କୁ ଫେରାଦ ହେଲା କଂଗ୍ରେସ। ବିଭିନ୍ନ ରାଜ୍ୟରେ କର୍ମୀଙ୍କ ବିକ୍ଷୋଭ।
କନକ ବ୍ୟୁରୋ : ନ୍ୟାସନାଲ ହେରାଲ୍ଡ ପ୍ରସଙ୍ଗରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଇଡି ପଚରାଉଚରା କରୁଛି । ଏହାକୁ ନେଇ ସାରା ଦେଶରେ କଂଗ୍ରେସର ନେତା ଓ କର୍ମୀ ଜୋରଦାର ପ୍ରଦର୍ଶନ ମଧ୍ୟ କରୁଛନ୍ତି । ଏହି ମାମଲାରେ ପୋଲିସକୁ ନେଇ କଂଗ୍ରେସର ନେତା ଗମ୍ଭୀର ଅଭିଯୋଗ କରିଛନ୍ତି । ତେବେ ଏହି ପ୍ରସଙ୍ଗରେ ଉପରାଷ୍ଟ୍ରପତିଙ୍କୁ ଭେଟିଛନ୍ତି କଂଗ୍ରେସର ବରିଷ୍ଠ ନେତା।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ କହିଛନ୍ତି, ପୋଲିସ ହେପାଜତରେ ଥିବା ସମସ୍ତ କଂଗ୍ରେସ ନେତାଙ୍କୁ ଅସାମ୍ବିଧାନିକ ଭାବେ ରଖାଯାଇଛି । ତାଙ୍କ ବିରୋଧରେ ମାମଲା ନହୋଇ ମଧ୍ୟ ସେମାନେ ପୋଲିସ ହେପାଜତରେ ରହିଛନ୍ତି । ଆମର ଅନେକ ନେତାଙ୍କୁ ଡାକ୍ତରଖାନାକୁ ଯାଇଛନ୍ତି । ଏ ଘଟଣାକୁ ନେଇ ଆମେ ରାଜ୍ୟସଭା ସଭାପତି ତଥା ଉପରାଷ୍ଟ୍ରପତିଙ୍କୁ ଦେଖାକରି ଫେରାଦ ହୋଇଛୁ ବୋଲି ଖଡଗେ ପ୍ରତିକ୍ରିୟା ରଖିଛନ୍ତି ।
We have given our complains to the Hon’ble Chairman of the RS on the manner in which police have attacked us in the last 3 days. They have assaulted MPs, they have detained them without written orders, and denied them food & water.
:Shri @PChidambaram_IN pic.twitter.com/j3icZpTJvf
— Congress (@INCIndia) June 16, 2022
ସେପଟେ ପୂର୍ବତନ କେନ୍ଦ୍ରମନ୍ତ୍ରୀ ପି . ଚିଦମ୍ବରମ କହିଛନ୍ତି, ପୋଲିସ ବିନା ତୌଣସି ଲିଖିତ ଆଦେଶରେ ସାଂସଦଙ୍କୁ ୮ରୁ ୧୨ ଘଣ୍ଟା ହେପାଜତରେ ରଖିଥିଲା । ସେମାନଙ୍କୁ ଖାଦ୍ୟ ଓ ପାଣି ମଧ୍ୟ ଦିଆଯାଇନଥିଲା । ତେବେ ଏନେଇ ସାଂସଦ ମାନେ ପଚାରିବାରୁ ସେମାନଙ୍କୁ ପୋଲିସ ଗିରଫ କରିଥିଲା । ପୋଲିସ ଏନେଇ କୌଣସି ଜବାବ ମଧ୍ୟ ରଖିନଥିଲା । ଏହା ଜଣେ ବ୍ୟକ୍ତିର ସ୍ୱାଧୀନତାର ଉଲ୍ଲଂଘନ ବୋଲି ଚିଦମ୍ବରମ କହିଛନ୍ତି । ଏଥିରେ ମୌଳିକ ଅଧିକାର ମଧ୍ୟ କ୍ଷୁର୍ଣ୍ଣ ହୋଇଛି । ଏନେଇ ଆମେ ରାଜ୍ୟସଭା ସଭାପତିଙ୍କୁ ଲିଖିତ ଅଭିଯୋଗ କରିଛୁ ।