କନକ ବ୍ୟୁରୋ : ଯୁବ କଂଗ୍ରେସର ସମସ୍ତ ବ୍ୟାଙ୍କ ଆକାଉଁଟ ଫ୍ରିଜ ବା ଅସ୍ଥାୟୀଭାବେ ଅଚଳ ହୋଇଛି । ଦେଇପାରୁନୁ ଦରମା, ବିଲ ପୈଠ ମଧ୍ୟ କରିପାରୁନୁ । ୯ଟି ବ୍ୟାଙ୍କ ଆକାଉଂଟ ଫ୍ରିଜ ବା ଅସ୍ଥାୟୀଅଚଳ କରାଯାଇଥିବା କଂଗ୍ରେସର କୋଷାଧ୍ୟକ୍ଷ ଅଜୟ ମାକେନ ଶୁକ୍ରବାର ଅଭିଯୋଗ କରିଥିଲେ । । କଂଗ୍ରେସ କହିଛି, ନିର୍ବାଚନ ତାରିଖ ଘୋଷଣାକୁ ଆଉ ଅଳ୍ପ ଦିନ ବାକି ଅଛି । ଏହା ପୂର୍ବରୁ କେନ୍ଦ୍ର ସରକାର ବ୍ୟାଙ୍କ ଆକାଉଂଟ ଫ୍ରିଜ କରାଇ ପ୍ରତିଶୋଧ ନେଉଛନ୍ତି । ୟୁଥ କଂଗ୍ରେସ ଏବଂ କଂଗ୍ରେସ ଦଳକୁ ୨୧୦ କୋଟି ଟଂକା ରିକୋଭରୀ କରିବାକୁ ଆୟକର ଟିମ୍ କହିଥିବା କଂଗ୍ରେସ ଅଭିଯୋଗ କରିଛି । ଯେଉଁସବୁ ଟଂକା ଏହିସବୁ ଆକାଉଂଟରେ ରହିଛି ତାହା କ୍ରାଉଡ ଫଣ୍ଡିଂ ଜରିଆରେ ସଂଗୃହୀତ ହୋଇଛି ବୋଲି ଅଜୟ ମାକେନ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ କଂଗ୍ରେସ ସାଂସଦ ତଥା ଆଇନଜୀବୀ ବିବେକ ତନଖା ଆୟକର ବିଭାଗର ଟ୍ରିବ୍ୟୁନାଲ ଆଗରେ ପକ୍ଷ ରଖିଥିଲା । ଦଳ ନିଜ ଆକାଉଁଟ ବ୍ୟବହାର କରିପାରିବ ଏନେଇ ଆଇଟି ଟ୍ରିବ୍ୟୁନାଲ ଶୁଣାଣୀ କରି ଅନୁମତି ଦେଇଛନ୍ତି । ଆଗାମୀ ଶୁଣାଣୀ ପର୍ଯ୍ୟନ୍ତି ବ୍ୟାଙ୍କ ଖାତା ଅଚଳ ହେବ ନାହିଁ ବୋଲି ଟ୍ରିବ୍ୟୁନାଲ କହିଛନ୍ତି । ଏହି ମାମଲାର ପରବର୍ତୀ ଶୁଣାଣି ବୁଧବାର ହେବ ।
ସୂଚନା ଅନୁସାରେ କଂଗ୍ରେସର ମୋଟ ୯ଟି ବ୍ୟାଙ୍କ ଆକାଉଁଟର ଅଚଳ ହୋଇଯାଇଥିଲା । ଦଳ କହିଛି ଏହା ଗଣତାନ୍ତ୍ରିକ ପ୍ରକିୟାର ହତ୍ୟା କରାଯାଇଛି । ସେପଟେ ଦିଲ୍ଲିରେ ଜୋରଦାର ପ୍ରଦର୍ଶନ କରିଛି ଯୁବ କଂଗ୍ରେସ । ଆଗାମୀ ଦିନରେ କଂଗ୍ରେସ ଏହାକୁ ବିରୋଧ କରି ରାଜରାସ୍ତାକୁ ଓହ୍ଲାଇବା ନେଇ ଦଳ ପକ୍ଷରୁ ଚେତାବନୀ ଦିଆଯାଇଛି ।