କନକ ବ୍ୟୁରୋ: ଉତରପ୍ରଦେଶରେ ପୁଣି ଆରମ୍ଭ ହେଲା ଯୋଗୀ ରାଜ । ଦ୍ୱିତୀୟ ଥର ପାଇଁ ୟୁପି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ଯୋଗୀ ଆଦିତ୍ୟନାଥ । ଲଖ୍ନୌରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମତେ ୧୨ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ସାମିଲ ହୋଇଛନ୍ତି । ବିଜେପିର ଦିଗଜ୍ଜ ନେତାଙ୍କ ଗହଣରେ ଦ୍ୱିତୀୟ ଥର ୟୁପି ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଯୋଗୀ ଆଦିତ୍ୟନାଥ ।
Kanak News is now on WhatsApp
Join and get latest news updates delivered to you via WhatsApp
ବିଶାଳ ଷ୍ଟାଡିଅମ୍, ଲକ୍ଷାଧିକ ଲୋକ, ୧୨ ଟି ରାଜ୍ୟର ମୁଖ୍ୟମନ୍ତ୍ରୀ, କେନ୍ଦ୍ର ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀ ବିଜେପିର ବରିଷ୍ଠ ନେତା ଓ ପ୍ରଧାନମନ୍ତ୍ରୀ ମୋଦୀଙ୍କ ଉପସ୍ଥିତିରେ ଉତରପ୍ରଦେଶର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ଯୋଗୀ ଆଦିତ୍ୟନାଥ । ଦ୍ୱିତୀୟ ଥର ପାଇଁ ୟୁିପରେ ସରକାର ଗଢିଛନ୍ତି ଯୋଗୀ । ରାଜ୍ୟପାଳ ଆନନ୍ଦିବେନ ପଟେଲ ତାଙ୍କୁ ଶପଥ ପାଠ କରାଇଛନ୍ତି । ଏହାରି ସହିତ ୟୁପିରେ ଆରମ୍ଭ ହୋଇଯାଇଛି ଯୋଗୀ ୨.୦ ସରକାରଙ୍କ କାର୍ଯ୍ୟକାଳ ।
ଉତରପ୍ରଦେଶରେ ଯୋଗୀ ଆଦିତ୍ୟନାଥ ଙ୍କ ଦ୍ୱିତୀୟ ପାଳି ଆରମ୍ଭ ହୋଇଛି । ୟୁପିରେ ପ୍ରଚଣ୍ଡ ବହୁମତ ହାସଲ କରିବାପରେ ପୁଣି ସରକାର ଗଠନ କରିଛି ବିଜେପି । ସେପଟେ ଦ୍ୱିତୀୟ ଥର ମୁଖ୍ୟମନ୍ତ୍ରୀ ରୁପେ ସପଥ ଗ୍ରହଣ କରି ୩୭ ବର୍ଷର ରେକର୍ଡ ଭାଙ୍ଗିଛନ୍ତି ଯୋଗୀ ଆଦିତ୍ୟନାଥ । ମୁଖ୍ୟମନ୍ତ୍ରୀ ଯୋଗୀଙ୍କ ସମେତ ଅନ୍ୟ ୫୨ ଜଣ ବିଧାୟକ ମନ୍ତ୍ରୀ ରୁପେ ସପଥପାଠ କରଛନ୍ତି । ସେହିପରି କେଶବ ପ୍ରସାଦ ମୋର୍ଯ୍ୟ ଓ ବ୍ରଜେଶ ପାଠକ ଉପ ମୁଖ୍ୟମନ୍ତ୍ରୀ ରୁପେ ସପଥ ଗ୍ରହଣ କରିଛନ୍ତି । ଲଖ୍ନୌ ଅଟଳ ବିହାରୀ ବାଜପୈୟୀ ଏକାନା ଷ୍ଟାଡିଅମ୍ରେ ଆୟୋଜିତ ଏହି ଭବ୍ୟ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ସମେତ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ, ୫ ଜଣ ଉପ ମୁଖ୍ୟମନ୍ତ୍ରୀଙ୍କୁ ଦେଖିବାକୁ ମିଳିଛି । ଲକ୍ଷ ଲକ୍ଷ ସାଧାରଣ ଜନତା ମଧ୍ୟ କାର୍ଯ୍ୟକ୍ରମରେ ସାମିଲ ହୋଇଛନ୍ତି ।
ଶୁକ୍ରବାରଠାରୁ ୟୁପିରେ ପୁଣି ଆରମ୍ଭ ହୋଇଛି ଯୋଗୀରାଜ । ୪୯ ବର୍ଷୀୟ ଯୋଗୀ ଆଦିତ୍ୟନାଥ ରାଜ୍ୟର ୩୯ତମ ମୁଖ୍ୟମନ୍ତ୍ରୀ ହୋଇଛନ୍ତି । ୯ ବର୍ଷ ପରେ ଯୋଗୀ ପ୍ରଥମ ଏଭଳି ମୁଖ୍ୟମନ୍ତ୍ରୀ ହୋଇଛନ୍ତି ଯିଏ ବିଧାନସଭା ନିର୍ବାଚନ ଲଢି ମୁଖ୍ୟମନ୍ତ୍ରୀ ହୋଇଛନ୍ତି ।