ଓଡିଶାର ବିକାଶକୁ ଆଗକୁ ନେବ ବିଜେଡିର ମାନିଫେଷ୍ଟୋ । ଛାତ୍ରଛାତ୍ରୀଙ୍କୁ ମାନିଫେଷ୍ଟୋରେ ଖୁସି ଖବର ଦେବେ ମୁଖ୍ୟମନ୍ତ୍ରୀ : ଭିକେ ପାଣ୍ଡିଆନ୍
କନକ ବ୍ୟୁରୋ : ଆସ୍କାରେ ବିଜେଡିର ପ୍ରଚାର । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଆଜି ଗଞ୍ଜାମ ଜିଲ୍ଲାର ଆସ୍କା ନିର୍ବାଚନମଣ୍ଡଳୀରେ ପ୍ରଚାର କରିଛନ୍ତି । ତାଙ୍କ ସହ ୫ଟି ଅଧ୍ୟକ୍ଷ ତଥା ବିଜେଡି ନେତା ଭିକେ ପାଣ୍ଡିଆନ୍ ମଧ୍ୟ ଆସ୍କାରେ ବିଜେଡି ପ୍ରାର୍ଥୀଙ୍କ ପାଇଁ ଭୋଟ୍ ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆସ୍କାରେ ଜନସଭାକୁ ସମ୍ବୋଧିତ କରି ନବୀନ, ବିରୋଧୀଙ୍କୁ ଟାର୍ଗେଟ କରିଥିବାବେଳେ, ବିରୋଧୀମାନେ ମିଛ କଥା କହୁଛନ୍ତି ଏବଂ କୁମ୍ଭୀର କାନ୍ଦଣା କାନ୍ଦୁଛନ୍ତି ବୋଲି କହିଥିଲେ । ଏହାପରେ ଭିକେ ପାଣ୍ଡିଆନ୍ କହିଥିଲେ, ଆଜି ସନ୍ଧ୍ୟାରେ ବିଜେଡିର ମାନିଫେଷ୍ଟୋ ଆସିବ । ଓଡିଶାର ବିକାଶକୁ ଆଗେଇ ନେବ ଏହି ମାନିଫେଷ୍ଟୋ, ଓଡିଶାକୁ ସଶକ୍ତ କରିବ ଏହି ମାନିଫେଷ୍ଟୋ । ଓଡିଶାର ଯୁବପୀଢିଙ୍କ ଭବିଷ୍ୟତ ଉଜ୍ଜଳ କରିବା ସହିତ କଲେଜର +୩ ପିଲାମାନେ,ପିଜି ପିଲାମାନେ, ଡିପ୍ଲୋମା ପିଲାମାନଙ୍କୁ ଆଜି ମୁଖ୍ୟମନ୍ତ୍ରୀ ବହୁତ ବଡ ଖୁସି ଖବର ଦେବେ ବୋଲି ପାଣ୍ଡିଆନ୍ କହିଥିଲେ । ଖାଲି ସେତିକି ନୁହେଁ, ଓଡିଶାବାସୀ ମଧ୍ୟ ବିଜେଡିର ମାନିଫେଷ୍ଟୋ ଦେଖି ଖୁସି ହେବେ । ଛାତ୍ରଛାତ୍ରୀମାନେ ମଧ୍ୟ ଖୁସି ହେବେ ବୋଲି ସେ କହିଛନ୍ତି ।
ଏଥିସହିତ ସେ କହିଥିଲେ, ଆସ୍କା ମାଟିକୁ ମୋର ମୁଣ୍ଡିଆ, ମୋର ପ୍ରଣାମ । କାହିଁକି ନା, ଜଣେ ମହାନ ଜନନାୟକଙ୍କ ରାଜନୈତିକ ଯାତ୍ରା ଏହି ମାଟିରୁ ଆରମ୍ଭ ହେଇଛି । ସେହି ମହାନ ଜନନାୟକ ହେଉଛନ୍ତି ନବୀନ ପଟ୍ଟନାୟକ । ଦେଶର ଅନେକ ରାଜନୈତିକ ଦଳ ଅଛି, ବଡ ବଡ ନ୍ୟାସନାଲ ପାର୍ଟି ଅଛନ୍ତି । ସମସ୍ତେ କୁହନ୍ତି ଆମେ ମହିଳାଙ୍କୁ ସଶକ୍ତ କରିବୁ, ମହିଳାଙ୍କୁ ଆଗକୁ ନେବୁ । କିନ୍ତୁ ଏଇ ମାଟିରୁ ରାଜନୈତିକ ଯାତ୍ରା ଆରମ୍ଭ କରିଥିବା ନବୀନ ବାବୁ ଯାହା କୁହନ୍ତି, ତାହା କରିକି ଦେଖାନ୍ତି ।
କିଛି ଦିନ ତଳେ କଂଗ୍ରେସ ତାଙ୍କର ମାନିଫେଷ୍ଟୋ ଦେଲେ, ହେଲେ ତାଙ୍କ ନିଜ ଦଳ ବି ତାକୁ ବିଶ୍ୱାସ କରୁନାହାଁନ୍ତି । ବିଜେପି ବି ୨୦୧୪ ମାନିଫେଷ୍ଟୋରେ ସବୁ ଦାମ କମେଇବାକୁ କହିଲେ । ୨୦୧୯ରେ ବି ସେଇ ମିଛ କଥା କହିଲେ । ଏଥର ବି ସେମାନେ ମିଛ ମାନିଫେଷ୍ଟୋ ତିଆରି କରିଛନ୍ତି । ତେଣୁ ତାଙ୍କୁ ପୂର୍ବରୁ ଯେଉଁ ରେଜଲ୍ଟ ମିଳିଥିଲା, ତାଠୁ କମ୍ ମିଳିବ ବୋଲି ପାଣ୍ଡିଆନ୍ କହିଛନ୍ତି ।