କର୍ମଚାରୀଙ୍କୁ ଦୀପାବଳି ଉପହାରରେ ମିଳିଳା କାର, ବାଇକ। ଚେନ୍ନାଇର ବ୍ୟବସାୟୀ କର୍ମଚାରୀଙ୍କୁ କଲେ ଖୁସି।
କନକ ବ୍ୟୁରୋ: ଆଉ କିଛି ଦିନ ପରେ ଦୀପାବଳି । ସାରା ଦେଶରେ ଏବେଠୁ ଖୁସିର ମାହୋଲ । ଅନେକ କମ୍ପାନୀ ଦୀପାବଳି ଅବସରରେ କିଏ କର୍ମଚାରୀଙ୍କୁ ବୋନସ ଦେଉଛନ୍ତି ତ କିଏ ଉପହାର ଦେଉଛନ୍ତି । ତେବେ ନିକଟରେ ଚେନ୍ନାଇରେ ଜଣେ ବ୍ୟବସାୟୀ ନିଜ କର୍ମଚାରୀଙ୍କୁ ଏଭଳି ଉପହାର ଦେଇଛନ୍ତି ଯାହା ସେମାନଙ୍କୁ ଆଉ ତାଙ୍କ ପରିବାରକୁ ଖୁସି କରିଦେଇଛି । ପାଖାପାଖି ୧.୨ କୋଟି ଟଙ୍କାର ଉପହାର ନିଜ କର୍ମଚାରୀଙ୍କ ମଧ୍ୟରେ ବ୍ୟବସାୟୀ ଜଣଙ୍କ ବଣ୍ଟନ କରିଛନ୍ତି । ବ୍ୟବସାୟୀ ଜୟନ୍ତୀ ଲାଲ ଚାୟନ୍ତୀ କର୍ମଚାରୀଙ୍କୁ ୮ଟି କାର ଏବଂ ୧୨ଟି ମୋଟର ସାଇକେଲ ପ୍ରଦାନ କରିଛନ୍ତି । ଏହି ଉପହାର ମିଳିବା ପରେ କର୍ମଚାରୀ ଖୁସି ଥିବା ବେଳେ ସେ ମଧ୍ୟ ଖୁସି ଥିବା ପ୍ରତିକ୍ରିୟା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜୟନ୍ତୀ କହିଥିଲେ, ମୋ କର୍ମଚାରୀ ମୋର ଖରାପ ଏବଂ ଭଲ ଉଭୟ ସମୟରେ ମୋ ସହ ଛିଡା ହୋଇଥିଲେ । ସେମାନଙ୍କ ପରିବାର ସଦସ୍ୟ ମଧ୍ୟ ମୋ ସହ ଛିଡା ହୋଇଥିଲେ ତେଣୁ ଏହା ସେମାନଙ୍କ ପାଇଁ ମୋର ଛୋଟ ଉପହାର । ଏହା କରିବା ଦ୍ୱାରା ସେମାନଙ୍କୁ କାମ କରିବାକୁ ଛୋଟ ପ୍ରେରଣା ମିଳିବ । ସେମାନେ କେବଳ ମୋ ପାଇଁ କର୍ମଚାରୀ ନୁହନ୍ତି ସେମାନେ ମୋ ପରିବାର ସଦସ୍ୟ । ତେଣୁ ପରିବାର ସଦସ୍ୟ ହିସାବରେ ତାଙ୍କ ପାଇଁ ଏହି ଛୋଟ ଉପହାର ଥିଲା । ସମସ୍ତେ ଏହିଭଳି କରିବା ଦରକାର ଯାହା କର୍ମଚାରୀଙ୍କୁ ଉତ୍ସାହିତ କରିବ ।
