ଲୋକସଭାରେ ବିରୋଧୀଙ୍କ ଉପରେ ବର୍ଷିଲେ ପ୍ରଧାନମନ୍ତ୍ରୀ, ବିରୋଧୀଙ୍କ ଏକତା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟକୁ ଦେଲେ ଧନ୍ୟବାଦ
କନକ ବ୍ୟୁରୋ : ଆଦାନୀ ପ୍ରସଙ୍ଗରେ ବିରୋଧୀଙ୍କ ହଟ୍ଟଗୋଳ, ଖଡଗେ ଓ ରାହୁଲ ଗାନ୍ଧୀଙ୍କ ପ୍ରଧାନମନ୍ତ୍ରୀଙ୍କ ଟାର୍ଗେଟ୍ ପରେ ଏବେ ପ୍ରଧାନମନ୍ତ୍ରୀ ତାଙ୍କ ସମ୍ବୋଧନରେ ବିରୋଧୀଙ୍କ ଉପରେ ବର୍ଷିଛନ୍ତି । ରାଷ୍ଟ୍ରପତିଙ୍କ ଅବିଭାଷଣ ଉପରେ ଚର୍ଚ୍ଚାର ଜବାବ ଦେବାକୁ ଯାଇ ପ୍ରଧାନମନ୍ତ୍ରୀ କହିଛନ୍ତି ଯେ ରାଷ୍ଟ୍ରପତି ମହୋଦୟା ଆଦିବାସୀ ସମାଜ ପାଇଁ ଗୌରବ ବଢାଇଛନ୍ତି । ଏହାପରେ ସେ ସିଧାସଳଖ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି କି ଏଠାରେ କିଛି ଲୋକ ନିଜ କଥା କହିବାକୁ ଆସୁଛନ୍ତି । ହେଲେ ଏଠାରେ ସମସ୍ତଙ୍କ କଥା ଶୁଣାଯାଏ ଓ ସମସ୍ତଙ୍କ ପାଇଁ କୁହାଯାଏ । ଏହାସହ ସେ ବିରୋଧୀଙ୍କ ଉର୍ଦ୍ଦେଶ୍ୟରେ କହିଛନ୍ତି କି କିଛି ଲୋକଙ୍କ ଭାଷଣ ସରିବା ପରେ ଆଉ କିଛି ଲୋକ ଉଲ୍ଲୋସିତ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସେ ଦୁର୍ନୀତିକୁ ନେଇ କହିଛନ୍ତି କି ସରକାରୀ ଯୋଜନାରେ ହେଉଥିବା ଦୁର୍ନୀତିରୁ ଏବେ ଲୋକ ମୁକ୍ତି ଚାହୁଁଛନ୍ତି । ଏହାକୁ ବିଜେପି ସରକାର କରି ଦେଖାଉଛି ବୋଲି ସେ ଦାବି କରିଛନ୍ତି । ସରକାରୀ ଯୋଜନା ଏବେ ପକ୍ଷଘାତ ରୋଗରୁ ମୁକ୍ତି ପାଇବାକୁ ଯାଉଛି ।
ସେପଟେ ବୈଶ୍ୱିକ ସ୍ଥିତିକୁ ନେଇ ପ୍ରଧାନମନ୍ତ୍ରୀ କହିଛନ୍ତି ଯେ, ସାରା ବିଶ୍ୱ ଏବେ ଯୁଦ୍ଧଗୃହରେ ବାଣ୍ଟି ହୋଇଛି । ଏଭଳି ସ୍ଥିତିରେ ଆମେ ଦେଶକୁ ଯେଭଳି ଭାବେ ସମ୍ଭାଳିଛୁ ତାହାଦ୍ୱାରା ଦେଶବାସୀଙ୍କର ଆତ୍ମବିଶ୍ୱାସ ବୃଦ୍ଧି ପାଇଛି ।
ସେହିଭଳି କରୋନା ମହାମାରୀ ବାବଦରେବି ସଂସଦରେ ଅବଗତ କରାଇଛନ୍ତି ପ୍ରଧାନମନ୍ତ୍ରୀ ମୋଦୀ । ସେ କହିଛନ୍ତି କି, କରୋନା ମହାମାରୀ ସମୟରେ ଭାରତ ବିଶ୍ୱର ୧୫୦ଟି ଦେଶକୁ ଔଷଧ ଓ ଟିକା ସହାୟତା କରିଛି । ଏହି କାରଣରୁ ଆଜି ଆନ୍ତର୍ଜାତୀୟ ମଞ୍ଚରେ ଅନେକ ଦେଶ ଖୋଲାମନରେ ଭାରତକୁ ଧନ୍ୟବାଦ ଦେଉଛନ୍ତି ।
ସେପଟେ ବିରୋଧୀମାନଙ୍କ ଏକତା ପଛରେ ଇଡି ବା ପ୍ରବର୍ତ୍ତନ ନିର୍ଦ୍ଦେଶାଳୟର ହାତ ଅଛି ବୋଲି ପ୍ରଧାନମନ୍ତ୍ରୀ କଟାକ୍ଷ କରିଛନ୍ତି । ସେ କହିଛନ୍ତି ଯେ ନିର୍ବାଚନ ମାହୋଲ ବିରୋଧୀଙ୍କ ଏକାଠି କରିପାରି ନଥିବା ବେଳେ ଇଡି ସମସ୍ତ ବିରୋଧୀଦଳଙ୍କୁ ଏକାଠି କରିଛି । ଏହି କାରଣରୁ ସେ ଇଡିକୁ ଧନ୍ୟବାଦ ଦେଇଛନ୍ତି ।