ବାବୁଙ୍କ ପାଖରେ ବିପିଏଲ୍ କାର୍ଡ: ଚଞ୍ଚକତା କରି ବିପିଏଲ୍ କାର୍ଡ ହାତେଇ ରିହାତି ଦରରେ ପଟା ହାତେଇଛନ୍ତି ସହକାରୀ ଜିଲ୍ଲାପାଳ
କନକ ବ୍ୟୁରୋ: ସହକାରୀ ଜିଲ୍ଲାପାଳଙ୍କ ପତ୍ନୀଙ୍କ ନାଁରେ ବିପିଏଲ କାର୍ଡ । ଚଂଚକତା କରି ବିପିଏଲ କାର୍ଡ ହାତେଇ ବସ୍ତି ମିଶନ ଯୋଜନାରେ ରିହାତି ଦରରେ ପଟ୍ଟା ହାତେଇ ଥିବା ଅଭିଯୋଗ । ମାଲକାନଗିରି ଜିଲ୍ଲାପାଳଙ୍କ କାର୍ଯ୍ୟାଳୟରେ ଜରୁରୀକାଳିନ ଅଧିକାରୀ ଭାବେ କାର୍ଯ୍ୟରତ ଲଳିତ କୁମାର ମଣ୍ଡଳଙ୍କ ନାଁରେ ଆସିଛି ଏପରି ସାଂଘାତିକ ଅଭିଯୋଗ । ସହରାଂଚଳରେ ବସବାସ କରୁଥିବା ବସ୍ତିବାସିନ୍ଦାଙ୍କୁ ଥଇଥାନ କରିବା ଲାଗି ରାଜ୍ୟ ସରକାର ୧ରୁ ୪ ଡେସିମିଲ ଜାଗା ପ୍ରଦାନ କରିବା ଲାଗି ଜାଗା ମିଶନ ଯୋଜନାରେ ବ୍ୟବସ୍ଥା ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିପିଏଲ ଶ୍ରେଣୀର ଲୋକଙ୍କୁ ରିହାତି ଦରରେ ଜମି ଯୋଗାଇ ଦିଆଯାଉ ଥିବା ବେଳେ ଏପିଏଲ ବର୍ଗର ଲୋକଙ୍କୁ ଏଥିପାଇଁ ପ୍ରତି ଡେସିମିଲ ପିଛା ଅର୍ଥ ପୈଠ କରିବାକୁ ପଡେ । ତେବେ ପ୍ରାୟ ୫୦ ହଜାର ଖଜଣା ଟଙ୍କାକୁ ଫାଙ୍କିବା ପାଇଁ ଲଳିତ ମଣ୍ଡଳ ତାଙ୍କ ପତ୍ନୀ ବିନତୀ ରାଣି ମଣ୍ଡଳଙ୍କ ନାଁ ମାଲକାନଗିରି ପୌରପରିଷଦରେ ବିପିଏଲ କାର୍ଡ ପ୍ରସ୍ତୁତ କରାଯାଇଥିବା ଅଭିଯୋଗ ହୋଇଛି । ତେବେ ଶ୍ରୀ ଲଳିତ ମଣ୍ଡଳ ପୂର୍ବରୁ ଜିଲ୍ଲା ବାହାରେ ଚାକିରି କରୁଥିଲେ । କେବେ ତାଙ୍କ ପତ୍ନୀଙ୍କ ନାଁରେ ବିପିଏଲ କାର୍ଡ ପ୍ରସ୍ତୁତ ହୋଇଛି, ସେ ସମ୍ପର୍କରେ ଅବଗତ ନ ଥିବା କହିଛନ୍ତି ସହକାରୀ ଜିଲ୍ଲାପାଳ ଲଳିତ ମଣ୍ଡଳ ।