ଗୋଟିଏ ସ୍ଥାନରେ ଲାଗିଛି ୩ଟି ସୂଚନା ଫଳକ । ଲୋକଙ୍କୁ ବିଭ୍ରାନ୍ତ କରୁଛି ସୁନ୍ଦରଗଡ ଲେଫ୍ରିପଡା ପୋଡମୁଣ୍ଡି ଛକରେ ଲାଗିଥିବା ସାଇନ୍ ବୋର୍ଡ ।
କନକବ୍ୟୁରୋ: ଓଡିଆରେ ଲେଖା ଯାଇଥିବା ସୂଚନା ଅନୁସାରେ ଯିବେ ନା ଇଂରାଜୀରେ ଲେଖ।।ଯାଇଥିବା ସୂଚନା ଆଧାରରେ ଯିବେ ? ଓଡିଆ, ଇଂରାଜୀରେ ମିଶିକି ଗଲେ ରାସ୍ତା ଆହୁରି କମ୍ ପଡିବ । ଆପଣ ମଧ୍ୟ ଚିନ୍ତା କରୁଥିବେ ଆମେ ଏହିଭଳି ଭ୍ରମାତ୍ମକ କଥା କହୁଛୁ କାହିଁକି ? ହେଲେ ଆଜ୍ଞା ଆମେ ବୁଲାବଙ୍କା କଥା କହୁନାହୁଁ , ଏକଥା ନିଜେ ପ୍ରଶାସନ କହୁଛି । ଘଟଣା କିଛି ଏହିଭଳି ହୋଇଛି । ରାସ୍ତା ଲାଗିଥିବା ଦୁଇଟି ଫଳକେ ଭିନ୍ନଭିନ୍ନ ଦୂରତା ଲେଖା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡରୁ ସର୍ଗିପାଲି ହୋଇ ଆପଣ ଯଦି ପୋଡଶୀ ଜିଲ୍ଲା ଝାରସୁଗୁଡାକୁ ଯିବା ପାଇଁ ଚାହୁଁଛନ୍ତି ତାହା ହେଲେ ଆପଣଙ୍କୁ ପୋଡମୁଣ୍ଡି ଛକରୁ ବାମପଟୁ କଟି କି ଯିବା ପାଇଁ ପଡିବ । ଆଉ ଏଠି ଲୋକଙ୍କୁ ମାଇଲ ଖୁଣ୍ଟଜରିଆରେ କିଲୋମିଟର ଜଣାଇବା ପାଇଁ ପୂର୍ତ ବିଭାଗ ତରଫରୁ ବଡ ବଡ ବୋର୍ଡ ମଧ୍ୟ ଲାଗିଛି । ଲୋକଙ୍କ ପାଇଁ ତିନୋଟି ବୋର୍ଡ ଲଗାଇଛି । ଓଡିଆ, ଇଂରାଜୀ ଏବଂ ଏକ ବଡ ମାଇଲଖୁଂଟରେ ଉଭୟ ଓଡିଆ ଓ ଇଂରାଜୀରେ ରାସ୍ତାର ଦୂରତା ସଂପର୍କରେ ଉଲ୍ଲେଖ ରହିଛି । ତିନୋଟି ବୋର୍ଡରେ ଗୋଟିଏ ସ୍ଥାନର ଦୂରତା ଭିନ୍ନ ଭିନ୍ନ କିଲୋମିଟର ଲେଖା ହୋଇଛି ।