କନକ ବ୍ୟୁରୋ: ସଙ୍କଟରେ ପଡିଯାଇଥିବା ବିଟ୍ରେନର ପ୍ରଧାନମନ୍ତ୍ରୀ ବୋରିସ ଜନସନ ଆଜି ପଦବୀରୁ ଇସ୍ତଫା ଦେବେ ବୋଲି ଘୋଷଣା କରିଛନ୍ତି । ସରକାରରେ ୩ କ୍ୟାବିନେଟ୍ ମନ୍ତ୍ରୀଙ୍କ ସମେତ ୫୦ ଜଣ ସାଂସଦ ଇସ୍ତଫା ଦେବା ପରେ ଶେଷରେ ପଦବୀ ଛାଡିବାକୁ ବାଧ୍ୟ ହୋଇଛନ୍ତି ଇଂଲଣ୍ଡର ପ୍ରଧାନମନ୍ତ୍ରୀ । ହେଲେ ସେ ଆସନ୍ତା ଅକ୍ଟୋବର ମାସ ପର୍ଯ୍ୟନ୍ତ କାମଚଳା ପ୍ରଧାନମନ୍ତ୍ରୀ ପଦ ସମ୍ଭାଳିବେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଇଂଲଣ୍ଡର ଲେବର ପାର୍ଟିର ମୁଖ୍ୟ ପଦବୀରୁ ଇସ୍ତଫା ଦେବାକୁ ଘୋଷଣା କରି ବୋରିସ କହିଛନ୍ତି ଦଳର ସଂସଦୀୟ ବୋର୍ଡ ନୂଆ ପ୍ରଧାନମନ୍ତ୍ରୀ କିଏ ହେବ ସେନେଇ ନିଷ୍ପତି ନେବ । ଏବଂ ନୂଆ ପ୍ରଧାନମନ୍ତ୍ରୀ ଚୟନ ହେବା ପର୍ଯ୍ୟନ୍ତ ସେ ପଦବୀରେ ରହିବେ ବୋଲି କହିଛନ୍ତି । ତେବେ ବୋରିସଙ୍କ ଇସ୍ତଫା ପରେ କିଏ ନୂଆ ପ୍ରଧାନମନ୍ତ୍ରୀ ହେବ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏବେ ବୋରିସ୍ ସରକାରରେ ମନ୍ତ୍ରୀ ଥିବା ଇରାକ ବଂଶୋଦ୍ଭବ ନଦୀମ ଯାହାୱୀ ଇଂଲଣ୍ଡର ନୂଆ ପ୍ରଧାନମନ୍ତ୍ରୀ ହେବେ ବୋଲି କୁହାଯାଉଛି ।
କାହିଁକି ଇସ୍ତଫା ଦେଲେ ବୋରିସ୍ ?
୨୦୧୯ରେ ବହୁମତରେ ସରକାର ଗଢିଥିବା ବୋରିସ ଜନସନ୍ ତାଙ୍କ ସରକାରର ଡେପୁଟି ଚିଫ୍ ହ୍ୱିପ୍ ପଦର ନିଯୁକ୍ତିକୁ ନେଇ ତାଙ୍କୁ ବିରୋଧର ସାମ୍ନା କରିବାକୁ ପଡିଥିଲା । ଏହି ପଦରେ କ୍ରିସ୍ ପେଞ୍ଚରଙ୍କୁ ନିଯୁକ୍ତି ଦେଇଥିଲେ ବୋରିସ୍ । ହେଲେ ପେଞ୍ଚରଙ୍କ ବିରୋଧରେ ପୂର୍ବରୁ ଅନେକ ଅପରାଧିକ ମାମଲା ରହିଥିବାରୁ ନିଯୁକ୍ତିକୁ ବିରୋଧ କରି ମନ୍ତ୍ରୀମଣ୍ଡଳରୁ ଗୋଟିଏ ପରେ ଗୋଟିଏ ମନ୍ତ୍ରୀ ଇସ୍ତଫା ଦେଇଥିଲେ । ଯାହାକୁ ନେଇ ବୋରିସ ଜନସନ୍ ନିଜ ପଦରୁ ଇସ୍ତଫା ଦେବାକୁ ବାଦ୍ଧ ହୋଇଛନ୍ତି ।
ଏପଟେ ବ୍ରିଟେନରେ ଚାଲିଥିବା ରାଜନୈତିକ ଅସ୍ଥିରତା ଉପରେ ଭାର୍ତ ନଜର ରଖିଥିବା କହିଛନ୍ତି ଭାରତର ବୈଦେଶକ ମୁଖପାତ୍ର ଅରିନ୍ଦମ ବାଗଚୀ । ଏହା ସେମାନଙ୍କ ଆଭ୍ୟନ୍ତରୀଣ ସମସ୍ୟା । ଭାରତ-ୟୁକେ ମଧ୍ୟରେ ଭଲ ବନ୍ଧୁତା ଅଛି, ଯାହା ଆଗାମୀ ଦିନରେ ଜାରି ରହିବ ବୋଲି ଆଶାବ୍ୟକ୍ତ କରିଛନ୍ତି ବୈଦେଶକ ମୁଖପାତ୍ର । ତେବେ ବୋରିସଙ୍କ ଇସ୍ତଫା ପରେ ୟୁକେର ବିରୋଧୀ ଦଳ ନେତା କେର ଷ୍ଟର୍ନର ଖୁସି ବ୍ୟକ୍ତ କରିଛନ୍ତି । ପ୍ରଧାନମନ୍ତ୍ରୀ ନୁହେଁ ପୁରା ସରକାର ବଦଳିବା ଦରକାର ବୋଲି ସେ କହିଛନ୍ତି ।