ଝାରସୁଗୁଡ଼ା ଉପନିର୍ବାଚନରେ ବିପୁଳ ବିଜୟ ପରେ ଉତ୍ସବ ମନାଇଲା ବିଜେଡି । ଶଙ୍ଖ ଭବନରେ ନେତା ଓ କର୍ମୀଙ୍କ ସହ ସାମିଲ ହେଲେ ମୁଖ୍ୟମନ୍ତ୍ରୀ ।
କନକ ବ୍ୟୁରୋ: ଝାରସୁଗୁଡା ଉପନିର୍ବାଚନରେ ଐତିହାସିକ ବାଜିମାତ୍ ପରେ ବିଜୟ ଉତ୍ସବ ପାଳନ କରିଛି ବିଜୁ ଜନତା ଦଳ । ଭୁବନେଶ୍ୱର ସ୍ଥିତ ଦଳର ମୁଖ୍ୟ କାର୍ଯ୍ୟାଳୟ ଶଙ୍ଖଭବନରେ ବିଜୟ ଉତ୍ସବ ପାଳନ କରାଯାଇଛି । ଜୟ ଜୟକାର ନାନାରେ ମୁଖରିତ ହୋଇଥିଲା ଆଖପାଖ ଅଞ୍ଚଳ । ଦଳର ସୁପ୍ରିମୋ ନବୀନ ପଟ୍ଟନାୟକ ଶଙ୍ଖ ଭବନକୁ ଆସି ଦଳୀୟ କର୍ମୀଙ୍କ ଉତ୍ସାହ ବଢାଇଛନ୍ତି । ବିଜେଡି ସୁପ୍ରିମୋ ନବୀନ ନିବାସରୁ ଆସି ପ୍ରଥମେ ଶଙ୍ଖଭବନ ପରିସରରେ ଥିବା ଗଣେଶଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରି ପୂଜା କରିଥିଲେ । ଏହାପରେ କାର୍ଯ୍ୟାଳୟରେ ଥିବା କନଫରେନ୍ସ ହଲରେ ପହଞ୍ଚି ବିଜୁପଟ୍ଟନାୟକଙ୍କ ଫଟୋଚିତ୍ରରେ ଶ୍ରଦ୍ଧାସୁମନ ଅର୍ପଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶଙ୍ଖଭବନରେ ଆୟୋଜିତ ବିଜୟ ଉତ୍ସବକୁ ସମ୍ବୋଧିତ କରି ନବୀନ କହିଛନ୍ତି, ଏହି ବିଜୟ ଝାରସୁଗୁଡାବାସୀଙ୍କର ବିଜୟ, ମହିଳା ଶକ୍ତିର ବିଜୟ । ଏଥିପାଇଁ ଝାରସୁଗୁଡା ବାସୀଙ୍କ ନିକଟରେ ବିଜେଡି ଋଣୀ । ଦଳର ଲକ୍ଷ ଲକ୍ଷ କର୍ମୀ ଭାଇ ଓ ଭଉଣୀଙ୍କୁ ବିଜୟ ପାଇଁ ଧନ୍ୟବାଦ ଜଣାଇଛନ୍ତି ବିଜେଡି ମୁଖିଆ । ଝାରସୁଗୁଡା ପାଇଁ ନବ ବାବୁ ଆରମ୍ଭ କରିଥିବା ବିକାଶର ଧାରାକୁ ଆହୁରି ଆଗକୁ ନିଆଯିବ । ଝାରସୁଗୁଡା ଅଞ୍ଚଳର ଉନ୍ନତି ପାଇଁ ବିଜୁ ଜନତା ଦଳ , ତାର ଉଦ୍ୟମକୁ ଆହୁରି ଜୋରଦାର କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଏଥିସହ ବିରୋଧୀଙ୍କୁ ଟାର୍ଗେଟ କରି କହିଛନ୍ତି, ପଦ୍ମପୁର ଉପନିର୍ବାଚନ ଓ ଝାରସୁଗୁଡା ଉପନିର୍ବାଚନରେ ଆମ ଦଳର ମା ମାନଙ୍କୁ ଅସମ୍ମାନ କରିଛନ୍ତି । ମହିଳାଙ୍କ ସଶକ୍ତୀକରଣ କରିବାକୁ ବିଜୁ ଜନତା ଦଳ ଉଦ୍ୟମ କରୁଥିବା ବେଳେ ବିରୋଧୀ ସବୁବେଳେ ମହିଳାଙ୍କ ସଶକ୍ତିକରଣ ବିରୋଧ କରିଆସୁଛନ୍ତି । ଏହା ଏକ ବିପଦଜନକ ଟ୍ରେଣ୍ଡ ବୋଲି କହିଛନ୍ତି ମୁଖ୍ୟମନ୍ତ୍ରୀ । ସେପଟେ ଝାରସୁଗୁଡା ଉପନିର୍ବାଚନରେ ବିଜୟୀ ପ୍ରାର୍ଥୀ ଦୀପାଳି ଦାସ ଭିଡିଓ କନଫରେନ୍ସିଂରେ ସାମିଲ ହୋଇଥିଲେ ।
#ବିଜୟ_ଝାରସୁଗୁଡାବାସୀଙ୍କର#ମହିଳା_ଶକ୍ତିର_ବିଜୟ
ଝାରସୁଗୁଡା ଉପନିର୍ବାଚନରେ ବିଜୟ ଝାରସୁଗୁଡାବାସୀଙ୍କର । ଏହି ବିଜୟ ମହିଳା ଶକ୍ତିଙ୍କର ବିଜୟ । ମୁଁ ଆଉ ମୋ ଦଳ ଏଥିପାଇଁ ସମସ୍ତଙ୍କ ନିକଟରେ ଋଣୀ । #JharsugudaByElection #NaveenPatnaik #BJD #KanakNews pic.twitter.com/hKXVovUe5B— Kanak News (@kanak_news) May 13, 2023