ମମତା ସରକାରକୁ ବଡ ଝଟକା, ୩୬ ହଜାର ଶିକ୍ଷକଙ୍କ ନିଯୁକ୍ତିକୁ ବେଆଇନ କହିଲେ ହାଇକୋର୍ଟ
କନକ ବ୍ୟୁରୋ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ବଡ ଝଟକା ଲାଗିଛି । କୋଲକତା ହାଇକୋର୍ଟ ତରଫରୁ ରାଜ୍ୟ ସରକାରଙ୍କ ଦ୍ୱାରା ଦିଆଯାଇଥିବା ୩୬ ହଜାର ଶିକ୍ଷକ ନିଯୁକ୍ତିକୁ ବେଆଇନ ବୋଲି କହିଛନ୍ତି । କୋର୍ଟଙ୍କ ଏହି ରାୟ ପରେ ମମତା ବାନାର୍ଜୀ ଏହି ରାୟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିବେ ବୋଲି ପ୍ରତିକ୍ରିୟା ରଖିଛନ୍ତି । ଏହାସହ ଚାକିରି ହରାଇଥିବା ଶିକ୍ଷକମାନଙ୍କୁ ଆଶ୍ୱାସନା ଦେଇ ରାଜ୍ୟ ସରକାର ସେମାନଙ୍କ ସହିତ ଅଛନ୍ତି ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ଅଭିଯୋଗ କରିଛନ୍ତି କି, ରାଜ୍ୟ ସରକାର କର୍ମଚାରୀଙ୍କ ମହଙ୍ଗା ଭତ୍ତା କେନ୍ଦ୍ର କର୍ମଚାରୀଙ୍କ ମହଙ୍ଗା ଭତ୍ତା ସହ ସମାନ କରିବା ଦାବିରେ ଶିକ୍ଷକମାନେ ଆନ୍ଦୋଳନ କରୁଥିବାରୁ ଏଭଳି ଭାବେ ସେମାନଙ୍କ ଚାକିରି ଯାଇଛି । ଏହାସହ ସେ ଚାକିରି ହରାଇଥିବା ୩୬ ହଜାର ଶିକ୍ଷକଙ୍କ ପରିବାରକୁ ଅନୁରୋଧ କରିଛନ୍ତି ଯେ ଏହା ଉପରେ ସେ ନ୍ୟାୟାଳୟର ଦ୍ୱାରସ୍ତ ହେବେ ।
କହିରଖୁ କି କୋଲକତା ଉଚ୍ଚ ନ୍ୟାୟାଳୟ ରାଜ୍ୟ ସରକାରଙ୍କ ଦ୍ୱାରା ପ୍ରାୟୋଜିତ ଓ ସହାୟତା ପ୍ରାପ୍ତ ନିଯୁକ୍ତି ପାଇଥିବା ୩୬ ହଜାର ଶିକ୍ଷକଙ୍କ ନିଯୁକ୍ତି ରଦ୍ଦ କରିବାକୁ ଆଦେଶ ଦେଇଛନ୍ତି । ନିଯୁକ୍ତି ପ୍ରକ୍ରିୟାରେ ଥିବା ନିୟମ ମୁତାବକ ନିଯୁକ୍ତି ହୋଇନଥିବା କୋର୍ଟ କହିଥିଲେ ।