ଲାଉଡସ୍ପିକର ଲଗାଇ ଆଜାନ ପଢିବା ବିବାଦ, ଜାଣନ୍ତୁ କଣ କହିଲେ ଅନୁରାଧା ପୌଡୁୱାଲ
କନକ ବ୍ୟୁରୋ : ହିଜାବ ପରେ ଏବେ ଦେଶରେ ଆଜାନ ଏକ ବଡ ବିବାଦ ଭାବେ ଉଭା ହୋଇଛି । ମୁସଲିମ୍ ସଂପ୍ରଦାୟର ଲୋକମାନେ ମସଜିଦରେ ଲାଉଡସ୍ପିକର ଲଗାଇ ଆଜାନ ପଢିବାକୁ ଅନେକ ଲୋକ ବିରୋଧ କରିଛନ୍ତି । ଏହି କ୍ରମରେ ଆଜି ନିଜର ମତ ରଖିଛନ୍ତି ଦେଶର ପ୍ରସିଦ୍ଧ କଣ୍ଠଶିଳ୍ପୀ ଅନୁରାଧା ପୌଡୁୱାଲ । ସେ କହିଛନ୍ତି କି ଆଜାନ ପଢିବା ବେଳେ ଲାଉଡସ୍ପିକର ବ୍ୟବହାର କରିବା ବନ୍ଦ ହେବା ଆବଶ୍ୟକ । ତାଙ୍କ କହିବା କଥା କି ଅନ୍ୟଦେଶମାନେ ଏହା ଉପରେ କେବେ ଠାରୁ ପ୍ରତିବନ୍ଧକ ଲଗାଇଥିବା ବେଳେ ଭାରତ ସରକାର ଏବେ ଏହା ଉପରେ ପ୍ରତିବନ୍ଧକ ଲଗାଇବା ଉଚିତ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଏହା ପୂର୍ବରୁ ମହାରାଷ୍ଟ୍ରର ରାଜନୈତିକ ଦଳ ନବନିର୍ମାଣ ସେନା ଆଜାନ ସମୟରେ ଲାଉଡସ୍ପିକର ବ୍ୟବହାର କରିବାକୁ ବିରୋଧ କରିଥିଲେ । ଏନେଇ ନବନିର୍ମାଣ ସେନାର ମୁଖ୍ୟ ରାଜ ଠାକରେ କହିଥିଲେ କି ଯଦି ମୁସଲିମ ସଂପ୍ରଦାୟର ଲୋକେ ଆଜାନ ପଢିବା ବେଳେ ଲାଉଡସ୍ପିକର ବ୍ୟବହାର କରନ୍ତି ତେବେ ମସଜିଦ ସାମ୍ନାରେ ହନୁମାନ ଚାଳିଶା ପଢାଯିବ । ଏହାପରେ ଏବେ ଏହା ଦେଶରେ ଏକ ବଡ ପ୍ରସଙ୍ଗ ହୋଇଛି । ଏନେଇ ଅନୁରାଧା କହିଛନ୍ତି କି ଆଜାନ ପଢିବା ବେଳେ ଲାଉଡସ୍ପିକରର କୌଣସି ଆବଶ୍ୟକତା ନାହିଁ ।
ଏହି ପ୍ରସିଦ୍ଧ କଣ୍ଠଶୀଳ୍ପି ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି କି, ବିଶ୍ୱର ଅନେକ ରାଷ୍ଟ୍ର ଭ୍ରମଣ କରିବା ଭିତରେ ଏଭଳି ବ୍ୟବସ୍ଥା ଭାରତ ବ୍ୟତୀତ କୌଣସି ରାଷ୍ଟ୍ରରେ ନଥିବା କଥା ସେ ଦେଖିଛନ୍ତି । ସେ କହିଛନ୍ତି କି, ମୁଁ କୌଣସି ଧର୍ମର ବିରୋଧ କରୁ ନାହିଁ ହେଲେ ନିର୍ଦ୍ଧିଷ୍ଟ ଏକ ଧର୍ମର ଲୋକ ଏଭଳି କରୁଥିବାରୁ ଅନ୍ୟ ଧର୍ମର ଲୋକେ ଏହାକୁ ନେଇ ଅଭିଯୋଗ କରିବେ ।