କନକ ବ୍ୟୁରୋ: ଓଲିଉଡର ଚର୍ଚ୍ଚିତ ଯୋଡି ଅନୁଭବ-ବର୍ଷା ବିବାଦ ଲାଗି ରହିଥିବାବେଳେ ଆଜି ଏହି ଘଟଣାକୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ବର୍ଷା ପ୍ରିୟଦର୍ଶିନୀଙ୍କ ବିରୋଧରେ ଅନୁଭବ ଆଜି ପୁରୀଘାଟ ଥାନାରେ ଅଭିଯୋଗ କରିଛନ୍ତି । ସେ କହିଛନ୍ତି ଯେ, ତାଙ୍କ ବିରୋଧରେ ବର୍ଷା ଷଡଯନ୍ତ୍ର କରୁଛନ୍ତି । ଏହାସହିତ ସେ ତାଙ୍କ ଘର ଭାଙ୍ଗିବାକୁ ମଧ୍ୟ ଚେଷ୍ଟା କରୁଥିବା ସେ ନିଜର ଅଭିଯୋଗରେ ଦର୍ଶାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଅଭିଯୋଗରେ କହିଛନ୍ତି ଯେ, ଲଗାତାର କିଛି ଦିନ ହେଲା ସେ ତାଙ୍କ ଘର ପାଖରେ କିଛି ଅଜଣା ଲୋକଙ୍କୁ ବୁଲୁଥିବା ଦେଖିବାକୁ ପାଉଛନ୍ତି । ଯେଉଁମାନେ ବିନା ଅନୁମତିରେ ହେଲମେଟ ପିନ୍ଧି ତାଙ୍କ ଘର ଆଗରେ ବୁଲୁଛନ୍ତି । ଯାହାଦ୍ୱାରା ତାଙ୍କ ପରିବାର ପ୍ରତି ବିପଦ ଥିବା ସେ ଦର୍ଶାଇଛନ୍ତି । ଅନ୍ୟପଟେ ସିସିଟିଭିରୁ ଦେଖିଥିବା ଫୁଟେଜକୁ ଆଧାର କରି ଅନୁଭବ କହିଛନ୍ତି, ତାଙ୍କ ଘରର ଅନେକ ନକଲି ଚାବି ପ୍ରସ୍ତୁତ ହୋଇଛି । ଯାହା ଫଳରେ ତାଙ୍କ ଘରୁ ବହୁ ମୂଲ୍ୟବାନ ଜିନିଷ ଚୋରି ହୋଇପାରେ ବୋଲି ସେ ଅଭିଯୋଗ କରିଛନ୍ତି ।
କଟକ ପୁରୀ ଘାଟ ଥାନାରେ ବର୍ଷାଙ୍କ ବିରୋଧରେ ଅନୁଭବଙ୍କ ଅଭିଯୋଗ । ଅନଧିକାର ପ୍ରବେଶ, ଘର ଭାଙ୍ଗିବା ନେଇ ଅଭିଯୋଗ ଆଣିଲେ । ଅପରାଧିକ ଓ ରାଜନୈତିକ ଷଡଯନ୍ତ୍ରର ଲଗାଇଲେ ଆରୋପ । ଅଜଣା ଦୁର୍ବୃତ୍ତ ବର୍ଷାକୁ ସହଯୋଗ କରୁଥିବା ଏଫଆଇଆରରେ ଉଲ୍ଲେଖ । ପରିବାର ଓ ମୋ ଜୀବନ ପ୍ରତି ବିପଦ ରହିଛି ବୋଲି କହିଲେ ଅନୁଭବ । @AnubhavMohanty_ pic.twitter.com/IwpwRs0KPo
— Kanak News (@kanak_news) July 8, 2021
ଅନ୍ୟପଟେ ଅନୁଭବ, ବର୍ଷାଙ୍କ ବିରୋଧରେ ଅପରାଧିକ ଓ ରାଜନୈତିକ ଷଡଯନ୍ତ୍ର ହେଉଥିବା ନେଇ ଅଭିଯୋଗ ଆଣିଛନ୍ତି । ତେଣୁ ତୁରନ୍ତ ଏହି ସମସ୍ୟାର ସମାଧାନ ପାଇଁ ସେ ଅନୁରୋଧ କରିଛନ୍ତି ।