ବ୍ଲକ ହେଲା ନ୍ୟୁଜ୍ ଏଜେନ୍ସି ଏଏନଆଇର ଟ୍ୱିଟର ହ୍ୟାଣ୍ଡେଲ, ଟ୍ୱିଟର ହ୍ୟାଣ୍ଡେଲକୁ ଛୋଟଛୁଆ କହି ନିଆଗଲା କାର୍ଯ୍ୟାନୁଷ୍ଠାନ
କନକ ବ୍ୟୁରୋ : ଦେଶର ସବୁଠାରୁ ବଡ ନ୍ୟୁଜ୍ ଏଜେନ୍ସି ମଧ୍ୟରୁ ଅନ୍ୟତମ ଏଏନଆଇ ଟ୍ୱିଟର ହ୍ୟାଣ୍ଡେଲକୁ ବ୍ଲକ କରିଦିଆଯାଇଛି । ଏକ ଅଜବ କାରଣ ଦର୍ଶାଇ ଟ୍ୱିଟର ପକ୍ଷରୁ ଏଏନଆଇ ଆକାଉଣ୍ଟକୁ ବ୍ଲକ କରିଦିଆଯାଇଛି । ଟ୍ୱିଟରରେ ଏଏନଆଇର ୭.୫ ମିଲିୟନ ଅର୍ଥାତ ୭୫ଲକ୍ଷ ଫଲୋଅର୍ସ ରହିଛନ୍ତି । ଏବେ ଏହି ଆକାଉଣ୍ଟ ଖୋଲିବା ବେଳେ ଏହା ଡଜନଟ୍ ଏକ୍ସିଟ ବୋଲି ଲେଖୁଛି ।
Kanak News is now on WhatsApp
Join and get latest news updates delivered to you via WhatsApp
ଟ୍ୱିଟର ହ୍ୟାଣ୍ଡେଲ ବ୍ଲକ ହେବା ପରେ ଏହାକୁ ନେଇ ଏଏନଆଇର ସଂପାଦକ ସ୍ମିତା ପ୍ରକାଶ ଏକ ଟ୍ୱିଟ୍ କରିଛନ୍ତି । ଏଥିରେ ସେ ଲେଖିଛନ୍ତି କି ଏହା ଏଏନଆଇକୁ ଫଲୋ କରୁଥିବା ଲୋକଙ୍କ ପାଇଁ ଖରାପ ଖବର । ଦେଶରେ ସବୁଠାରୁ ବଡ ସମାଚାର ଏଜେନ୍ସି ଏଏନଆଇ । ଏହାର ୭.୬ ଲକ୍ଷ ଫଲୋଅର୍ସ ରହିଛନ୍ତି । ହେଲେ ଟ୍ୱିଟର ପକ୍ଷରୁ ଏହାର ଆକାଉଣ୍ଟକୁ ବନ୍ଦ କରିଦେବା ଏକ ବଡ ଖବର । ଟ୍ୱିଟର ତରଫରୁ ମଧ୍ୟ ଏକ ଇ-ମେଲ ପଠାଯାଇଛି । ଏଥିରେ ଲେଖାଯାଇଛି କି ଏଏନଆଇର ବୟସ ୧୩ବର୍ଷରୁ କମ୍ ହୋଇଥିବାରୁ ଏହି ଆକାଉଣ୍ଟକୁ ବ୍ଲକ କରାଯାଇଛି । ଏନେଇ ସ୍ମିତା ପ୍ରକାଶ ଲେଖିଛନ୍ତି କି, ଟ୍ୱିଟର ପକ୍ଷରୁ ପ୍ରଥମେ ଏଏନଆଇ ଆକାଉଣ୍ଟରୁ ଗୋଲ୍ଡ ଟିକ୍ ହଟାଯାଇଥିଲା । ଏହା ସ୍ଥାନରେ ବ୍ଲୁ ଟିକ ଲଗାଯାଇଛି ଓ ଏବେ ଆକାଉଣ୍ଟକୁ ସମ୍ପୂର୍ଣ୍ଣ ଭାବେ ବ୍ଲକ କରାଯାଇଛି ।
So those who follow @ANI bad news, @Twitter has locked out India’s largest news agency which has 7.6 million followers and sent this mail – under 13 years of age! Our gold tick was taken away, substituted with blue tick and now locked out. @elonmusk pic.twitter.com/sm8e765zr4
— Smita Prakash (@smitaprakash) April 29, 2023
ଟ୍ୱିଟର ତରଫରୁ ଏଏନଆଇର ଆକାଉଣ୍ଟ ବ୍ଲକ କରି ଲେଖାଯାଇଛି କି ଟ୍ୱିଟରରେ ଆକାଉଣ୍ଟ ଖୋଲିବାକୁ ସର୍ବନିମ୍ନ ୧୩ ବର୍ଷ ବୟସ ହୋଇଥିବା ଆବଶ୍ୟକ । ହେଲେ ଏଏନଆଇକୁ ଏବେ ୧୩ବର୍ଷ ହୋଇନାହିଁ । ଏହି କାରଣରୁ ଏଏନଆଇ ଆକାଉଣ୍ଟକୁ ବ୍ଲକ କରାଯାଇଥିବା କଥା ଟ୍ୱିଟର ପକ୍ଷରୁ ସ୍ପଷ୍ଟିକରଣ ଦିଆଯାଇଛି । ଏହାସହ ଏହା ଯଦି ଠିକ୍ ନୁହେଁ ତେବେ ଟ୍ୱିଟର ସହିତ ସଂପର୍କ କରିବାକୁ ଏଏନଆଇକୁ ପରାମର୍ଶ ଦିଆଯାଇଛି ।