‘ଯିଏ ଦେଶକୁ ଭଲପାଏ, ସେ ଜନ୍ତର ମନ୍ତର ଆସନ୍ତୁ…’ କୁସ୍ତିଯୋଦ୍ଧାଙ୍କ ପ୍ରଦର୍ଶନସ୍ଥଳୀରେ ପହଞ୍ଚିଲେ ଦିଲ୍ଲୀ ମୁଖ୍ୟମନ୍ତ୍ରୀ । କହିଲେ ଏମିତି କିଛି କଥା…
କନକ ବ୍ୟୁରୋ: କୁସ୍ତି ସଂଘର ଅଧ୍ୟକ୍ଷ ତଥା ବିଜେପି ସାଂସଦ ବ୍ରଜଭୂଷଣ ସିଂହଙ୍କ ବିରୋଧରେ ଯୌନଶୋଷଣର ଅଭିଯୋଗ ନେଇ ଦିଲ୍ଲୀର ଜନ୍ତର ମନ୍ତରରେ ବିକ୍ଷୋଭ କରୁଛନ୍ତି ଦେଶର କୁସ୍ତି ଯୋଦ୍ଧା । ଶନିବାର ଦିନ ଏହି ଧାରଣା ନିଜର ସପ୍ତମ ଦିନରେ ପହଞ୍ଚିଛି । ତେବେ ଶନିବାର କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କ ସହିତ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଜନ୍ତର ମନ୍ତରରେ ପହଞ୍ଚି କୁସ୍ତିଯୋଦ୍ଧାଙ୍କ ସହ ଆଲୋଚନା କରିବା ସହିତ ତାଙ୍କ ପ୍ରତି ସମର୍ଥନ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେଜ୍ରିୱାଲ କହିଛନ୍ତି, ପାଖାପାଖି ଏକ ସପ୍ତାହ ହୋ ଦେଶର କୁସ୍ତିଯୋଦ୍ଧାମାନେ ପ୍ରଦର୍ଶନ କରୁଛନ୍ତି । କାହିଁକି ନା ବିଜେପିର ବାହୁବଳୀ ନେତା ତାଙ୍କ ପ୍ରତି ଦୁଃବ୍ୟବହାର କରିଛନ୍ତି । ତେବେ କୌଣସି ବି ଭଉଣୀ କିମ୍ବା ଝିଅଙ୍କ ପ୍ରତି ଖରାପ କାମ କରିଥିବା ଲୋକଙ୍କୁ ତୁରନ୍ତ ଫାଶୀରେ ଝୁଲେଇ ଦେବା ଦରକାର ବୋଲି କେଜ୍ରିୱାଲ କହିଛନ୍ତି । ତେବେ ଦୁଃଖର କଥା ଏହା ଯେ, ଯେଉଁ ଝିଅମାନେ ଦେଶ ପାଇଁ ସୁନାମ ଆଣିଥିଲେ, ତାଙ୍କୁ ନ୍ୟାୟ ପାଇଁ ଲଢେଇ ଲଢିବାକୁ ପଡୁଛି ।
भारत माँ से प्यार करने वाला हर शख़्स देश की बेटियों को समर्थन देने जंतर-मंतर ज़रूर पहुँचें। 🇮🇳#KejriwalStandsWithChampions pic.twitter.com/t82vqTiRnz
— AAP (@AamAadmiParty) April 29, 2023
କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ, ଯେଉଁ ଲୋକମାନେ ଦେଶକୁ ଭଲପାଉଛନ୍ତି । ସେମାନେ ନିଶ୍ଚୟ ଏହି କୁସ୍ତିଯୋଦ୍ଧାଙ୍କ ସହ ଠିଆ ହେବେ । ଦେଶର ପ୍ରତିଟି ଲୋକ ଏମାନଙ୍କୁ ସମର୍ଥନ ଜଣାଇବାକୁ କେଜ୍ରିୱାଲ କହିଛନ୍ତି । କୁସ୍ତିଯୋଦ୍ଧାମାନଙ୍କୁ ସମର୍ଥନ ଜଣାଇବା ସହିତ ଜନ୍ତର ମନ୍ତରରେ ପହଞ୍ଚିବାକୁ ଦାବି କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ । ଏଥିସହ କେନ୍ଦ୍ର ସରକାର ମଧ୍ୟ ଏହି ପ୍ରଦର୍ଶନକାରୀ କୁସ୍ତିଯୋଦ୍ଧାଙ୍କୁ ପାଣି, ବିଜୁଳି ଓ ଅନ୍ୟ ସୁବିଧା ଦେବାକୁ ଅନୁରୋଧ କରିଛନ୍ତି ।
ये खिलाड़ी हमारा मान हैं। ये कड़ी मेहनत और संघर्ष करके देश के लिए मेडल जीतती हैं। इनका शोषण, इनका अपमान.. देश की हर एक महिला का अपमान है। इनको न्याय मिले – पूरा देश ये चाहता है। pic.twitter.com/8Ro8GrHKER
— Priyanka Gandhi Vadra (@priyankagandhi) April 29, 2023
ସୂଚନାଯୋଗ୍ୟ ଯେ, ଶନିବାର କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମଧ୍ୟ ଜନ୍ତର ମନ୍ତରରେ ପହଞ୍ଚିଥିଲେ । କୁସ୍ତିଯୋଦ୍ଧାଙ୍କ ପ୍ରତି ସମର୍ଥନ ଜଣାଇବା ସହିତ ଖେଳାଳିଙ୍କ ସହ ଆଲୋଚନା କରିଥିଲେ ପ୍ରିୟଙ୍କା । ଏହି ସମୟରେ ମହିଳା କୁସ୍ତିଯୋଦ୍ଧାମାନେ ଭାବବିହ୍ୱଳ ହେଇପଡିଥିବା ଦେଖିବାକୁ ମିଳିଥିଲା । ଅନ୍ୟପଟେ ଏହି ଘଟଣାରେ ମାମଲା ରୁଜୁ ହେବା ପରେ ସାମ୍ନାକୁ ଆସିଛି ବ୍ରିଜ୍ ଭୂଷଣଙ୍କ ପ୍ରତିକ୍ରିୟା । ନିଜ ବିରୋଧର ଆସିଥିବା ସମସ୍ତ ଅଭିଯୋଗ ମିଥ୍ୟ ବୋଲି ସଫେଇ ରଖିଛନ୍ତି ବ୍ରିଜଭୁଷଣ । ତାଙ୍କ ଉପରେ ଲାଗିଥିବା ଆରୋପ ଭିତ୍ତିହୀନ । ଖେଳାଳିମାନେ ଚଲାଇଥିବା ଏହି ଧାରଣା ଏକ ଷଡ଼ଯନ୍ତ୍ର । ସେ ଅପରାଧୀ ନୁହଁନ୍ତି ବୋଲି ସେ ପ୍ରତିକ୍ରିୟା ରଖିଛନ୍ତି ।
ସୁପ୍ରିମକୋର୍ଟଙ୍କ ତାଗିଦ ପରେ କନ୍ନଟ ପ୍ଲେସ ଥାନାରେ ବ୍ରିଜଭୂଷଣଙ୍କ ବିରୋଧରେ ୨ଟି ଏଫଆଇଆର ରୁଜୁ କରିଛି ଦିଲ୍ଲୀ ପୁଲିସ୍ । ଗୋଟିଏ ଏଫଆଇଆର ପକସୋ ଆକ୍ଟରେ କରାଯାଇଥିବାବେଳେ, ଦ୍ୱିତୀୟ ଏଫଆଇଆରଟି ଅନ୍ୟ କୁସ୍ତି ଯୋଦ୍ଧାଙ୍କ ଅଭିଯୋଗ ଆଧାରରେ ହୋଇଛି । ବ୍ରିଜଭୂଷଣଙ୍କ ବିରୋଧରେ ଦିଲ୍ଲୀ ପୁଲିସ ଏଫଆଇଆର ରୁଜୁ କରୁନଥିବାରୁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ କୁସ୍ତିଯୋଦ୍ଧା । ତାପରେ କୋର୍ଟ ଦିଲ୍ଲୀ ପୁଲିସକୁ ନୋଟିସ କରିଥିଲେ । ଅଭିଯୋଗ କରିବା ସତ୍ୱେ କଣ ପାଇଁ ମାମଲା ରୁଜୁ କରାଯାଇନି ବୋଲି ପ୍ରଶ୍ନ କରିଥିଲେ କୋର୍ଟ । ଏହାର ଜବାବ ରଖି ଦିଲ୍ଲୀ ପୁଲିସ କହିଥିଲା କୌଣସି ଏତଲା ପୂର୍ବରୁ ପ୍ରାରମ୍ଭିକ ତଦନ୍ତର ଆବଶ୍ୟକତା ରହିଛି । ଆନ୍ଦୋଳନକାରୀ କୁସ୍ତିଯୋଦ୍ଧା କହିଛନ୍ତି ଦିଲ୍ଲୀ ପୁଲିସ ଉପରେ ତାଙ୍କର ଭରସା ନାହିଁ ।