କନକ ବ୍ୟୁରୋ: ପୁଣି ଚିନ୍ତାରେ ପଡିଛି ଚାଷୀ । ବିଭିନ୍ନ ସମୟରେ ବିପର୍ଯ୍ୟୟ ଯୋଗୁ ଚାଷୀର ଚାଷ ନଷ୍ଟ ହୋଇଯାଉଥିବା ବେଳେ ଏବେ ପୁଣି କ୍ଷତି ସହିଲାଣି ଚାଷୀ । ଏବେ ଚକଡା ପୋକ ଚିନ୍ତା ବଢାଇଲାଣି । ତିଲେଇବଣୀ ବ୍ଲକ ଜୁଆଳୀଭଙ୍ଗା ଗାଁରେ ଚାଷ ଜମିରେ ଚକଡା ପୋକ ଦାଉସାଧୁଛି । ଜଙ୍ଗଲୀଜନ୍ତୁଙ୍କ କବଳରୁ ଚାଷକୁ ବଞ୍ଚାଇ ରଖିଥିଲେ ଚାଷୀ । ଏପରିକି ରାତିସାରା ଅନିଦ୍ରା ହୋଇ ଜଗିଥିଲେ ବର୍ଷକର ଆହାର । ହେଲେ ଏବେ ଅମଳ ସମୟରେ ଚକଡା ପୋକ ଲାଗି ଅମଳ ଫସଲ ବି ନଷ୍ଟ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
କୃଷି ଅଧିକାରୀଙ୍କୁ ପରାମର୍ଶ କରି ବିଭିନ୍ନ ସମୟରେ କୀଟନାଶକ ଆଣି ସିଞ୍ଚନ କରିଥିଲେ ଚାଷୀକୂଳ, ହେଲେ ତାହା ବି କାମ ଦେଲାନି । ବିଭିନ ସ୍ଥାନରୁ ଧାର କରଜ କରି ଚାଷୀ ଚାଷ କରିଥିବା ବେଳେ ଏବେ ଚାଷ ନଷ୍ଟ ହେଲେ ଋଣ କିଭଳି ସୁଝିବେ ତାକୁ ନେଇ ଚିନ୍ତାରେ । ବର୍ଷସାରା ପରିବାର କିଭଳି ଚଳିବ ସେ ନେଇ ଚାଷୀର ଚିନ୍ତା ବଢିଚାଲିଛି ।
ସମସ୍ୟା ନେଇ ଚାଷୀଙ୍କୁ ଉପଯୁକ୍ତ ପରାମର୍ଶ ପ୍ରଦାନ କରାଯାଇଥିବା ପରେ ବି ଚକଡା ପୋକ ଲାଗି ଚାଷୀ କ୍ଷତିଗ୍ରସ୍ତ ହୋଇଛନ୍ତି । ଚାଷୀଙ୍କ କ୍ଷତି ଭରଣା ପାଇଁ କ୍ଷତିଗ୍ରସ୍ତ ଚାଷୀ ଙ୍କୁ ବିରି ,ମୁଗ ଭଳି ଡାଲି ଜାତୀୟ ଚାଷରେ ଚାଷୀ କୃଷି ବିଭାଗ ଭରଣା କରିବାକୁ ଉଦ୍ୟମ କରିବ ବୋଲି କହିଛନ୍ତି ଅଧିକାରୀ ।