କନକ ବ୍ୟୁରୋ : ଦିଲ୍ଲୀରେ ଆମ୍ ପାର୍ଟି ବନାମ୍ ବିଜେପିର ଯୁଦ୍ଧ ଏବେ ଆଉପାଦେ ଆଗକୁ ଯାଇଛି । ବିଭିନ୍ନ ରାଜ୍ୟରେ ଅପରେଶନ ଲୋଟସ କରି ବିଜେପି ସରକାର ଭାଙ୍ଗିଥିବା ଅଭିଯୋଗ କରିଛି ଆପ୍ । ଏହି କ୍ରମରେ ଯେଉଁ ଯେଉଁ ରାଜ୍ୟରେ ବିରୋଧୀଙ୍କ ସରକାର ଭାଙ୍ଗି ବିଜେପି ସରକାର କରିଛି ତାହା ଉପରେ ଯାଂଚ ଦାବି କରିଛି ଆପ୍ । ଏନେଇ ଆପର କିଚି ବରିଷ୍ଠ ନେତା କିଛିଦିନ ହେବ ସିବିଆଇ ନିର୍ଦ୍ଦେଶକଙ୍କୁ ଭେଟିବାକୁ ଚାହୁଁଥିଲେ । ହେଲେ ସେମାନଙ୍କୁ ଭେଟିବାକୁ ସିବିଆଇ ନିର୍ଦ୍ଦେଶକ ସମୟ ନଦେବାରୁ ଆଜି ଆପ୍ ର ବିଧାୟକମନେ ସିବିଆଇ କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅଭିଯୋଗ ଆଣିଛନ୍ତି କି ଦିଲ୍ଲୀରେ ଆମ୍ ଆଦମୀ ପାର୍ଟିର ସରକାର ଭାଙ୍ଗିବା ପାଇଁ ବିଜେପି ଅପରେଶନ ଲୋଟସ ଚଳାଇଥିଲା । ଏହି କ୍ରମରେ ବିଜେପି ତରଫରୁ ଆପ୍ ବିଧାୟକଙ୍କୁ କିଣିବାକୁ ୨୦ କୋଟି ଲେଖାଏଁ ଅଫର କରିଥିବା ମଧ୍ୟ କିଛି ଆପ୍ ବିଧାୟକ ଗଣମାଧ୍ୟମ ଆଗରେ କହିଥିଲେ । କେଜ୍ରିୱାଲ କହିଛନ୍ତି କି ଦିଲ୍ଲୀରେ ବିଜେପିର ଅପରେଶନ ଲୋଟସ ଫେଲ ହୋଇଛି ହେଲେ ଅନ୍ୟ ରାଜ୍ୟମାନଙ୍କରେ ହୋଇଥିବା ଅପରେଶନ ଲୋଟସର ସିବିଆଇ ଯାଂଚ କରିବାକୁ କେଜ୍ରିୱାଲ ଦାବି କରିଛନ୍ତି ।
ଆଜି ସିବିଆଇ କାର୍ଯ୍ୟାଳୟ ସମ୍ମୁଖରେ ଆମ୍ ଆଦମୀ ପାର୍ଟି ପକ୍ଷରୁ ଧାରଣା ଦିଆଯାଇଛି । ଏହି ଧାରଣାରେ ଆତିସୀ, ସଂଜୟ ସିଂ ଓ ସୌରଭ ଭରଦ୍ୱାଜଙ୍କ ଭଳି ନେତା ନେତୃତ୍ୱ ନେଇଛନ୍ତି ।