କନକ ବ୍ୟୁରୋ: ପ୍ଲାଷ୍ଟିକ ମନି କହିଲେ ଆପଣ କଣ ବୁଝନ୍ତି? ପ୍ଲାଷ୍ଟିକ ମନି ଅର୍ଥାତ ଡେବିଟ କାର୍ଡ । ଏହି ଡେବିଟ କାର୍ଡ ବର୍ତ୍ତମାନ ଆମମାନଙ୍କ ଜୀବନକୁ ଅତି ସହଜ କରିଦେଇଛି । ଆଜି ଆମ ପାଖରେ ଅନେକ ୟୁପିଆଇ ଆପ ଥିଲେ ମଧ୍ୟ ଆରମ୍ଭରୁ ଡେବିଟ କାର୍ଡ ଆମ ଜୀବନର ଗୋଟିଏ ଅଂଶ ହୋଇ ରହିଛି । ଗୋଟିଏ ସମୟ ଥିଲା ଯେତେବେଳେ ଡେବିଟ କାର୍ଡ ଲୋକଙ୍କ ଅଧିକ ଟଙ୍କା ସାଥିରେ ନେଇ ଯିବା ସମସ୍ୟାକୁ ଦୂର କରିଥିଲା । ତେବେ ଆପଣ କେଉଁ ବ୍ୟାଙ୍କର ଡେବିଟ କାର୍ଡ ବ୍ୟବହାର କରନ୍ତି?
Kanak News is now on WhatsApp
Join and get latest news updates delivered to you via WhatsApp
ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଦେଶରେ ପାଖାପାଖି ୯୪.୭୭ କୋଟି ଡେବିଟ କାର୍ଡ ସକ୍ରିୟ ରହିଛି । ଏଥିରୁ କେବଳ ୬୦ ପ୍ରତିଶତ ଡେବିଟ କାର୍ଡ ୬ ପ୍ରମୁଖ ବ୍ୟାଙ୍କର ରହିଛି । ସବୁଠାରୁ ଅଧିକ ଡେବିଟ କାର୍ଡ ଏସବିଆଇର ରହିଛି ଯାହାକୁ ଲୋକେ ବ୍ୟବହାର କରୁଛନ୍ତି । ୯୪.୭୭ ପ୍ରତିଶତରୁ ୩୦ ପ୍ରତିଶତ ଅର୍ଥାତ ୨୭.୮୬ କୋଟି ଡେବିଡ କାର୍ଡ ଏସବିଆଇର । ଦ୍ୱିତୀୟ ସ୍ଥାନରେ ବ୍ୟାଙ୍କ ଅଫ ବରୋଦା ରହିଛି । ପାଖାପାଖି ୭.୯ କୋଟି ଲୋକେ ଏହି ବ୍ୟାଙ୍କର ଡେବିଟ କାର୍ଡକୁ ଚଳାଉଛନ୍ତି । ଏହି ତଥ୍ୟ ଆରବିଆଇ ପକ୍ଷରୁ ନେଭମ୍ବର ୨୦୨୨ରେ ଜାରି ହୋଇଥିବା ରିପୋର୍ଟରୁ ସାମ୍ନାକୁ ଆସିଛି ।
ସେହିଭଳି ତୃତୀୟ ସ୍ଥାନରେ ୟୁନିୟନ ବ୍ୟାଙ୍କର ଡେବିଟ କାର୍ଡ ରହିଛି । ଏଥିରେ ପାଖପାଖି ୫.୧ କୋଟି ଲୋକ ଡେବିଟ କାର୍ଡକୁ ବ୍ୟବହାର କରୁଛନ୍ତି । ଏଚଡିଏଫସି ବ୍ୟାଙ୍କ ଏବଂ କାନାଡା ବ୍ୟାଙ୍କର ଗ୍ରାହକ ମାନେ ପାଖପାଖି ୫.୧ ପ୍ରତିଶତ ଅର୍ଥାତ ୪.୮ କୋଟି ଡେବିଟ କାର୍ଡ ବ୍ୟବହାର କରୁଛନ୍ତି । ବ୍ୟାଙ୍କ ଅଫ୍ ଇଣ୍ଡିଆର ପାଖାପାଖି ୪.୬ କୋଟି ଗ୍ରାହକ ଡେବିଟ କାର୍ଡ ଚଳାଉଛନ୍ତି । ଏହିଭଳି ଭାବେ ଦେଶରେ ପ୍ଲାଷ୍ଟିକ ଟଙ୍କାର ବହୁଳ ବ୍ୟବହାର କରାଯାଉଛି ।